Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.viij.

1

HEt hoofdstuck auer deß dat gezegt werdt, [is:] Wy hebben zulcken ^* eęnen Ouerpriester, ^‡ die ghezeten is ter rechter hand des throons der Maiesteyt in den hemelen,

* Hebr.3.a.1. end 4.d.14. end .6.d.20. end .9.c.11

‡ Ephe.1.d.20 Colos.3.a.1 Hebr.12.a.2

2

Eęn bediener der heylighen [goe-

[p. 376v]

deren] end der waerachtigher Hutten, die de Heęr gheuestight heeft, end niet eęn mensch.

3

Want eęn ieghelick Ouerpriester werdt inghezett op te offeren oock gauen end slaghtoffers, ^* waerwt het noodigh is dat oock deze wat hebbe dat hy opoffere.

* Ephes.5.a.2

4

Wenn hy nu auer op ærden ware, zo ware hy ia gheęn Priester, ⁺ dewijl dar Priesters zijn die na der Wet gauen opofferen:

+ B

5

^* Welcke dienen dem voorbeelde end der schaduwen der hemelschen [goederen]: gelijckerwijß Moses door eęn Godlicke ansprake vermaent ward, ^* doe hy de Hutte vollenden zolde: Want zie, zegt hy, dat du alle dingen makest na dem voorbeelde dat dy op dem berghe vertoont is.

* Colo.2.c.17 Hebre.10.a.1

* Exo.25.d 40 Act.7.f.44

6

^* Nu auer heeft hy deß te treffllicker ampt verworuen, als hy eęnes beteren ⁺ Testaments Middelaer is, welck op betere toezegghinghen Wetuestigh ghemaeckt is.

* 2.Cor.3.b.6

+ of. verbonds

7

Want zo dat eęrste ontklaghtbaer gheweeßt ware, zo wurde dar gheęn plaetß tot eęnem anderen ghezocht.

8

⁺Want hy klaaght ouer ze, end zegt: ^* Zie, dar kommen daghen, zegt de Heęr, end ick zal vollenden ouer het huyß Israel end ouer het huyß Iuda eęn nieuw ⁺ Testament,

+ C

* Iere.31.f.31 32.33.34

+ Of. Uerbond

9

Niet na dem Testamente dat ick ghemaeckt heb mit hœren Uaderen an dem daghe doe ick hœr hand angreep, ze wt te voeren wt dem lande Egypti:

[p. 377r]

want zy zijn niet volbleuen in mynem Testamente, zo heb ick oock hœrer niet gheacht, zegt de Heęr.

10

Want dit is het Testament dat ick maken zal dem huyze Israels na dezen daghen, zegt de Heęr: ^{+ ‡} ick zal gheuen myne Wetten in hœr ghemoed, end in hœr hert zal ick ze schrijuen: ^* end ick zal hen eęn God zijn, end zy zullen my eęn volck zijn:

+ D

‡ Ierem.31.f.33

* Zach.8.b.8

11

^* End niemand zal zynen naesten leęren noch iemand zynen broeder, end zegghen: Kenn den Heęr: Want zy zullen my alle kennen van dem kleynsten onder hen tot op den grootsten onder hen:

* 1.Ioa.2.d.27

12

^* Want ick zal ⁺ ghenadigh zijn hœrer ongherechtigheyden end hœrer zonden, end hœrer Wetbrekeryen zal ick niet meęr ghedencken.

* Matt.3.d.17 end .17.a.5

+ of. verzoent zijn ouer hœren. etc.

13

In dem hy zegt, eęn nieuwe, heeft hy het eęrste old ghemaeckt: wat auer veroldert end oueriarigh werdt, dat is na by der verzwindinghe.