Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 357r]

Cap.iiij.

1

⁺ DE Gheęst auer zegt wtdrucklick dat in den lesten tijden zullen zommighe ^‡ van dem ghelooue aftreden, end toeghedaen werden den veruoerischen gheęsten, end den leęringhen der duuelen,

+ 2.Tim.3.a.1 2.Pet.3.a.3 Iude.c.18

‡ Dani 9.g.27 matt.24.b.15 2.Thes.2.a.3

2

Door die, die in gheueynßtheyt lœghentaligh zijn, end ghebrandmærckt in hœrer eyghener consciency,

3

Die dar verbieden echtigh te werden, [end ghebieden] zick te entholden van spijzen die God gheschapen heeft ^* te nutten ^‡ mit danckzegghinghe den gheloouighen, end den, die de waerheyt bekennt hebben.

* Genes.1.d.29 end .9.a.3

‡ Rom.14.b.6 1.Cor.10.g.30

4

^+* Want alle schepsel Godes is goed, end dar is niets verwærplick, wanneęr het mit danckzegghinghe ghenomen werdt:

+ B

* Gene.1.d.31 Eccli.39.b.19 Act.10.c.15 rom.14.c.14

5

Want het werdt gheheylight door het word Godes end door ghebed.

6

Wenn du den broederen zulcks voor holdest, zo zalt du eęn goed dienaer Iesu Christi zijn, ^* als die ⁺ du opgheuoedt bist in den worden des ghelooues end der goeder leęre, welcker du doorgaens nagheuolght bist.

* 2.Tim.1.b.5 end .3.d.14

+ Of. die du ze opuoedest in etc.

7

Der ^* onheylighen auer end oldwijfschen verzierßelen entsla dy: end oeffen dy zeluen ter Godßaligheyt.

* 1.Tim.1.a.4 end .6.d.20 2.Tim.2.c.16 Tit.1.d.14 end .3.c.9

8

^+‡ Want de lijflicke oeffening is weynigh nutt: auer de Godßaligheyt is tot allen dinghen nutt, als die dar toezegghing heeft des teghenwordighen end

+ C

‡ Colos.2.d.23

[p. 357v]

des toekomstighen leuens.

9

Het is eęn ghewiß word, end wærdigh alleßinns opghenomen te werden.

10

Want hiertoe arbeyden wy oock, end werden besmadight, dat wy op den leuendighen God onze hope ghestelt hebben, die dar is eęn Zalighmaker aller menschen, zonderlick der gheloouighen.

11

Zulcks ghebie end leęr.

12

^* Niemand verachte dyne iongkheyt, ^‡ mer zy eęn voorbeeld den gheloouighen im worde, im wandel, in liefde, ⁺ im gheęst, im ghelooue, [end] in reynigheyt.

* Tit.2.d.15

‡ Tit.2.b.7 1.Petr.5.a.3

+ D

13

Hold an mit lezen, mit vermanen [end] mit leęren, tot dat ick komme.

14

Mißacht niet de gaue die in dy is, welcke dy ghegheuen is door prophecy, ^* mit oplegghinghe der handen des Olderlingdomms.

* Act.6.b.6 end .8.c.16 end .13.a.3 end .19.a.6 1.Tim.5.d.22 2.Tim.1.b.6

15

Zulcks betracht, hiermede ga omm: op dat dijn toenemen openbaer werde in allen dinghen.

16

Heb acht op dy zeluen end op de leęr: volhærd in dezen stucken. Want zo du zulcks doest, zalt du oock dy zeluen beholden, end die dy hooren.