Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

DAerom, latet ons het word van dem anuangk in Christo onder weghen laten, end tot der volkommenheyt voorduaren.

2

End niet andermael eęnen grond legghen der ghemoedbetering van dooden wercken, end des ghelooues an God,

3

Der doopleęring, end der hand oplegghing, end der dooden opstanding, end des eęwighen gherichtes.

4

End ⁺ dit zullen wy doen ^* zo het anders God toelaett.

+ versta. tot der volkommenheyt vorduaren

* Act.18.f.21 1.Cor.4.d.19 Iacob.4.d.15

5

^‡ Want het is onmoghelick dat die eęnmael verlicht zijn, end ghesmaeckt hebben de hemelsche gaue, end deęlachtigh gheworden zijn des heylighen Gheęstes, end ghesmaeckt hebben het goede word Godes, end de krachten der toekomstigher eęwen,

‡ Mat 12.d.45 Hebr 10.e.26 2.Pet.2.d.20

6

Zo zy afualligh werden, dat zy wederom vernieuwt zolden werden, ter ghemoedbeteringhe, ⁺ nademmael zy hen

+ B

[p. 374r]

zeluen den Zoon Godes wederom cruycighen end tot eęnem spott voorstellen.

7

Want de ærde die den reghen indrinckt die dickmael ouer ze kommt, end oock bequaem kruyd voordbringt den die ze bauwen, entfangt zeghening van Gode,

8

Die auer doornen end distels voordbringt, die is verwærplick, end dem vloucke na by, welcker ende is dat zy verbrandt werde.

9

Wy vœrzien ons auer, ghy gheliefden, beters tot v, end dat der zaligheyt anklijuigh zy, hoewel wy alzo spreken.

10

^* Want God is niet ongherechtigh dat hy verghete uwes wercks end arbeyds der liefden, die ghy bewezen hebbet an zynem naem, ⁺ doe ghy den Heylighen diendet end noch dienet.

* Mat.10.d.42 end .25.d.41 Mar.9.f.41 Ioan.13.c.20 Pro.14.d.31

+ C

11

Wy begæren auer dat eęn ieghelick van v de zelue vlijtigheyt bewijze ter ghewißmakinghe der hope tot an het ende:

12

Op dat ghy niet traagh werdet, mer nauolghet den, die door ghelooue end langmoedigheyt de toezegging beæruen.

13

Want als God Abrahe eęn toezegghing dede, na dem hy by niemanden die grooter was te zweeren hadde, zwour hy by zick zeluen,

14

End zeyde: ^* Ghewißlick mit zegheninghe zal ick dy zeghenen, end mit vermenighfuldinghe zal ick dy vermenighfuldighen.

* Gen.12.a.3 end .17.a.4 end .22.c.16 Psal.105.a.9 Luc.1.g.68

15

End alzo doe hy langmoedigh bleef, verwarf hy de toezegghing.

16

Want de menschen zweeren wel by

[p. 374v]

dem die grooter is, ⁺ [dan zy zijn] ^* end de eęd ter beuestinghe [ghedaen] is hen het ende alles wedersprecks.

+ D

* Exod.22.b.11

17

Waerom God doe hy wolde den ærfghenamen der toezegghing deß te oueruloedelicker bewijzen de ⁺ onueranderlickheyt zijns raads, heeft zick ⁺ tusschen ghezett mit eęnem eęde:

+ Gr. onuerzettlickheyt

+ Of. eęn middelaer

18

Op dat wy door tweę onueranderlicke dinghen (in welcken onmoghelick is dat God lieghe,) eęnen stærcken troost hadden, die wy de toeulucht ghenomen hebben te verwæruen de voorghezettde hope:

19

Welcke wy holden als eęnen ghewissen end vasten ancker der zielen, die oock hénin gaet in het inwendighe des voorhangs:

20

Daer vœr ons is hénin ghegaen de voorlooper Iesus, ^* eęn Ouerpriester gheworden in eęwigheyt na der ordeninghe Melchisedec.

* Hebr.3.a.1 end .4.d.14 end .8.a.1 end .9.c.11