Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

ZO werd nu ghestærckt mijn zoon in der ghenade die dar is in Christo Iesu.

2

End wat du van my ghehoort hebst door vele tuyghen, ^* dat beueel trauwen menschen die dar gheschickt zullen zijn oock andere te leęren.

* Tit.1.b.5

3

Lijd teghenspoet als eęn goed krijgsknecht Iesu Christi.

4

^* Niemand die dar strijdt, verwærret zick in handelinghen des leuens: op dat hy behaghe dem, die hem ten strijde anghenomen heeft.

* 1.Cor.9.d.25

5

End zo oock iemand kampet, die werdt niet ghekroont, ten zy dat hy wettlick kampe.

6

^* De landbauwer ⁺ moet arbeyden, eęr hy van den vruchten entfanghe.

* 1.Cor.9.b.10

+ of: die dar arbeydt, moet eęrst van den vruchten entfanghen.

7

Mærck wat ick zeg: de Heęr auer geue dy in allen dinghen verstand.

8

⁺Hold in ghedachtenisse dat Iesus Christus, die dar opgheweckt is van den dooden, ^* wt dem zade Dauids zy, na mynem Euangelio,

+ B

* 2.sam.7.b.12 Psal.132.b.11 Esa.11.a.1 Matt.1.a.1 Act.2.e.30 end .13.d.23 Rom.1.a.3

9

In welckem ick teghenspoet lijde tot an de banden, als eęn mißdader, auer Godes word is niet ghebonden.

10

^‡ Hierom verdraghe ick het alles om der wtuerkorenen willen: op dat oock zy de zaligheyt verwæruen, die dar is in Christo Iesu, mit eęwigher heęrlicheyt

‡ Ephes.3.c.13 Colos.1.d.24

11

^* Het is eęn ghewiß word: zijn wy medeghestoruen, zo zullen wy oock mede leuen.

* Rom.6.b.8

[p. 362r]

12

^* Uerdraghen wy, zo zullen wy oock mede regneren: ^‡ verzaken wy [en], hy zal ons oock verzaken.

* Rom.8.d.17

‡ Matt.10.d.33 Marc.8 d.38 Luc.12.b.9 1.Ioan.2.d.23

13

^* Zijn wy ongheloouigh, hy blijft ghetrauw, hy kan zick zeluen niet verzaken.

* Rom.3.a.3 end .9.b.6 Num.23.c.19

14

Zulcks vermaen ze, end betuygh voor dem Heęre, dat zy niet wordstrijdigh zijn welck nærghent toe nutt is dan af te wenden die dar toehooren.

15

Beulijtigh dy zeluen Gode beprouft voor te stellen, eęnen onbeschamelicken arbeyder, ⁺ die dar recht klieue het word der waerheyt.

+ C

16

Auer ^* der onheylighen ijdelredinghen entsla dy: want zy voorderen veel ter Godlooßheyt:

* 1.Tim.1.a.4 end .4.b.7 end .6.d.20 Tit.1.d.14 end .3.c.9

17

End hœr word zal vereeten als eęn kancker, onder welcken is ^‡ Hymeneus end Philetus,

‡ 1.tim.1.d.20

18

Die der waerheyt ghefælt hebben, end zegghen, de opstanding zy alrede gheschiedt: end verkeęren zommigher ghelooue.

19

Nochtans de vaste grond Godes bestaet, end heeft dezen zeghel, ^* De Heęr kennt de zyne: End van ongherechtigheyt trede af eęn ieghelick, die den naem Christi noemt.

* Ioan.10.c.14

20

^* In eęnem grooten huyze auer zijn niet alleęnlick guldene end ziluerene vaten, mer oock holtene end ærdene: end zommighe ter eęren zommighe auer ter oneęren.

* Rom.9.d.21

21

⁺Zo zick nu iemand reynight van zulcken [luyden], die zal eęn vat zijn ter eęren, gheheylight end dem Heęre ghe-

+ D

[p. 362v]

bruyckßaem, end tot allem goeden wercke bereydt.

22

^* Wie auer ionghelicke lusten, end iaagh na der gherechtigheyt, ghelooue, liefde, vrede, ^* zampt den, die den Heęre anroupen van reynem herten.

* 1.Tim.6.c.11

* 1.Cor.1.a.2

23

^* Der zotten vraghen auer end die niet onderrichten, entsla dy, dewijl du wetest dat zy strijd voordbringhen.

* 1.Tim.1.a.4 end .6.a.4 Tit.3.c.9

24

Eęn dienstknecht auer des Heęren moet niet strijden, mer lieflick zijn teghen eęnem ieghelicken, ^* leęrachtigh, verdraaghßaem des quaden:

* 1.Tim.3.a.2

25

^* Die mit zachtmoedigheyt onderwijze de wederstreuighen, of hen God t’eęnigher tijd ghemoedbetering gaue de waerheyt te bekennen,

* Gal.6.a.1

26

End te vernuchteren wt des duuels stricke, die dar van hem gheuanghen zijn na zynem wille.