Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.v.

1

VUant eęn ieghelick Ouerpriester van den menschen ghenomen, werdt ghezett vœr de menschen in dem dat by Gode wt te richten is: op dat hy offere oock gauen end slaghtoffers vœr de zonden:

2

Die dar konde duldighlick medelijden hebben mit den onwetenden end dwalenden, nademmael hy oock zelue ommuanghen is mit zwackheyt.

[p. 373r]

3

End om der zeluer willlen moet hy, ^* gelijck als vœr het volck, alzo oock vœr zick zeluen offeren vœr de zonden.

* Leui.9.b.7 end .16.b.6 Hebr.7.d.26

4

^+‡ End niemand neemt zick zeluen de eęr an, mer die dar gheropen werdt van Gode, ^* ghelijck als oock Aaron.

+ B

‡ 2.Pa.26.c.18

* Exo.28.a.1 2.Par.23.b.13

5

Alzo oock Christus heeft zick niet zelue vereęrlickt dat hy Ouerpriester wurde: mer die tot hem ghesproken had: ^* Du bist mijn Zoon, huyden heb ick dy gheboren.

* Psal.2.b.7 Act.13.e.33 Heb.1.b.5

6

Als hy oock an eęner anderer [plaetse] zegt: ^‡ Du bist eęn Priester in eęwigheyt na der ordeninghe Melchisedec.

‡ Psa.110.a.4 Hebr.7.c.16

7

^* End hy heeft in den daghen zyns vleęsches oock smeękinghen end bedinghen mit stærckem gheschrey end tranen opgheoffert tot dem, die hem van dem doode beholden konde, ⁺ end is oock verhoort ⁺ van weghen der Goduruchtigheyt,

* Ioan.17.a.1

+ C

+ Of, voor der vreęze.

8

^* End hoewel hy eęn Zoon was, heeft hy nochtans wt den dinghen die hy gheleden heeft, ghehoorzaemheyt gheleęrnt:

* Philip.2.a.6

9

End vollendight, is hy gheworden allen den, die hem ghehoorzaem zijn eęn oorzaeck der eęwigher zaligheyt:

10

Ghenaemt van Gode eęn Ouerpriester na der ordeninghe Melchisedec.

11

Uan welckem wy eęn groote end zwaerduydlicke rede te zegghen hadden, nademmael ghy traagh gheworden zijt te hooren:

12

^* Want hoewel ghy behoordet leęrmeęsters te zijn der tijd haluen, behou-

* 1.Cor.3.a.1

[p. 373v]

uet ghy wederom dat men v leęre, ⁺ welcke dar zy de letterleęre des anuangs der Godlicker ghesprœcken, end zijt gheworden die der melck behouuen, end niet der vaster spijzen.

+ D

13

Want zo wie der melck gheniett, die is oneruaren im worde der gherechtigheyt: want hy is kindisch.

14

Den volmaeckten auer behoort de stærcke spijß, [naemlick] den, die door ghewoonheyt gheoeffende zinnen hebben tot onderscheyd oock des goeden end des quaden.