Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.v.

1

⁺ EEnen olden bestraf niet wreędelick, mer vermaen en als eęnen vader: de ionghers als broeders.

+ Leui.19.g.32

2

De olde vrauwen, als moeders: de ionghe, als zusters, mit aller kuyscheyt.

3

Eęr de weduwen welcke dar rechte weduwen zijn.

4

Zo auer eęnighe weduwe kinders of kinds kinders heeft, ⁺ zulcke latet eęrst leęrnen hœr eyghen huyßghezind

+ Of, die leęre eęrst hœr. etc.

[p. 358r]

Godßalighlick regeren ^* end ghelijcke verghelding doen den voorolderen. Want dit is goed end anghenaem voor Gode.

* Eccl.3.a.9

5

^* Welcke auer eęn rechte weduwe end eęnßaem is, ^‡ die heeft hœr hope op God ghestelt, end volhærdt in smeęken end bidden dagh end nacht.

* 1.Cor.7.f.32

‡ Luc.2.e.37

6

Welcke auer in wellust leeft, die is leuendigh dood.

7

Oock zulcks ghebie, op dat zy onbestrafflick zijn.

8

⁺Zo auer eęnighe ^* de hœren, end voorneemmlick hœre huyßghenooten niet vœrzorght, die heeft het ghelooue verzaeckt, end is ærgher dan eęn ongheloouighe.

+ B

* Gal.6.c.10

9

Laet eęn weduwe verkoren werden die niet zy onder zestigh iaren, die dar gheweeßt zy eęnes manns wijf,

10

Die betuyght zy mit goeden wercken, zo zy kinders opgheuoedt heeft, ^* zo zy der vrémdelinghen herberghster gheweeßt is, ^‡ zo zy der Heylighen voeten ghewasschen heeft, zo zy den verdruckten behulpßaem gheweeßt is, zo zy allerley goede werck achteruolght heeft.

* 1.Petr.4.b.9

‡ Gen.18.a.4 end .19.a.2 Luc.7.f.38 g.44

11

Der ionghen weduwen auer entsla dy, want wanneęr zy ⁺ wulpsch gheworden zijn teghen Christum, zo willen zy echtigh werden,

+ Of. gheyl

12

End hebben eęn gherichte, dat zy het eęrste ghelooue verworpen hebben.

13

Daerbeneuen auer zijn zy oock vuyl, end leęrnen ommloopen door de huyzen: niet alleęnlick auer zijn zy vuyl, mer oock ^* klapperigh end drijuen onnutten handel, end spreken dat niet zijn zolde.

* Tit.2.a.3

[p. 358v]

14

^+* Zo will ick nu dat de ionghe echtigh werden, kinders ghebaren, huyßholdigh zijn, dem wederspreker gheęn oorzaeck gheuen te lasteren.

+ C

* 1.Cor.7.b.9

15

Want dar zijn alrede zommighe afghetreden dem Satan na.

16

Zo dar eęnigh gheloouigh of eęnighe gheloouighe weduwen heeft, die vernoughe de zelue, end laet de Ghemeynte niet bezwaert werden, op dat zy die, die rechte weduwen zijn, vernoughe.

17

^* De Olderlinghen die wel vœrstaen, die holde men tweęuoldigher eęren wærd, zonderlick die dar arbeyden im worde end leęre.

* rom.15.f.27 1 Cor.9.b.11 Gal.6.b.6. Philip.2.d.29 1.Thess.5.b.12 Hebr.13.c.17

18

Want de Schrift zegt: ^‡ Du zalt dem dorsschenden osse den muyl niet toebinden. End, ^* De arbeyder is zijns loons wærd.

‡ Deut.25.a.4 1.Cor.9.b.9

* Leui.19.c.13 Deut.24.c.14 Tob.4.c.15 Matt.10.a.10 Luc.10.b.7

19

Teghen eęnem Olderlingk neem gheęn beschulding an, ^‡ dan onder tweęen of dryen tuyghen.

‡ Deut.19.c.15

20

⁺Die dar zondighen, die straf voor allen: op dat oock de anderen vreęß hebben.

+ D

21

^* Ick betuyghe voor Gode, end dem Heęre Iesu Christo, end den wtuerkorenen Enghelen, dat du zulcks bewarest ^‡ zonder ⁺ voorordeęl, end niets doest na toegheneyghentheyt.

* 1.timo.6.c.13 Rom.1.b.9 end .9.a.1 2.Cor.1.d.23 end .11.g.31 Gal.1.d.20 Philip.1.b.8 1.Thess.2.a.5

‡ Deut.17.a.4

+ of, verhaestighd ordeęl,

22

^* De handen legg niemanden haestlick op, maeckt dy oock niet deęlachtigh vrémder zonden: hold dy zeluen reyn.

* 1.tim.4.d 14 2.Tim.1.b.6 Act.6.b.6. end .8 c.16. end .13.a.3 end .19.a.6

23

Drinck voordan niet meęr water, mer bruyck eęn weynigh wijns, ^‡ om dijns maghen end dyner dickwijlighen kranckheyden willen.

‡ Eccli.31.d.33

24

Zommigher menschen zonden zijn

[p. 359r]

te voren ^* openbaer, end gaen voorhén ten gherichte, in zommighen auer volghen zy oock na.

* Gal.5.c.19

25

Deßghelijcken oock de goede wercken zijn voorhén openbaer, end die zick anders hebben, konnen niet verborghen werden.