Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 328r]

De zendbrief Pauli tot den Epheseren.

Cap.1.

1

PAulus eęn Apostel Iesu Christi door den wille Godes, ^* den Heylighen die te Epheso zijn, end den gheloouighen in Christo Iesu:

* Rom.1.a.7 1.Cor.1.a.2

2

^* Ghenade zy v end vrede van Gode onzem Uader, end dem Heęre Iesu Christo.

* Gal.1.a.3 1.Pet.1.a.2

3

^* Gheprezen zy God end de Uader onzes Heęren Iesu Christi, die ons ghezeghent heeft mit allerley gheęstlicker zegheninghe in den hemelschen [goederen in] Christo.

* 2.Cor.1.a.3 1.Petr.1.a.3

4

^* Ghelijckerwijß hy ons wtuerkoren heeft in dem zeluen voor der wæreld grondlegghinghe: ^‡ op dat wy heyligh end onstrafbaer waren voor hem in liefde:

* Ioa.15.c.16 2.Tim.1.b.9

‡ Luc.1.g.70 Coloss.1.c.22 2.Tim.1.c.9 Tit.2.c.12

5

End heeft ons verordent tot zick tot kinderen an te nemen door Iesum Chri-

[p. 328v]

stum, na dem welgheuallen zijns willen,

6

Tot prijß der heęrlicheyt zyner ghenade, mit welcker hy ons beghenadight heeft ^* in dem Gheliefden.

* Matt.3.d.17

7

^+‡ In welckem wy hebben de verrandzoening door zijn bloed, de quijtlating der mißdaden, na dem rijckdomm zyner ghenade:

+ B

‡ Act.20.f.28 Colo.1.b.14 Hebr.9.d.12 1.Pet.1.d.19

8

Mit welcker hy oueruloedigh is gheweeßt an ons in allerley wijßheyt end klouckzinnigheyt,

9

Daermede dat hy ons heeft te kennen ghegheuen ^* de verborghenheyt zijns willen, na zynem welgheuallen, welck hy in zick voorghezett had, tot dat ^‡ de volheyt der tijden bestreckt ware:

* rom.16.d.24 Ephe.3.b.9 Colo.1.d.26 2.Tim.1.c.10 Tit.1.a.2 1.Pet.1.d.20

‡ Ge.49.b.10 Dan.9.f.24 Gal.4.a.4

10

Dat alle dinghen tot eęner hoofdsomme wederghebracht wurden in Christo, oock die in den hemelen zijn, end die op ærden zijn in dem zeluen:

11

^* In welckem wy oock tot eęnem ærfdeęl kommen zijn, die wy te voren verordent zijn na dem voorzette deß, die alle dingk dadighlick werckt na dem raad zijns willen:

* Rom.8.c.17

12

⁺Op dat wy die wy te voren op Christum ghehoopt hebben, waren tot prijß zyner heęrlicheyt:

+ C

13

In welckem oock ghy (doe ghy ghehoort hebbet het word der waerheyt, [naemlick] het Euangelium uwer zaligheyt, an welck ghy oock gelooft hebbet) ^* verzeghelt zijt door den heylighen Gheęst der toezegghing,

* Rom.8.c.16 2.Cor.1.d.22 end .5.a.5 Ephe.4.g.30

14

Welck is eęn onderpand onzer ærflickheyt, tot op de verlossing ^‡ des ver-

‡ Exod.19.a.5 Deut.7.a.6 end .14.a 2 end .26.d.18 1.Pet.2.b.9

[p. 329r]

woruen eyghendomms, tot prijß zyner heęrlicheyt.

15

^‡ Hierom oock ick, na dem ick ghehoort heb van dem ghelooue dat ghy hebbet in den Heęre Iesum, end van der liefde tot allen Heylighen:

‡ Phili.1.a.3 Colos.1.a.3 1.Thes.1.a.2 2.Thes.1.a.3

16

Holde niet op danck te zegghen vœr v, end ghedenck uwer in mynen ghebeden,

17

Dat de God onzes Heęren Iesu Christi, de Uader der heęrlicheyt v gheue den Gheęst der wijßheyt end der ontdecking, ⁺ in zyner kennisse,

+ Of. dat ghy hem kennet,

18

⁺End verlichtde ooghen in uwem ghemoede: op dat ghy wetet welcke dar zy de hope uwer berouping, end welcke dar zy de rijckdomm zyner heęrlicher ærflickheyt an den Heylighen,

+ D

19

End welcke dar zy de ouertrefflicke grootheyt zyner moghentheyt an ons, die wy gheloouen ^* na der dadigher werckinghe zyner krachtigher stærckheyt.

* Colo.2.c.12

20

Welcke hy krachtlick ghewracht heeft in Christo, doe hy hem van den dooden opgheweckt heeft, ^* end ghezett te zyner rechter hand in den hemelschen [plaetsen],

* Psal.110.a.1 Act.2.e.34 1.Cor.15.c.25 Colo.3.a.1 Hebr.1.d.13 end .10.c.12 1.Pet.3.d.22

21

Ouer alle Uorstendomm end Macht end Gheweld end Heęrschappy, end alle naem die dar ghenaemt werdt, niet alleęnlick in dezer eęwe, mer oock in der toekomstigher.

22

^* End heeft alle dingk onder zyne voeten onderworpen: end heeft hem ghegheuen der Ghemeynte tot eęnem Hoofde ouer alle dingk:

* Psal.8.b.7 Matt.28.d.18 1.Cor.15.d.27 Hebr.2.b.8

[p. 329v]

23

^* Welcke is zijn lijf, [end] de volkommenheyt deß, die alles in allen veruult.

* Rom.12.b.5 1.Cor.12.d.27 ephe.4.d.24 end 5.e.25