Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

⁺ VUant ghy wetet zelue, broeders, van onzem ingangk tot v, dat hy niet ijdel gheweeßt zy:

+ 1.Thes.5.c.5

2

Mer oock hoewel wy te voren ghele-

[p. 347v]

den hadden end besmadight gheweeßt waren te ^* Philippen, ghelijckerwijß ghy wetet, dat wy vrijmoedighlick gehandelt hebben in onzem Gode, ^* tot v te spreken het Euangelium Godes mit grootem kampen.

* Act 16.e.22

* Act.17.a.2

3

Want onze vermaning is niet gheweeßt wt bedrieghery, noch wt onreynigheyt, noch in listigheyt:

4

Mer ghelijckerwijß wy van Gode beprouft waren, dat ons het Euangelium vertrauwt wurde, alzo spreken wy: ^* niet als wolden wy den menschen behaghen, mer Gode die onze herten beprouft.

* Gal.1.b.10

5

Want wy hebben noyt mit vleyighen worden ommghegaen, ghelijckerwijß ghy wetet, noch mit voorwendinghe der ghierigheyt. (^* God is deß ghetuygh.)

* Rom.1.b.9 end .9.a.1 2.Cor.1.d.23 end .11.d.31 Gal.1.d.20 Philip.1.b.8 1.Tim.5.d.21 2.Tim.4.a.1

6

⁺Hebben oock gheęn eęr ghezocht van menschen, noch van v, noch van anderen,

+ B

7

^‡ Hoewel wy bezwaerlick hadden moghen zijn als Apostels Christi: mer wy zijn vriendlick gheweeßt midden onder v, euen als of eęn voester hœre kinders koesterde.

‡ 1.Cor.9.a.4 2.Thes.3.c.9

8

End v alzo toegheneyght, hadden wy eęn ærnstighe begærte v mede te deęlen, niet alleęnlick het Euangelium Godes, mer oock onze eyghene zielen, daerom dat ghy ons lieftaligh gheworden waret.

9

^* Want ghy zijt wel indachtigh, broeders, onzes arbeyds end moeyte: Want nacht end dagh arbeydden wy dat wy niemanden onder v ouerlastigh waren,

* Act.18.a.3 end .20.g.34 1.Cor.4.c.12 2.Cor.11.b.9 end .12.e.13 2.Thess.3.b.8

[p. 348r]

end predickten onder v het Euangelium Godes.

10

Ghy zijt tuyghen end God, hoe heylighlick end oprechtlick end onklaghtbaerlick wy by v, die ghy gheloouigh waret, gheweeßt zijn:

11

Ghelijckerwijß ghy wetet, hoe wy eęnen ieghelicken van v, (als eęn vader zyne eyghene kinders,) vermaenden,

12

⁺End troostden end betuyghden, ^* dat ghy wærdighlick wandelen zoldet voor Gode, die v gheropen had tot zynem eyghenen kœningkrijcke end heęrlicheyt.

+ C

* Genes.17.a.1 1.Cor.7.d.20 Ephe.4.a.1 Philip.1.d.27 Coloss.1.b.10.

13

Hierom dancken wy oock Gode zonder onderlaat, dat ghy, doe ghy entfinghet van ons het word Godlicker prediking, dat annamet, niet als menschen word, mer (ghelijck het waerachtlick was,) als Godes word, welck oock dadighlick werckt in v die ghy gheloouet.

14

Want ghy zijt nauolghers gheworden, broeders, der Ghemeynten Godes die in Iudéa zijn in Christo Iesu, in dem, dat ghy oock het zelue gheleden hebbet van uwen eyghenen bloedurienden, ^* dat oock zy van den Iœden:

* Act.17.c.13

15

^* Welcke, ghelijck zy oock den Heęre Iesum ghedoodt hebben ^‡ end hœre eyghene Propheten, [alzo] oock hebben zy ⁺ v veruolght, ⁺ end behaghen Gode niet, end zijn allen menschen enteghen,

* Act.7.g.52

‡ Matt.23.d.36 Luc.13.g.32

+ anders. ons

+ D

16

^* Weeren ons te spreken tot den Heydenen, dat zy zaligh wurden: op dat zy altijd hœre zonden veruullen. Auer de toornn is ouer ze endlick toe-

* Act.17.c.13

[p. 348v]

kommen.

17

Wy auer, broeders, na dem wy uwer vœr eęn wijle tijd berooft gheweeßt zijn na dem anghezichte, niet na dem herten, hebben deß te meęr ons ghespoedight uwe anghezicht te zien mit grootem verlanghen.

18

^* Daerom hebben wy willen tot v kommen, (ymmers ick Paulus oock eęnmael end oock andermael,) end de Satanas heeft ons verhindert.

* Rom.1.b.13 end .15.e.22

19

^* Want wie is onze hope, of vrœghde, of kroon des romms? Zijt ghy het oock niet vœr onzem Heęre Iesu Christo in zyner toekommst?

* 2.Cor.1.c.14 Phili.2.c.16

20

Ghewißlick ghy zijt onze heęrlicheyt end vrœghde.