Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

ZO latet ons nu vreęzen dat niemand wt ⁺ v, zo de toezegghing in te kommen tot zyner ruste naghelaten werdt, schijne t’eęnigher tijd achter ghebleuen te zijn.

+ anders. ons

2

Want oock wy zijn gheeuangelizeert, ghelijck als oock zy: mer het word der ⁺ prediking halp hen niet, om dat het niet vermengt was mit dem ghelooue in den, die het hoorden.

+ gr. ghehoors

3

Want wy die wy ghelooft hebben, gaen in tot der ruste, (ghelijck hy ghezegt

[p. 372r]

heeft, ^* Alzo dat ick zwour in mynem toorne, Zy zullen tot myner ruste niet kommen) End dit na dem de wercken van der wæreld grondlegghinghe an voldaen zijn:

* Psal.95.b.7

4

⁺Want hy zeyde an eęner plaetse van dem zeuenden daghe alzo: ^* End God rustde am zeuenden daghe van allen zynen wercken.

+ B

* Gene.2.a.2 Exod.20.b.11 end .31.d.17 Deut.5.b.14

5

End an dezer wederom: Zy zullen niet tot myner ruste kommen.

6

Na dem het nu voor handen is dat zommighe tot der zeluer kommen, end die eęrstmael gheeuangelizeert waren, niet daertoe kommen zijn omm [hœrer] ⁺ onghehoorzaemheyt willen:

+ Of, onghezeggelickheyt

7

Zo bescheydt hy noch eęnmael eęnen zekeren dagh na zulcker langhen tijd, daer hy door Dauid zegt Huyden: ghelijckerwijß ghezegt is, ^* Huyden zo ghy zijn stemm hooret, zo verhardet uwe herten niet.

* Psal.95.b.7 Hebr.3.b.7

8

Want zo ze ⁺ Iesus hadde tot ruste ghebracht, zo zolde hy daerna niet van eęnem anderen daghe ghesproken hebben.

+ Iosue

9

⁺Daerom is dar noch eęn berusting voor handen dem volcke Godes.

+ C

10

Want wie tot zyner ruste kommen is, die heeft zick oock gherust van zynen eyghenen wercken, ghelijckerwijß God van den zynen.

11

Zo latet ons nu spoedighen in te kommen tot dezer ruste: op dat niemand valle door het zelue exempel der onghehoorzaemheyt.

[p. 372v]

12

Want het word Godes is leuendigh end krachtdadigh, end doorsnijdigher dan ^* eenigh tweęsnijdigh zwærd, ^‡ end doordringt tot dat het scheydet oock ziel end gheęst, oock zenuwen end margh: end is eęn richter der ghedachten end meyninghen des herten.

* Esa.49.a.2 Ephe.6.c.17

‡ Eccl.12.c.11

13

^* End dar is gheęn schepsel voor hem onzichtlick: ⁺ auer alle dingk is naackt end ontdeckt voor deß ooghen van welckem wy te reden hebben.

* Psal.33.c.13 Eccl.15.d.5 end .23.c.26

+ D

14

Dewijl wy dan ^* eęnen grooten Ouerpriester hebben Iesum den Zoon Godes, die in de hemels doorgheuaren is, zo latet ons vast holden an der belijdinge

* Hebr.3.a.1 end .6.d.20 end .8.a.1 end .9.c.11

15

^‡ Want wy hebben niet eęnen Ouerpriester die niet kann medelijden hebben mit onzen zwackheyden, ^* mer die beprouft is alleßinns na ghelijckheyt ^‡ zonder zonde.

‡ Hebr.2.d.18

* Phil.2.a.7

‡ Esa.53.c.9 2.Cor.5.d.21 1.Pet.2.d.22 1.Ioan.3.a.5

16

Daerom latet ons hén toegaen mit vrijmoedigheyt ^* tot dem ghenadenthroon, op dat wy barmhertigheyt bekommen, end ghenade vinden in rechttijdighem bystande.

* Rom.3.d.25