Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

VUY bidden v auer, broeders, door de toekommst onzes Heęren Iesu Christi, end onze verzameling tot hem

2

^* Dat gy v niet haestlick latet bewegen van dem ghemoede, end dat gy niet beroert werdet, noch door gheęst, noch door

* Iere.29.b.8 Matt.24.a.4 Ephe.5.b.6 Coloss.2.d.18 1.Ioan 4.a.1

[p. 352v]

word noch door brief, als van ons [ghezonden] euen als ware de dagh Christi voor handen.

3

Latet v niemand veruoeren in gheęnerley wijze: Want [hy kommt niet] ten zy dat eęrst ^* de afuall komme, end ontdeckt werde de mensch der zonde, de zoon der verdærfniß,

* Dan.9.g.27 Mat.24.b.15 1.Tim.4.a.1 1.Ioan.2.c.18

4

⁺Die dar wederstreeft, end zick verheft ouer alles dat God of ⁺ Godsdienst heett, alzo dat hy zick zett in den tempel Godes als eęn God, ^‡ end gheeft zick wt, hy zy God.

+ B

+ Of, dat als God ghedient werdt

‡ Dani.11.f.36

5

Ghedencket ghy niet dat ick v zulcks zeyde doe ick noch by v was?

6

End wat het nu verhindert, wetet ghy, ^* op dat hy ontdeckt werde t’zyner eyghener tijd:

* 1.Ioan.2.c.19

7

(Want hy werckt alrede krachtlick de verborghenheyt der Wetbrekery, alleęnlick tot dat die, die het nu verhindert, wt midden hénwegh ghenomen werde,)

8

End alsdan zal de Wetbreker gheopenbaert werden, ^* welcken de Heęr ommbringhen zal mit dem Gheęst zijns monds, end vernietighen door de verschijning zyner toekommst:

* Esa.11.a.4

9

⁺Welckes [Wetbrekers] toekommst is ^* na der krachtigher werckinghe des Satans, ^‡ mit allerley macht end teękenen end lœghenachtighen wonderteękenen.

+ C

* Ioan.8.e.41

‡ Deut.13.a.1 Apoc.13.c.13

10

End mit allerley veruoeringhe der ongherechtigheyt in den, die dar vergaen: daer vœr dat zy de liefde der waerheyt

[p. 353r]

niet hebben anghenomen, op dat zy zaligh wurden.

11

^* End hierom zal hen God krachtighe dwaling zenden, dat zy gheloouen der lœghene:

* Rom.1.c.25

12

Op dat ghericht werden alle, die der waerheyt niet ghelooft hebben, mer hebben eęn welgheuallen ghehadt an der ongherechtigheyt.

13

Wy auer moeten Gode dancken altijd omm v, gheliefde broeders van dem Heęre, ⁺ dat v God verkoren heeft van beghinne an ter zaligheyt, door de heylighmaking des Gheęstes end het ghelooue der waerheyt.

+ D

14

Waertoe hy v gheropen heeft door onze Euangelium ter verwæruinghe der heęrlicheyt onzes Heęren Iesu Christi

15

Zo bestaet nu, broeders, end holdet de inzettinghen die v gheleęrt zijn, het zy door onze word, het zy door brief.

16

Auer de zelue onze Heęr Iesus Christus, end God end onze Uader, die ons lief ghehadt heeft, end ghegheuen eęnen eęwighen troost, end eęn goede hope door ghenade,

17

Uertrooste uwe herten, end verstærcke v in allerley worde end goedem wercke.