Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

⁺ ALle dienstknechten die onder dem iock zijn, zullen hœre heęren aller eęren wærd achten: op dat niet de naem Godes end de leęr ghelastert werde.

+ Ephes.6.a.5 Colos.3.d.22 Tit.2.c.9 1.Pet.2.c.18

2

Welcke auer gheloouighe heęren hebben, die zullen ze niet verachten, daerom dat zy broeders zijn: mer zullen [hen] veel meęr dienstbaer zijn, daerom dat zy gheloouigh end gheliefd zijn die der weldadigheyt deęlachtigh zijn. Zulcks leęr end vermaen.

3

Zo iemand anders leęrt, end niet toestaet den heylßamen worden onzes Heęren Iesu Christi, end der leęre die na der Godßaligheyt is:

4

Deze is opgheblazen, end weet niets, mer queelt in beuraghinghen end wordstrijden, ^* wt welcken entspringt, nijd, twist, lastering, booze ærghwaan,

* 1.Tim.1.a.4 2.Tim.2.d.23 Tit.3.c.9

5

^+‡ Onnutte disputeringhen zulcker menschen die verdoruen ghemoed hebben, end der waerheyt berooft zijn, die dar dencken de Godßaligheyt zy eęn ghewinn. Entwijck van zulcken.

+ B

‡ 1.Cor.11.c.16

6

^* Het is auer eęn groot ghewinn Godßaligheyt mit verghenoughinghe.

* Pro.15.c.16 Hebr.13.a.5

7

^‡ Want wy hebben niets in de wæ-

‡ Iob.1.d.21 end .17.d.19 Psal.49.c.18 Eccli.5.c.14

[p. 359v]

reld ghebracht, het is openbaer, wy konnen dar oock niets wt draghen.

8

^* Wanneęr wy auer voedsel end decksel hebben, ^‡ zo zullen wy ons daran laten ghenoughen.

* Pro.27.d.26 Eccli.29.d 25

‡ Psal.55.d.23 Matt.6.c.25 1.Petr.5.c.7

9

^* Auer die dar rijck werden willen, die vallen in verzoucking end strick, end in vele dwaze end schadelicke begærlickheyden, die de menschen verzencken in schade end verdærfniß.

* Pro.11.d.28 Matt.13.c.22 Iaco.5.a.1

10

^‡ Want de gheldghierigheyt is eęn wortel alles boozen: welcker heeft zommighe ghelust, end zijn van dem ghelooue afghedwaelt, end hebben zick zeluen verwærret mit velen smerten.

‡ Exo.23.a.8 Deut.16.d.19 Pro.15.c.16

11

^+* Auer du O mensch Godes, schuw zulcks: iaagh auer na gherechtigheyt, Godßaligheyt, ghelooue, liefde, lijdßaemheyt, zachtmoedigheyt.

+ C

* 2.tim.2.d.22

12

^* Kamp eęnen goeden kamp des ghelooues, grijp an het eęwigh leuen, waertoe du oock gheropen bist, end beleden hebst eęn goede belijdeniß voor velen ghetuyghen.

* 1.Tim.1.d.18

13

^* Ick ghebiede dy voor Gode ^‡ die alle dingk leuendigh maeckt, end voor Christo Iesu ^* die onder Pontio Pilato betuyght heeft eęn goede belijdeniß:

* 1.Tim.5.d.21

‡ Deut.32.f.39 1.Sam.2.b.6 Sap.16.b.13

* Mat.27.b.11 Ioan.18.f.33

14

Dat du het ghebod holdest onbeuleckt, onbestrafflick, tot op de verschijning onzes Heeren Iesu Christi:

15

Welcke t’zynen tijden vertoonen zal ^‡ die Zalighe end eęnighe Uorst, ^* de Kœningk der ⁺ kœninghen, end de Heęre der ⁺ heęren,

‡ 1.tim.1.b.12

* Apo.17.d.14 end .19.c.16

+ Gr. regnerenden

+ Gr. heęrschenden

16

⁺Die alleęn onstærflickheyt heeft, end bewoont eęn ontoeganglick licht: ^* welc-

+ D

* Exod.33.d.20 Deut.4.b.12 1.Ioa.4.c.12

[p. 360r]

ken gheęn mensch ghezien heeft, noch oock zien kann, dem zy eęr end eęwigh gheweld. Amen.

17

Den rijcken in der teghenwordigher eęwe, ghebie dat zy niet hooghmoedigh zijn, ^* oock niet hopen op den onzekeren rijckdomm, mer op den leuendighen God, die ons alle dinghen rijcklick verleęnt te ghenieten,

* Marc.4.b.18 Luc.12.b.5

18

Dat zy goeddadigh zijn, rijck werden in goeden wercken, mildelick wtgheuen end mededeęlen,

19

^* Zick zeluen oplegghen eęn goede gronduastigheyt op het toekommstighe: op dat zy verkrijghen het eewigh leuen.

* Eccli.29.b.13 Matt.6.c.20 Luc.12.e.33 end .16.c.9

20

O Timothee, bewaer dat dy vertrauwt is, ^‡ end vermijd onheylighe ijdelredinghen, end teghenzettinghen der lœghennamigher wetenschap,

‡ 1.Tim.1.a.4 end .4.b.7 2.Tim.2.c.16 Tit.1.d.14 end .3.c.9.

21

Welcke zommighe hebben voorghegheuen, end hebben des ghelooues ghefælt. De ghenade zy mit dy. Amen.

An Timotheum de eęrste, gheschreuen van Laodicéa, die dar is eęn hoofdstad des lands Phrygia Pacatiana.