Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

GHy ^‡ heęren, wat recht end verghelijcklick is, dat bewijzet den dienstknechten, end wetet dat oock ghy eęnen Heęr hebbet in hemelen.

‡ Eccli.7.c.20 end .33.d.29 Ephes.6.b.9

2

^* Holdet an in dem ghebede, end waket in dem zeluen mit danckzegghinge:

* Luc.18.a.1 Rom.12.c.12 Ephes.6.c.18 1.Thes.5.c.17

3

^‡ End biddet oock t’zamen vœr ons op dat ons God de dœre des words op doe te spreken de verborghenheyt Christi, (om welcker willen ick oock ghebonden bin.)

‡ Ephes 6.d.19 2.Thes.3.a.1

4

Op dat ick de zelue openbare, ghelijck het my noodigh is te spreken.

5

^* Wandelet in wijßheyt teghen den, die buyten zijn, ^‡ end losset de tijd.

* eccli.27.b.12 Ephes.5.d.15

‡ Rom.12.c.11 Ephe.5.d 16

6

^* Uwe rede zy altijd in vriendlickheit, mit zalte gekruydt: op dat ghy wetet, hoe ghy eęnem ieghelicken and-

* Marc.9.g.50

[p. 346r]

worden moetet.

7

⁺Hoe het mit my staet, zal v altemael kond doen ^* Tychicus de gheliefde broeder, end trauwe dienaer end mededienstknecht in dem Heęre:

+ B

* Act.20.a.4 2 Tim.4.c.12

8

Welcken ick hierom heb tot v ghezonden, op dat ick bekenne hoe het mit v staet, end dat hy trooste uwe herten:

9

Zampt ^* Onesimo dem trauwen end gheliefden broeder, welcker is van den uwen: alles hoe het hier toegaet, zullen zy v kond doen.

* Philem.b.10

10

U groett ^* Aristarchus mijn medegeuanghen, end ^‡ Marcus de neue Barnabe (van welckem ghy hebbet gheboden entfanghen: zo hy tot v kommt, nemet hem op:)

* Act.27.a.2

‡ Act.15.g.37 2.Tim.4.c.11

11

⁺End Iesus die dar heett Iustus, welcke wt der Besnijdenisse zijn: deze zijn alleęne medearbeyders an dem kœningkrijcke Godes, die my eęn troost gheweeßt zijn.

+ C

12

U groett ^* Epaphras, die van den uwen is eęn dienstknecht Christi, end altijd kampt vœr v in ghebeden, op dat ghy bestaet volkommen end veruult mit allem wille Godes.

* Coloss.1.a.7 Philem.d.23

13

Want ick gheue hem tuyghniß dat hy grooten ijuer heeft omm v, end omm die, die te Laodicéa, end die te Hierapolis zijn.

14

⁺U groett ^* Lucas de Medicijnmeęster de gheliefde, end ^‡ Demas.

+ D

* 2.Tim.4.c.11

‡ 2 tim.4.b.10

15

Groetet de broeders die te Loadicéa zijn, end Nymphan, end de Ghemeynte die in zynem huyze is.

16

End wanneęr de brief by v ghelezen zal zijn, zo maket dat hy oock in

[p. 346v]

der Ghemeynte der Laodicéeren ghelezen werde, end dat ghy den, die van Laodicéa [gheschreuen] is, oock lezet,

17

End zegghet Archippo, Zie op den dienst, den du entfanghen hebst in dem Heęre, dat du den zeluen veruullest.

18

^* De groeteniß mit myner hand, Pauli. ^‡ Ghedencket myner banden. De ghenade zy mit v. Amen.

* 2.thes.3.d.17

‡ Hebr.13.a.3

An den Colosseren gheschreuen van Romen [ghezonden] door Tichicum end Onesimum.