Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij

1

ALzo, myne gheliefde end ghewenschde broeders, mijn vrœghde end kroon, bestaet alzo in dem Heęre, geliefden.

2

Euodiam vermane ick, end Syntychen vermane ick, dat zy eęnerley ghezinnt zijn in dem Heęre.

3

Ia ick bid oock dy [mijn] oprecht iockghenoot, help de zelue [vrauwen] die mit my ghestreden hebben in dem Euangelio, end mit Clemens, end den anderen mynen medearbeyderen, welcker namen zijn

[p. 340v]

in ^* dem bouck des leuens.

* Exod.32.g.32 Psal.69 f.29 Apoc.3.a.5 end .20.d.12 end .21.g.27

4

^‡ Uerurœghet v in dem Heęre altijd: wederom zeg ick v, Uerurœghet v.

‡ 1.Thes 5.c.16

5

Uwe redelickheyt latet kond werden allen menschen. De Heęr is naby.

6

^* Zijt nærghent in bekommert, mer in allen dinghen latet uwe begærten door bidden end smeęken mit danckzegghinghe kond werden voor Gode. ⁺

* Psal.55.d.23 Matt.6.c.25 1.Tim.6.b.8 1.Pet.5.c.7

+ B

7

^‡ End de vrede Godes welcker te bouen gaet alle verstand, zal bewaren uwe herten end uwe zinnen in Christo Iesu

‡ Ioa 14.d.27 Rom.5.a.1 Ephes.2.c.13

8

Uoordan, broeders, zo wat waerachtigh is, zo wat deeghlick is, zowat, gherechtigh is, zo wat reyn is, zo wat lieflick is, zo wat eęnes goeden gheruchtes is, is dar eęnighe dœghd, is dar eęnighe lof, dit bedencket:

9

^* Welck ghy oock gheleęrnt, end entfanghen, end ghehoort, end ghezien hebbet an my. Dit doet, end de God des vredes zal mit v zijn.

* Esa.9.b.6

10

Ick bin auer hooghlick verurœght in dem Heęre, dat ghy nu eęnmael weder vergruent zijt van my te dencken in dem, waerouer ghy oock dachtet, ⁺ mer haddet gheęn gheleghenheyt.

+ C

11

Niet dat ick dit zegghe der behouftigheyt haluen: ^* want ick heb gheleęrnt in welcken ick bin, my ghenoeghen te laten.

* 1.Tim..6.b.8

12

Ick weet nederigh te zijn, ick weet oock te oueruloeyen: ick bin allenthaluen end in allen dinghen onderricht oock verzaadt te werden end te hongheren, oock te oueruloeyen end behouftigh te zijn

13

Ick vermagh alles in Christo die my

[p. 341r]

bekrachtight.

14

Nochtans hebbet ghy wel ghedaen dat ⁺ ghy myner verdrucking medeghedeęlt hebbet,

+ Of. ghy v myner verdrucking anghenomen hebbet.

15

^* Ghy wetet auer oock, ghy Philippers, dat im anuang des Euangelij, doe ick wttoogh van Macedonia, gheęn Ghemeynte my mededeęling dede na berekeninghe des wtgheuens end entfanghens, dan ghy alleęne.

* 2.Cor.11.b.9

16

Want oock tot Thessalonica, zondet ghy ter myner nooddurften oock eęnmael end andermael.

17

⁺Niet dat ick het gheschenck zoucke, mer zoucke de vrucht die oueruloedigh zy in uwer berekeninghe.

+ D

18

Ick heb auer alles wegh, end bin oueruloedigh. Ick bin veruult doe ick entfing door Epaphroditum dat van v [quam als] eęn welrieckighe rœck, ^* eęn anghenaem offer, [end] Gode behaeghlick

* Hebr.13.c.19

19

Mijn God auer zal veruullen alle uwe noodwendigheyt, na zynem rijckdomm mit heęrlicheyt, in Christo Iesu.

20

Gode auer end onzem Uader zy prijß van eęwigheyden tot eęwigheyden. Amen.

21

Groetet alle Heylighen in Christo Iesu. U groeten de broeders die by my zijn.

22

U groeten alle Heylighen, allermeęst auer die van des Keyzers huyze zijn.

23

De ghenade onzes Heęren Iesu Christi zy mit v allen. Amen.

An den Philipperen gheschreuen van Romen, [ghezonden] door Epaphroditum.