Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iij.

1

VOordan myne broeders, verurœghet v in dem Heęre. Dat ick v eęnerley schrijue, is my ia niet verdrietßaem, v auer is het ter ghewißheyt.

2

Ziet op ^* de honden, ziet op de booze arbeyders, ziet op de versnijding.

* Esa 56.d.10

3

Want wy zijn ^* de Besnijding, die wy ^‡ Gode im gheęst dienen, end rommen ons in Christo Iesu, end verlaten ons niet op vleęsch:

* Rom.2.d.29 Colos.2.b.11 Deu.10.d.16 Ierem.4.a.4

‡ Ioan.4.c.23

4

Hoewel ick hebbe dat ick my oock op vleęsch verlaten mochte. Zo zick eęn ander duncken laett, hy hebbe dat hy zick op vleęsch verlate, ^* ick veel meęr.

* 2.Cor.11 e.22

5

[Die ick bin] eęn Besnijding des achtsten daghs, wt der afkommst Israels, des geslæchtes ^* Beniamin: eęn Hebréer wt Hebréeren: ^‡ na der Wet, eęn Phariséer

* Gen 49.d.27

‡ Act.23.b.6

6

Na dem ijuer, ^* eęn veruolgher der Ghemeynte: ⁺ na der gherechtigheyt die in der Wet is, gheweeßt onklaghtbaer.

* Act.8.a.3 1.Cor.15.a.9 Gal.1.c.13 1.timot.1.c.13

+ B

7

^‡ Auer wat my ghewinn was, dat heb ick om Christus willen vœr schade gheacht.

‡ mat.13.f.44

[p. 339v]

8

Ia ick achte oock het zy alles schade om der ouertrefflickheyt willen ^* der kennenschap Iesu Christi mijns Heęren: om welckes willen ick alles heb vœr schade gheacht, end holde het vœr dreck op dat ick Christum ghewinne,

* Esa.53.d.11 Ierem.9.g.23 Ioan.17.a.3 Colo.2.a.2

9

End dat ick beuonden werde in hem, als die dar niet hebbe mijn gherechtigheyt die wt der Wet, mer die door’t ghelooue Christi kommt, ^* [naemlick], de gherechtigheyt die van Gode kommt in dem ghelooue:

* Rom.1.b.17 end .3.c.21

10

Dat ick en kenne, end de kracht zyner opstanding, end de ghemeynschap zijns lijdens, ^* in dem ick zynem doode ghelijckformigh werde,

* Rom.6.a.4

11

⁺Of ick eęnighßinns enteghen quame tot der opstandinghe der dooden.

+ C

12

Niet dat ick’t alrede ghegrepen heb, of dat ick alrede volkommen zy: auer ick iaghe daerna, of ick het oock angrijpen mochte, waerin ick oock ghegrepen bin van Christo Iesu.

13

Broeders, ick holde my zeluen niet dat ick het ghegrepen heb: eęn dingk auer [doe ick], (ick verghete wat te rugghe is, end bestreck my tot dem, dat voor is,)

14

Ick iaghe na dem voorghezettden mærckteęken, na dem kleynood der berouping Godes die van bouen is in Christo Iesu.

15

Wie vele nu onzer volkommen zijn, die latet alzo ghezinnt zijn: end zo ghy wat anders ghezinnt zijt, dat zelue zal v God oock ontdecken.

[p. 340r]

16

⁺Doch in dem dat wy bekommen hebben, latet ons na der zeluer reghel voordgaen, dat wy ^* eęnerley ghezinnt zijn.

+ D

* Rom.12.c 16 end .15.b.5 1.Cor.1.b.9 Philip.2.a.2 1.Petr.3.b.8

17

^‡ Zijt te ghelijck myne nauolghers, broeders, end bemærcket die, die alzo wandelen, ghelijckerwijß ghy ons hebbet tot eęnem voorbeelde.

‡ 1.Cor.4.d.16 end .11.a.1 1.Thes.1.b.6 2.Thes.3.b.9

18

^* Want vele wandelen, van welcken ick v menighmael ghezegt heb, nu auer zeg ick oock mit weęnen, dat zy vianden zijn des cruyces Christi,

* Rom.16.c.17

19

Welcker ende is verdærfniß, welcker God de buyck is, end de eęre in hœrer scandlickheyt, die op ærdische dinghen ghezinnt zijn.

20

^* Onze burgherscap auer is in den hemelen, ^‡ van waer wy oock verwachten des Zalighmakers Iesu Christi des Heęren:

* Hebr.13.c.14

‡ 1.Cor 1.a.6 Tit.2.d.13

21

^* Die onze verachtlick lijf verstellen zal, dat het ghelijckformigh werde zynem eęrlicken lijue, na der dadigher werckinghe, mit welcker hy zick zeluen oock alle dinghen kan onderwærpen.

* 1.Cor.15.g.51 Coloss.3.a.4 1.Ioan.3.a.2