Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 346v]

De eerste zendbrief Pauli tot den Thessalonikeren.

Cap.j.

1

PAulus end Siluanus end Timotheus der Ghemeynte der Thessalonikeren, in Gode dem Uader, end dem Heęre Iesu Christo: ^* Ghenade zy v end vrede van Gode onzem Uader, end dem Heęre Iesu Christo.

* Rom.1.a.7 Ephes.1.a.2 1.Petr.1.a.2

2

^* Wy dancken Gode altijd vœr v allen end ghedencken uwer in onzen ghebeden:

* Ephes.1.c.15 Philip.1.a.3 Coloss.1.a.3 2.Thes.1.a.3

3

⁺End zijn uwer indachtigh zonder onderlaat ^‡ omm des wercks willen in dem ghelooue end des arbeyds in der liefde, end der gheduld in der hope onzes Heęren Iesu Christi, voor Gode end onzem Uader:

+ B

‡ Ioan.6.c.29

4

Dewijl wy weten, gheliefde broe-

[p. 347r]

ders, dat uwe verkiezing van Gode zy:

5

^* Want onze Euangelium is by v gheweeßt, niet alleęnlick im worde, mer oock in kracht, end im heylighen Gheęst, end in grooter ghewißheyt, ^‡ ghelijckerwijß ghy wetet, ⁺ welckerley wy gheweeßt zijn onder v om uwent willen.

* 1.Cor.2.a.4 end .4.d.20 2.Petr.1.c.16

‡ 1.Thes.2.a.1

+ C

6

^* End ghy zijt onze nauolghers gheworden end des Heęren, end hebbet het word angenomen in grooter benauwinghe mit vrœgden im heyligen Gheęst:

* 1.Cor.4.d.8 end .11.a.1 Philip.3.d.17 2.Thess.3.b.9

7

Alzo dat ghy voorbeelden gheworden zijt allen den gheloouighen in Macedonia end Achaia.

8

Want van v is luydbaer gheworden het word des Heęren, niet alleęnlick in Macedonia end Achaia, ⁺ mer oock in aller plaetse is uwe ghelooue an God wtgebroken, alzo dat het niet noodigh is dat wy [daervan] iet zegghen.

+ D

9

Want zy zelue verkondighen van ons, welckerley ingangk wy tot v gehadt hebben, end hoe ghy bekeęrt zijt tot Gode van den afgoden, te dienen dem leuendighen end waerachtighen Gode:

10

^* End te verwachten zijns Zoons Iesu van dem hemelen, den hy opgheweckt heeft van den dooden, welcker ons verlost van dem toekommstighen toornn.

* Act.1.b.11 2.Thes.1.c.10 Apoc.1.b.7