Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

ENd ^‡ v, doe ghy dood waret door mißdaden end zonden,

‡ Rom.5.a.6 Colos.2.c.13

2

^* (In welcken ghy voortijden wandeldet na ⁺ dem loop dezer wæreld, ^‡ na dem gheweldighen vorst der lucht, die dar is de gheęst die nu krachtlick werckt in den kinderen der onghehoorzaemheyt,

* 1.Cor.6.b.11 Colo 3.a.3 Tit.3.a.3

+ Gr. der eęwe

‡ Ephe.6.b.12

3

Onder welcken oock wy alle voortijden onzen wandel hadden in lusten onzes vleęsches, end deden den wille des vleęsches end des vernufts: end waren kinders des toornns van natuere, ghelijck oock de anderen:)

4

Heeft oock God, die dar rijck is van barmhertigheyt door zijn groote liefde, waermede hy ons lief ghehadt heeft, oock doe wy dood waren in den mißdaden, mit Christo leuendigh ghemaeckt: ⁺ (^* wt ghenade zijt ghy zalig gheworden:)

+ B

* Act.15.c.11 Tit.3.b.4

5

End heeft ons mede opgheweckt end in de ouerhemelsche [plaetsen] t’zamen ghezett in Christo Iesu:

6

Op dat hy beweze in den toekommstighen eęwen den ouertreflicken rijckdomm zyner ghenade, door zijn godertierenheyt ouer ons in Christo Iesu.

7

Want wt de ghenade zijt ghy zaligh gheworden door het ghelooue: (end dit zelue niet wt v: het is Godes gaue,)

8

Niet wt wercken, op dat zick niemand romme.

9

Want wy zijn zijn maecksel, ^* ghe-

* Tit.2.d.14 Ephe.1.a.4

[p. 330r]

schapen in Christo Iesu tot goeden wercken die God voorbereydt heeft, op dat wy daerin wandelen zolden.

10

Daerom ghedencket dat ghy, die ghy voortijden Heydens gheweeßt zijt na dem vleęsche, end Uoorhuyd gheheeten wurdet van der, ⁺ die dar gheheeten werdt Besnijding na dem vleęsche mit handen gheschiedt:

+ C

11

Dat ghy ter zeluer tijd waret zonder Christo, verurémdt van dem burgherschap Israels, end gasten ^* der Uerbonden, haddet gheęn hope op de toezegghing, end waret zonder God in der wæreld.

* Rom.9.a.4

12

Nu auer in Christo Iesu zijt ghy, die ghy voortijden verr waret, naby gheworden door het bloed Christi.

13

^* Want hy is onze vrede, die wt beyden heeft eęn ghemaeckt, end afghebroken door zijn vleęsch den middelmuer des tuyns, [naemlick] de viandschap:

* Esa.9 b.6 Ioan.16 d.33 Act.10.f.39 Rom.5.a.1 Colo.1.c.20

14

In dem hy vernietight heeft de Wet der gheboden in verordeninghen [gheleghen]: op dat hy van den tweęen eęnen nieuwen mensch in zick zeluen schepte, end vrede maeckte:

15

⁺End op dat hy ze beyde verzoende mit Gode in eęnem lijue door het cruys mit doodinghe der viandschap door het zelue.

+ D

16

^* End hy is kommen, end heeft vrede gheeuangelizeert v die ghy verr waret, end den, die naby waren.

* Esa.57.d.17 Ephe.3.c.12

17

^‡ Want door hem hebben wy beyde de toeleyding in eęnem Gheęst tot dem Uader.

‡ Ioan.10.b.9 end 14.a.6 Rom.5.a.2 Ephe.3.c.12 Hebr.10.d.19

18

Zo zijt ghy nu niet meęr gasten end

[p. 330v]

vrémde inwoners, mer medeburghers der Heylighen, end huyßghenooten Godes,

19

^* Opghebauwt op ^‡ den grond der Apostelen end der Propheten ^* daer Christus Iesus zelue de opperhoucksteęn is:

* 1.Cor.3.b.9

‡ Esa.28.d.16 Matt.16.c.18 Apoc.21.d.14

* 1.Pet.2.a.4

20

^‡ In welcken de gansche huyßstichting t’zamen gheuought, opwast tot eęnem heylighen tempel in dem Heęre:

‡ Ephe.4.d.16

21

In welcken ghy oock t’zamen opghebauwt werdet tot eęner woonstede Godes im Gheęste.