Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 360r]

De ander zendbrief Pauli an Timotheum.

Cap.j.

1

PAulus eęn Apostel Iesu Christi door den wille Godes, na der toezegghinge des leuens, welck is in Christo Iesu,

2

[Mynem] gheliefden zone Timotheo: ^* Ghenade, barm-

* Gal.1.a.3 1.Tim.1.a.2 1.Petr.1.a 2

[p. 360v]

hertigheyt [end] vrede van Gode dem Uader, end onzem Heęre Iesu Christo.

3

Ick dancke Gode ^* dem ick diene van mynen voorolderen an in reyner consciency ^{+ *} als ick dyner zonder onderlaat ghedencke in mynen ærnstighen ghebeden dagh end, nacht:

* Act.22.a.3 Rom.1.a.9

+ of. dat ick. etc

* 1.thes.3.d.10

4

End heb verlanghen dy te zien, wanneęr ick ghedencke dyner tranen: op dat ick mit vrœghden veruult werde:

5

End vermane my des onbeueynßden ghelooues dat in dy is, welck te voren ghewoont heeft in dyner grootmoeder Loide, ⁺ end in dyner moeder Eunica: end bin ghewiß dat het oock in dy [woont].

+ B

6

Om welcker zaken willen ick dy vermane dat du verweckest de gaue Godes, die in dy is door ^* de oplegghing myner handen.

* Act.6.b.6 end .8.c 16 end .13.a.3 end .19.a.6 1.tim.4.d.14 end .2.d.22

7

^‡ Want God heeft ons niet ghegheuen eęnen gheęst der ⁺ blœdigheyt, mer der kracht end der liefde, end der matigheyt.

‡ Rom.8.c.15

+ Of, vreęßachtigheyt.

8

^* Daerom zo schaem dy niet des tuyghniß onzes Heęren, noch myner, ^‡ die ick zijn ghebonden bin: mer lijd verdrucking mit dem Euangelio na der kracht Godes,

* Rom.1.b.16

‡ Act.21.f.33 Ephes.3.a.1

9

^* Die ons heeft zaligh ghemaeckt end gheropen mit eęner heyligher beroupinghe: niet na onzen wercken, mer na zynem eyghenen voorzette end ghenade, die ons ghegheuen is in Christo Iesu voor den eęwighen tijden,

* Ephes.1.a.4 Tit.3.b.

[p. 361r]

10

^* Nu auer gheopenbaert door de verschijning onzes Zalighmakers Iesu Christi, ^‡ die den dood heeft vernietight, end eęn leuen end onstærflickheyt an’t licht ghebracht door het Euangelium:

* rom.16.d.24 Ephe.1.b.9 end .3.b.9 Coloss.1.d.26 Tit.1.a.2 1.Petr.1.d.20

‡ Esa.25.c.8 Hebr.2.d.14

11

^* Tot welckem ick ghezett bin eęn Prediker end Apostel end eęn Leęrmeęster der Heydenen.

* Act.9.c.15 end .13.a.2. end .22.e.21 Gal.1.c.16 end .2.b.8 Ephes.3.b.8 1.Tim.2.b.7

12

Om welcker zaken willen ick oock zulcks lijde: auer ick schame my niet: want ick weet wem ick ghelooft heb, end bin ghewiß dat hy mijn [vertrauwde] bylegsel kan verwaren tot an ghenen dagh.

13

^+‡ Hold eęn voorbeeld der heylßamen worden die du van my ghehoort hebst van ghelooue end liefde, welcke is in Christo Iesu.

+ D

‡ 2.ti.3.d.14

14

Dit goede [vertrauwde] bylegsel bewaer door den heylighen Gheęst die in ons woont.

15

Dit weetst du ^* dat zick van my afghewendt hebben alle die in Asia zijn, onder welcken is Phygelus end Hermogenes.

* Act.19.b.10

16

De Heęr gheue barmhertigheyt dem huyze ^* Onesiphori: ^‡ Want hy heeft my menighmael verquickt, end heeft zick myner keten niet gheschaemt:

* 2.tim.4.d.19

‡ Mat.25.d.37

17

Mer doe hy tot Romen quam, zocht hy my zeęr nærstlick, end vand my.

18

De Heęr gheue hem dat hy vinde barmhertigheyt by dem Heęre an ghenem daghe: end alles waerin hy my te Epheso

[p. 361v]

ghedient heeft, weetst du best.