Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

IS nu eęnighe vermaning in Christo, is dar eęnighe troost der liefde, is dar eęnighe ghemeynschap des gheęstes, zijn dar eęnighe hertgrondlicke beweghinghen end barmhertigheyden [onder v], zo veruullet mijn vrœghde:

2

^* Dat ghy eęnerley ghezinnt zijt, eęnerley liefde hebbet, eęnmoedigh end eęnes willens zijt:

* Rom.12.c.16 end .15.b.5 1.Cor.1.b.9 Philip.3.d.16 1.Pet.3.b.8

3

Niets [doet] door twisting of ijdeleęrzoucking: ^‡ mer door ootmoedigheyt achtet de eęne den anderen ouertrefflicker, dan zick zeluen.

‡ Rom.12.c.10 1.Pet.5.b.5

4

^* Eęn ieghelick mærcke niet op het zyne, mer eęn ieghelick [mærcke] oock op dat, dat eęnes anderen is.

* 1 cor.10.e.24 end .13.b.5

5

^‡ Want deze ghezinntheyt zy in v, die oock is Christo Iesu was:

‡ 1.Pet.2.d.21

6

^* Welcker hoewel hy in Godes ghestaltenisse was, achtde het vœr gheęnen roof, Gode ghelijckmatigh te zijn:

* 2.Cor 4.a.4 Colos.1.b.15 Hebr.1.a.3

7

^{+ ‡} Mer ghingk zick zeluen te buyten ^* end nam eęnes dienstknechts gestalteniß an, ^‡ ward ghelijck als anderen menschen, end im ghelate als eęn mensch beuonden

+ verijdelde zick zeluen

‡ Psal.8.b.6

* mat.20.d.28 Ioan.13.b.14

‡ Hebr.2.d.14 17. end .4.d.15

8

^+* Uernederde zick zeluen, end ward

+ B

* Hebr.2.b.9 end .12.a.2

[p. 338r]

ghehoorzaem tot dem doode toe, ia tot dem doode am cruyce.

9

^* Daerom heeft en oock God verhooght, end heeft hem ^‡ eęnen naem geschoncken, die bouen alle naem is:

* Act.2.e.33

‡ Hebr.1.b.4

10

^* Op dat in dem name Iesu zick bœghen alle der knijen, die im hemel, end op ærden end onder der ærden zijn:

* Esa.45.d.23 Rom.14.b.11

11

^* End dat alle tong belijde dat Iesus Christus eęn Heęr zy ten prijze Godes des Uaders.

* Ioan.13.b.13 1.Cor.8.b.6 end .12.a.3

12

Alzo, myne gheliefde, (ghelijckerwijß ghy altijd ghehoorzaem gheweeßt zijt,) niet alleęnlick als in myner tegenwordigheyt, mer nu veel meęr in mynem afwezen, wercket mit vreęze end beuen uwe eyghen zaligheyt.

13

^* Want God is het die in v krachtlick werckt oock het willen end het krachtlick wercken na dem welgheuallen.

* 2.Cor.3.b.5

14

^‡ Doet alle dingk ^* zonder murringhen end twistredinghen:

‡ Rom.12.d.17 1.Pet.2.b.12

* 1.Pet.4.b.9

15

Op dat ghy onklaghtbaer zijt end oprecht, onstrafbare kinders Godes midden onder dem slimmen end verkeęrden gheslæchte: ^* onder welckem schijnet als lichten in der wæreld,

* Prouer 4.c.18 Mat.5.b.14

16

Daermede dat ghy opentholdet het word des leuens, ^* my tot eęnem romm an dem daghe Christi, ⁺ dat ick niet te vergheefs gheloopen, noch te vergheefs ghearbeydt heb.

* 2.Cor.1.c.14 1.Thes.2.d.19

+ C

17

End of ick schoon gheoffert werde ouer dem offer end Godesdienst uwes gelooues, ^* zo verurœghe ick my doch, end verrœghe my mit v allen.

* 2.Cor.7.a.4

[p. 338v]

18

Om des zeluen willen auer verurœget v oock ghy, end verurœget v mit my.

19

Ick hope auer in dem Heęre Iesu, dat ick ^* Timotheum kortlick zal tot v zenden, op dat ick oock wel gemoedt zy wanneęr ick verneme hoe het mit v staet:

* Act.16.a.1 Rom.16.d.20 1.Thes.3.a.3

20

Want ick heb niemand die [mit my] ghelijckßinnigh zy, die uwer handelinghen oprechte zorgh draghen mochte.

21

^* Want zy zoucken alle hœr eyghene, niet dat Iesu Christi is.

* 1.Cor 10.e.24 end .13.b.5

22

Ghy auer wetet zijn beprouuing: want als eęn kind mit dem vader heeft hy mit my ghedient an dem Euangelio.

23

Den zeluen hope ick dan te zenden, zo haest als ick ghezien zal hebben hoe myne zaken staen. ⁺

+ D

24

Ick vertrauwe auer in dem Heęre dat ick oock zelue kortlick kommen zal.

25

Ick heb het auer noodigh gheacht den broeder Epaphroditum tot v te zenden, die mijn medearbeyder end medestrijder, end uwe Apostel end myner nooddurftigheyt dienaer is:

26

Nademmael hem na v allen verlangde, end was mißmoedigh daerom dat ghy ghehoort haddet, dat hy was kranck gheweeßt.

27

End ghewißlick hy is doodkranck gheweeßt: auer God heeft zick zyner erbarmt, end niet alleęnlick zyner, mer oock myner: op dat ick niet droufniß ouer droufniß hadde.

28

Ick heb en auer deß te haestlicker ghezonden, op dat ghy en zaghet, end v

[p. 339r]

wederom verurœghdet, end dat ick der droufheyt minn hadde.

29

Zo nemet en nu op in dem Heęre mit aller vrœghden, end ^* die zulcke zijn, hebbet in achtbaerheyt.

* 1.Cor.9.b.14 Gal.6.b.6 1.Thes 5.b.12 1.Tim.5.c.17 Hebr.13.c.17

30

Want om des wercks Christi willen is hy dem dood zo na by kommen, doe hy zijn ziel waaghde, op dat hy uwe ghebreck an mynem dienst veruulde.