Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

HIerom moeten wy deß te meęr waernemen deß, dat wy ghehoort hebben: op dat wy niet t’eęnigher tijd veruloeyen.

2

Want zo het ^* word vast gheweeßt is, dat door de enghels ghesproken ward, end ^‡ alle ouertreding end onghehoorzaemheyt heeft entfanghen eęn oprechte loonuerghelding,

* Gene.15.b.10 end .21.a.1

‡ Gene.19.c.13 e 24

3

^* Hoe zullen wy entuliehen, zo wy zulcke eęn zaligheyt mißachten? ^‡ welcke na dem zy eęrst angheuanghen is ghesproken te werden door den Heęr, is op ons beuestight door die, die het gehoort hebben:

* hebr.12.g.25

‡ Matt.4.c.17 Marc.1.b.15

4

^* Door het medebetuyghen Godes oock mit teękenen end zeldßamen wonderheyden end menigherley krachtighen daden, end wtdeęlinghen des heylighen Gheęstes, na zynem willen.

* Marc.16.d.20 Act.14.a.3 end .19.b.11

5

⁺Want hy heeft niet den enghelen on-

+ B

[p. 370r]

derworpen den toekomstighen ærdbodem waervan wy spreken.

6

Het heeft auer eęn ærghent betuyght, end ghezegt: ^* Wat is eęn mensch dat du zyner ghedachtigh bist, of eęnes menschen zoon dat du en bezouckst?

* Psal.8.a.5

7

Du hebst en vœr eęn weynigh onder de enghels ⁺ verkleynt, mit heęrlicheyt end eęr hebst du en ghekroont, end hebst en ghestelt ouer de wercken dyner handen.

+ of, ghemindert.

8

^* Alle dingk hebst du onderworpen onder zyne voeten. Want in dem dat hy hem alle dingk onderworpen heeft, zo heeft hy niets naghelaten dat hem niet onderworpen zy: nu auer zien wy noch niet dat hem alle dingk onderworpen is.

* Psal.8.b.7 Matt.28.d.18 1.Cor.15.d.27 Ephes.1.d.22

9

^* Den auer die vœr eęn weynigh onder de enghels verkleynt was, door het lijden des doods, [naemlick] Iesum, zien wy dat hy ^* mit heęrlicheyt end eęre ghekroont is: ⁺ op dat hy van Godes ghenade vœr alle den dood smaeckte.

* Philip.2.b.8

* Act.2.e.33

+ C

10

Want het betaemde hem, om welckes willen alle dinghen zijn, end door welcken alle dinghen zijn, dat hy vele kinders ter heęrlicheyt te bringhen, den Uorst hœrer zaligheyt door lijden volkommen maeckte:

11

Want oock die dar heylight, end die dar gheheylight werden, zijn alle wt ^* eęnem Om welcker zaken willen schaemt hy zick niet ze broeders te heeten,

* Act.17.f.26

12

End zegt: ^* Ick zal verkondighen dynen naem mynen broederen, midden

* Psal.22.e.23

[p. 370v]

in der Ghemeynte zal ick dy loff zinghen.

13

End wederom: ^* Ick zal mijn vertrauwen op hem zetten. End wederom: ^‡ Zie ick end de kinderkens die my God ghegheuen heeft.

* Psal.18.a.3 Esa.12.a.2

‡ Esa.8.d.18

14

⁺Na dem nu de kinderkens ghemeynschap vleęsches end bloeds ghehadt hebben, ^* zo is oock hy der zeluer te ghelijcker mate deęlachtigh gheworden: ^‡ op dat hy door den dood vernietighde den, die des doods geweld had, dat is, den duuel:

+ D

* Ioan.1.b.14 Philip.2.a.7

‡ Esa.25.c.8 Osee.13.d.14 1.Cor.15.g.54 2.Tim.1.c.10

15

End entsloughe alle die door vreęß des doods het gansche leuen lang der knechtschap verplicht waren.

16

Want hy neemt nærghent enghels an, mer Abrahams zaad neemt hy an.

17

^* Hierom moest hy in allen dinghen den broederen ghelijck werden, op dat hy barmhertigh wurde, end eęn trauw Ouerpriester in dem, dat by Gode wt te richten was, [dat is] te verzoenen de zonden des volcks.

* Philip.2.a.7 Hebr.4.d.15

18

^* Want waerin hy zelue verzocht, gheleden heeft, daerin kann hy oock te hulpe kommen den, die dar verzocht werden.

* Hebr.4.d.15