Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 354r]

De eerste zendbrief Pauli an Timotheum.

Cap.j.

1

PAulus eęn Apostel Iesu Christi ^* na dem beuele Godes onzes Zalighmakers end des Heęren Iesu Christi ^* die onze hope is:

* Act.9.c.15

* Colos.1.d.27

2

^‡ Timotheo [mynem] oprechten zone in dem ghelooue, ^* Ghenade barmhertigheyt [end] vrede van Gode onzem Uader, end Iesu Christo onzem Heęre.

‡ Act.16.a.1 1.Thes.3.a.2

* Gal.1.a.3 1.Pet.1.a.2

3

Ghelijckerwijß ick dy vermaent heb ^* doe ick in Macedoniam reyßde, dat

* Act.20.a.1

[p. 354v]

du te Epheso bleuest [alzo doe] dat du zommighen anzegghest dat zy niet anders leęren,

4

Noch acht hebben ^* op verzieringhen, end onendlicke gheslæchtreden, ^‡ welcke meęr beuraghinghen voordbringhen dan stichtinghen in God, welcke is im ghelooue.

* 1.Tim.4.b.7 end .6.d.20 2.Tim.2.c.16 Tit.1.d.14 end .3.c.9

‡ 1.Tim.6.a 4

5

^* Auer het ende des ghebods, is liefde van reynem herten end goeder consciency end onbeueynßdem ghelooue. ⁺

* Rom.13.c.8.10 Gal.5.b.14

+ B

6

Welcker hebben zommighe ghefælt, end hebben zick ghewendt tot ijdelredinghe,

7

Willen Wetleęraers zijn, end verstaen niet wat zy spreken, noch wat zy beuestighen.

8

Wy weten auer ^* dat de Wet goed is, zo ze iemand wettlick bruyckt,

* Rom.7.c.12

9

End weet zulcks ^* dat dem gherechtighen gheęn Wet ghezett werdt, mer den Wetbrekeren end wederspannighen, den ongodsdienstighen end zondaren, den onheylighen end verontreynighden, den vaderslagheren end moederslagheren, den menschmoorderen,

* Gal.5.d.23

10

Den hoerereren, den mannbuggheren, den menschdieuen, den lœghenaren, den meyneędighen, end zo dar wat anders der heylßamer leęre enteghen is,

11

⁺Na dem Euangelio der heęrlicheyt ^* des zalighen Godes, welck my vertrauwt is.

+ C

* 1.Tim.6.c.14

12

End ick dancke dem, die my bekrachtight heeft Christo Iesu onzem Heęre, dat hy my trauw gheacht heeft, end

[p. 355r]

ghestelt in dienst,

13

^* Die ick te voren was eęn lasteraer, end veruolgher end onderdrucker: auer my is barmhertigheyt wederuaren ^‡ om dat ick’t onweten ghedaen heb im ongelooue.

* Act.8.a.3 end .9.a.1 end .22.a.4 end .26.b.9 1.Cor.15.a.9 Gal.1.c.13

‡ Ioan.9.g.39 Act.3.c.17

14

De ghenade auer onzes Heęren is bouen mate oueruloedigh, gheweeßt mit ghelooue end liefde welck is in Christo Iesu.

15

Het is eęn ghewiß word, end wærdigh dat het alleßinns anghenomen werde, ^* dat Christus Iesus kommen is in de wæreld de zondaers zaligh te maken, onder welcken ick de eęrste bin.

* Matt.9.b.13 Marc.2.c.17 Luc.5.f.32 end .19.b.10 1.Ioan..3.a.5

16

Auer hierom is my barmhertigheyt wederuaren, op dat an my die ick de voorneemste bin, ⁺ Iesus Christus beweze alle langmoedigheyt, tot eęnem voorbeelde den, die in hem gheloouen zolden ten eęwighen leuen.

+ D

17

Auer dem onuergangklicken Kœningk der eęwigheyden, dem onzichtbaren [end] dem alleęn wijzen Gode zy eęr end heęrlicheyt van eęwigheyden tot eęwigheyden Amen.

18

Dit ghebod beuele ick dy, zoon Timothee, na den vorighen prophecyen ouer dy, ^* dat du in den zeluen eęnen goeden strijd strijdest,

* 1.Tim.6.c.12

19

^* End hebbest ghelooue end eęn goede consciency, welcke zommighe verstooten, end an dem ghelooue schipbrœck gheleden hebben.

* 1.Tim.3.b.9

20

Onder welcken is ^* Hymeneus end ^‡ Alexander, ^* die ick dem Satan ouerghegheuen heb, op dat zy ghetuchtight

* 2.tim.2.c.17

‡ 2 tim 4.c.14

* 1.Cor.5.a.3

[p. 355v]

werden niet [meęr] te lasteren.