Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xij.

1

DAerom oock wy, dewijl wy eęn zulcke wolcke der tuyghen om ons hebben, ^* latet ons aflegghen alle last, end vastommstaende zonde, end loopen ^‡ door lijdßaemheyt den kamp die ons voorghelegt is:

* Rom.6.a.4 Ephes.4.e.23 Colos.3.b.8 1 Petr.2.a.2 end .4.a.1

‡ Ro.12.c.12

2

End opzien op Iesum den Anuoerer, end vollendigher des ghelooues: ^* welcker vœr de vrœghde die hem voorghelegt was, verdrough duldighlick het cruys, mit verachtinghe der schande, end is ghezeten ter rechter hand des throons Godes.

* Phili.2.b.8 Hebr.8.a.1

3

Ouermærcket dan den, die zulck eęn wederspreken van den zondaren teghen zick verdraghen heeft: op dat ghy niet moede werdet, ⁺ end zwijket in uwen zielen.

+ B

4

Ghy hebbet noch niet tot op het bloed wederstaen mit teghenkampen teghen de zonde:

5

End hebbet vergheten der vermaning die tot v, als tot kinderen, spreeckt: ^* Mijn zoon acht niet kleyn de tuchting des Heęren, zwijck oock niet wanneęr du van hem ghestraft werdst.

* Pro.3.b.11 Iob.5.c.17

6

^* Want welcken de Heęr lief heeft, den tuchtight hy, hy gheęsselt auer eęnen ieghelicken zoon den hy opneemt.

* Apoc.3.d.19

7

Zo ghy de tuchting verdraghet, zo anbiedt zick God v, als kinderen. Want

[p. 384r]

wat zoon is’er welcken de vader niet tuchtight?

8

Zijt ghy auer zonder tuchting, der zy alle zijn deęlachtigh gheworden, zo zijt ghy ghewißlick bastarden, ⁺ end niet kinders.

+ C

9

Daerenbouen zo wy de vaders onzes vleęsches tot tuchtigheren ghehadt, end ze entzien hebben: zullen wy niet veel meęr onderdanigh zijn dem Uader der gheęsten, end leuen?

10

End die wel tuchtighden [ons] weynigh daghen na hœrem goedduncken: deze auer [tuchtight ons] tot dem, dat nutt is, op dat wy deęlachtich werden zyner heylighing.

11

Alle tuchting auer wanneęr zy teghenwordigh is, schijnt niet eęn vroylick, mer eęn trœrigh dingk zijn: auer namaels vergheldt zy eęn vreedßame vrucht der gherechtigheyt den, die daerdoor gheoeffent zijn.

12

^* Daerom richtet weder op de slaphanghighe handen, end de onbondene knyen: ⁺

* Esa.35.b.3

+ D

13

End doet rechte loopen mit uwen voeten: op dat niet dat krœpel is, van dem weghe afdwale, mer meęr ghezond werde.

14

^* Iaghet na dem vrede mit allen, ^‡ end na der heylighing, zonder welcke niemand den Heęre zien zal.

* Rom.12.d.18

‡ Matt.5.a.8

15

^* End ziet toe dat dar niemand de ghenade Godes verzuyme, dat dar niet ærghent eęn wortel der bitterheyt opward wtspruyte, end verstooring make, end vele door de

* 2.Cor.6.a.1

[p. 384v]

zelue ontreynight werden.

16

Dat niemand zy eęn hoererer, of eęn onheylighe, ^* als Esau, die vœr eęn spijß zijn eęrstgheboortenrecht hén gaf.

* Gen.25.d.33

17

^* Want ghy wetet dat hy oock namaels, doe hy de zeghening beæruen wolde, verworpen is: ⁺ want hy vand gheęn plaetß der ghemoedbetering, hoewel hy ze mit tranen nærstlick zochte.

* Gen.17.f.38

+ E

18

Want ghy zijt niet kommen tot ^* eęnem betastlicken berghe, end tot eęnem brandenden vuere, end tot eęnem draywinde, end tot eęner duysterniß end ongheweder,

* Exod.19.b.12 end .20.d.21

19

End tot eęnem gheschalle der bazounen, end tot eęner stemme der worden, ^* welcker zick weygherden die ze hoorden, dat hen eęnighe rede meęr ghezegt wurde.

* Exod.20.c.19

20

(Want zy konden niet verdraghen dat dar wtgheboden ward, ^* Zo eęnigh gedierte den bergh anroert, het zal ghesteęnight, of mit eęnem gheschutte doorschoten werden.

* Exod.19.c.13

21

End alzo schriklick was het dat dar verscheen, dat Mozes zeyde: Ick bin beureęßt end beue.)

22

Mer ghy zijt kommen tot dem berghe Sion, end tot der stad des leuendighen Godes, ^* dem hemelschen Hierusalem, ⁺ end ter hoopkomste veler duyzend Enghelen,

* Apoc.21.c.10

+ F

23

End tot der vergaderinghe der eęrstgheborenen die in den hemelen angheschreuen zijn, end tot Gode dem richter ouer alle, end tot den gheęsten der vol-

[p. 385r]

kommenen gherechtighen,

24

End tot dem Middelaer des nieuwen Testaments Iesu, end tot ^* dem bloede der besprenghing dat dar beter spreeckt dan [het bloed] ^‡ Abel.

* 1.Petr.1.a.2 Hebr.9.d.14

‡ Gen.4.b.10

25

^* Ziet toe dat ghy v deß niet weygheret die dar spreeckt: Want zo ghene niet entulohen zijn die zick deß weygherden die op ærden Godlicke reden sprack, ⁺ veel ⁺ minn wy, zo wy ons van dem afwenden die vam hemel [spreeckt].

* Hebr.2.a.3

+ G

+ Gr. meęr

26

Welckes stemm doe ter tijd de ærde beweeghde: nu auer heeft hy toeghezegt end ghesproken: ^* Noch eęnmael beweegh ick, niet alleęnlick de ærde, mer oock den hemel.

* Aggei.2.b.7

27

Auer dat zelue Noch eęnmael, beduydt eęn verzetting deß, dat beweeghlick is, als deß dat ghemaeckt is: op dat het onbeweeghlick blijue.

28

Daerom dewijl wy annemen het onbeweeghlick kœningkrijck, latet ons ghenade hebben ^* waer door wy Gode anghenaemlick dienen mit eęrbiedinghe end Godsuruchtigheyt:

* 1.Pet.2.a.4

29

^* Want onze God is eęn verteerigh vuer.

* Deu.4.d.24