Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 351v]

De ander zendbrief Pauli tot den Thessalonikeren.

Cap.j.

1

PAulus end Siluanus end Timotheus der Ghemeynte der Thessalonikeren in Gode onzem Uader end dem Heęre Iesu Christo:

2

^* Ghenade zy v end vrede van Gode onzem Uader end dem Heęre Iesu Christo.

* 1.Cor.1.a.2 1.Thes.1.a.1 1.Pet.1.a.2

3

^‡ Wy moeten Gode altijd dancken omm v, broeders, als het billick is: om dat uwe ghelooue zeęr toeneemt, end de liefde eęnes ieghelicken onder v allen zick vermeęret teghen eęn ander:

‡ Ephes.1.c.15 Philip.1.a.3 Colos.1.a.3 1.Thes.1.a.2

4

⁺Alzo dat wy zelue ons uwer rommen in den Ghemeynten Godes, van uwer gheduld end ghelooue in allen uwen veruolghinghen end verdruckinghen die ghy lijdet:

+ B

5

^* [Welcke zijn als] eęn bewijß des gherechten oordeęls Godes: op dat ghy wærdigh gheholden werdet dem kœningkrijcke Godes, om welck ghy oock lijdet.

* Iude.a.6

6

^* Want het is recht by Gode te ver-

* Zach.2.c.8

[p. 352r]

ghelden verdrucking den die v verdrucken:

7

⁺End v die ghy verdruckt werdet, verquicking mit ons, ^* wanneęr nu de Heęr Iesus zal gheopenbaert werden van dem hemel zampt den Enghelen zyner kracht,

+ C

* 1.thes.4.d.16

8

^* In eęner vuerigher vlamme wrake te gheuen ouer die, die God niet kennen, ^* end ouer die, die gheęn ghehoor gheuen dem Euangelio onzes Heęren Iesu Christi.

* 2.Petr.3.b.7

* Rom.2.b.8

9

^* Welcke zullen pijn lijden, [naemlick] eęn eęwighe verdærfniß voor dem anghezichte des Heęren, end voor der heęrlicheyt zyner stærckte,

* Esa.2.d.19 Sap.5.a.3

10

^+* Wanneęr hy kommen zal heęrlich te verschijnen in zynen Heylighen, end wonderbaer te werden op den zeluen dagh in allen gheloouighen, want onze tuyghniß an v is gheloofßaem gheworden.

+ D

* Act.1.b.11 1.Thes.1.d.10 Apoc.1.b.7

11

Waerom wy oock altijd bidden vœr v, dat onze God v wærdigh make der berouping, end veruulle alle welgheuallen ter goedigheyt, end het werck des gheloofs in kracht:

12

Op dat in v gheprezen werde de naem onzes Heęren Iesu Christi, end ghy in hem, na der ghenade onzes Godes end des Heęren Iesu Christi.