Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xiij.

1

DE ^* broederlicke liefde latet blijuen.

* Rom.12.c.10 Ephe.4.a.3 1.Pet.1.d.22 end .2.c.17

2

^‡ Der gastlieuigheyt verghetet niet. ^* Want door de zelue hebben zommighe onwetent Enghels beherberght.

‡ Rom.12.c.13 1.Pet.4.b.9

* Gene.18.a.3 end .19.a.2

3

^‡ Zijt ghedachtigh der ghebondenen als medeghebonden, end der, die onghemack lijden, als die dar oock zelue

‡ Mat.25.d.37

[p. 385v]

im lijue zijt.

4

De echtstand [⁺ is] eęrlick onder allen, end het echtbedde onbeuleckt. De hoererers auer end de echtbrekers zal God richten.

+ Of. zy

5

^* De wandel zy ongheldghierigh, ^‡ end latet v ghenoughen an dem, dat voor handen is: Want hy heeft ghezegt: ^* Ick verlate dy niet, noch begheue dy niet:

* Exod.23.a.8 Deut.16.d.19 Prou.15.c.16

‡ 1.Tim.6.b.6 Eccli 29.d.27

* Deu.31.b.6 Iosue.1.a.5

6

Alzo dat wy doruen zegghen, ^‡ De Heęr is mijn helper, end ick zal niet vreęzen, wat my eęn mensch doen zal.

‡ Psal.56.a.5 end .118.a.6

7

^* Zijt ghedachtigh uwer Uoorgangheren, die v het word Godes ghesproken hebben: ⁺ der zeluer ghelooue volghet na, dewijl ghy den wtgangk hœrs wandels anschauwet.

* Hebr.13.c.17

+ B

8

Iesus Christus ghisteren end huyden is de zelue, end oock in eęwigheyden,

9

^* Latet v niet mit menigherley end vrémden leęringhen ommuoeren. Want het is goed dat het hert beuestight werde door ghenade ^‡, niet mit spijzen, door welcke gheęn nuttigheyt hebben entfanghen, die daerin ghewandelt hebben.

* Ierem.29.b.8 Matt.24.a.4 Rom.16.c.16 Ephes.5.b.6 Colos.2.b.8 2.Thes.2.a.2 1.Ioan.4.a.1

‡ Ioan.6.c.27 Rom.14.c.17

10

Wy hebben eęnen altaer waervan gheęn macht hebben te eeten, die der Hutten pleghen.

11

^* Want welcker dieren bloed inghebracht werdt vœr de zonde door den Ouerpriester in de Heylighe, der zeluer lijuen werden verbrandt buyten dem hærlægher.

* Exo.29.b.11 Leui.4.d.21 end .6.d.30 end .16.f.27 Num.19.a.3

12

Daerom oock Iesus, op dat hy heylighde het volck door zijn eyghen bloed

[p. 386r]

^* heeft gheleden buyten voor der poorte.

* Ioan.19.c.18

13

Zo latet ons nu tot hem hénwt gaen buyten dem hærlægher, ⁺ end zijn smadigheyt draghen.

+ C

14

^* Want wy hebben hier gheęn blijuende stad, mer eęn toekomstige zoucken wy.

* Philip.3.d.20

15

⁺ Zo latet ons nu Gode altijd opofferen door hem eęnen lofoffer: dat is, ^* eęn vrucht der lippen die zynen naem belijden.

+ of, Zo offeren wy dan. etc.

* Osee.14.a.3

16

Der weldadigheyt auer end des mededeęlens verghetet niet: ^* want mit alzulcken offeren werdt men Gode wel behaaghlick.

* Philip.4.d.18

17

^* Zijt ghehoorzaem uwen Uoorgangheren, end bewijzet [hen] billickheyt: (want zy waken ouer uwe zielen ^‡ als die rekenschap daervœr gheuen zullen:) op dat zy dit mit vrœghden doen, end niet mit zuchten: want dit is v niet nuttigh.

* Philip.2.d.29 1.Thes.5.b.12 1.Timo.5.c.17

‡ Ezech.3.d.18 end .33.b.6

18

Biddet vœr ons: want wy vertrauwen dat wy eęn goede consciency hebben, dewijl wy ons beulijtighen eęrlick by allen te wandelen.

19

Ueel meęr auer vermane ick v zulcks te doen: ⁺ op dat ick v te eęr hær weder ghebracht werde.

+ D

20

De God auer des vredes die van den dooden wederghebracht heeft ^* den grooten Hærder der schapen door het bloed des eęwighen Testaments, onzen Heęre Iesum:

* Esa.40.c.11 Ezech.34.f 23 Ioan.10.b.11 1.Petr.5.b.4

21

^‡ Die make v volkommen in allem goeden wercke, te doen zynen will, end make in v dat voor hem welgeualligh zy door Iesum Christum, welckem zy eęr van eęwigheyden tot eęwigheyden. Amen.

‡ 2.Cor.3.b.4 Philip.2.13

[p. 386v]

22

Ick bidd v auer, broeders, holdet [my] het word der vermaning ten goede: want ick heb v op het kortste gheschreuen.

23

Wetet dat Timotheus de broeder ⁺ loß is, mit welckem, zo hy haestlick kommt, zal ick v zien.

+ of, hén ghereyßt is

24

Groetet alle uwe Uoorganghers, end alle de Heylighen. U groeten [de broeders] die wt Italien zijn.

25

De ghenade zy mit v allen. Amen.

An den Hebréeren gheschreuen wt Italien [ghezonden] door Timotheum.