Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 368v]

De zendbrief Pauli tot den Hebreeren.

Cap.j.

1

NA dem in voortijden God menighmael end menigherley wijze ghesproken heeft tot den Uaderen door de Propheten,

2

Heeft hy in dezen lesten daghen tot ons ghesproken door den Zoon, welcken hy ghezett heeft ^* tot eęnem ærfghenaem aller dinghen, ^‡ door welcken hy oock de eęwen ghe-

* Matt.21.d.37

‡ Genes.1.a.1 Psal.33.a.6 Ioan.1.a.3 Ephe.3.b.9 Colo.1.b.16

[p. 369r]

maeckt heeft:

3

^‡ Welcker nademmael hy het schijnsel is der heęrlicheyt, end het wtghedruckte beeld zijns wezens, end draeght alle dinghen mit zynem krachtighen worde, end heeft ghemaeckt de reyning onzer zonden door zick zeluen, ⁺ heeft zick ghezett ter rechter hand der Maiesteyt in der hooghde,

‡ 1.cor.4.a.4 Phi.2.a.6 Colo.1.b.15 Sap.7.d.26

+ B

4

Zo veel beter gheworden dan de enghels, als hy ^* eęnen treffllickeren naem dan zy beærft heeft.

* Phil.2.b.9

5

Want tot welckem enghel heeft hy oyt ghezegt: ^* Du bist mijn Zoon, huyden heb ick dy gheboren? End wederom: ^‡ Ick zal hem eęn Uader zijn, end hy zal my eęn Zoon zijn?

* Psal.2.b.7 Act.13.e.33 Hebr 5.b.5

‡ 2.sa.7.b 14 1.Par.22.c.10

6

End wederom als hy den eęrstgheborenen inuoert in de wæreld, zegt hy: ^* End dat alle enghels Godes hem anbidden

* Psal.95.c.6

7

End van den enghelen zegt hy: ^* Hy maeckt zyne enghels gheęsten, end zyne dienaers vuerulamme.

* Psal.103.a.4

8

⁺Auer van dem Zoone: ^* Dijn throon die du God bist [duert] van eęwigheyt tot eęwigheyt, de schepter dijns kœningkrijcks is eęn rechtigh schepter.

+ C

* Psal.45.b.7

9

Du hebst lief ghehadt gerechtigheyt, end hebst gehaatt Wetbrekery: hierom heeft dy God dijn God ghezalft mit oly der vrœgden bouen dyne medegenooten

10

End, ^* Du Heęr, hebst van beghinne der ærden grond ghelegt, end de hemels zijn dyner handen wercken.

* Psal 102.d.26

11

^‡ De zelue zullen vergaen, du auer blijfst vast: end zy zullen alle verolden

‡ Esa.40.b.8 end .51.b.6 2.Pet.3.b.7 c.10.

[p. 369v]

als eęn kleęd. ⁺

+ D

12

End als eęn deckkleęd zalt du ze ommrollen, end zy zullen verandert werden: du auer bist de zelue, end dyne iaren zullen niet afnemen.

13

Tot welckem enghele auer heeft hy oyt ghezegt: ^* Zit te myner rechter hand tot dat ick legghe dyne vianden tot eęner onderuoetbanck dyner voeten?

* Psal.110.a.1 Act.2.e.34 1.Cor.15.c.25 Ephes.1.d.20 Hebre.10.c.12

14

Zijn zy niet alle dienstbare gheęsten wtghezonden ten dienste om der willen, die dar beæruen zullen de zaligheyt?