Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

⁺ BRoeders, zo oock eęn mensch van eęnighem mißualle vergrepen wurde, zo verheęlet zulcken mit zachtmoedighem gheęst ghy die dar gheęstlick zijt, end bemærck dy zeluen dat oock du niet verzocht werdest.

+ Rom.15.a.1 1.Cor.9.d.22 2.tim.2.d.25

2

^* Eęn draghe des anderen lasten, end veruullet alzo de Wet Christi.

* Ioan.13.b.14

3

Want zo iemand zick laett duncken, hy zy wat, dar hy doch niets is, die bedrieght zick zeluen im herte.

4

Eęn ieghelick auer beprouue zijn werck, end alsdan zal hy an zick zeluen alleęnlick romm hebben, end niet an eęnem anderen.

5

^+* Want eęn ieghelick zal zijn eyghen pack draghen.

+ B

* Psal.62.d.13 Iere.17.b.10 end .32.c.19 Mat.16.d.27 Rom.2.a.6 end .14.c.12 1.Cor.3.b.8 2.Cor.5.b.10 Apoc.2.f.23 end .22.c.12

[p. 327v]

6

^* Die auer onderricht werdt mit dem worde, die mededeęle dem die dar ⁺ onderricht, in allerley goeden.

* Rom.15.f.27 1.Cor.9.b.11

+ of, onderricht in. etc.

7

Latet v niet bedrieghen, God werdt niet bespott: ^‡ want zo wat de mensch ghezayt zal hebben, dat zal hy oock mayen.

‡ Luc.16.f.25

8

Want zo wie op zijn eyghen vleęsch zayt, die zal van dem vleęsche verdærfflickheyt mayen: wie auer op den Gheęst zayt, die zal van dem Gheęst het eęwigh leuen mayen.

9

^* Latet ons auer goed doen zonder zwijken: want t’zyner tijd zullen wy onuermoeyd mayen.

* 2.Thes.3.d.13

10

⁺De wijle wy dan nu tijd hebben, zo latet ons goed doen an eęnem ieghelicken, ^* allermeęst auer an des ghelooues huyßghenooten.

+ C

* 1.Tim.5.b.8

11

Ghy ziet wat grooten brief ick v gheschreuen heb mit myner hand.

12

Alle die dar willen na dem anghezichte welgheualligh zijn im vleęsche, deze dwinghen v te besnijden, alleęnlick op dat zy niet mit dem cruyce Christi veruolght werden.

13

Want oock zy zelue die zick besnijden laten, onderholden de Wet niet: mer willen dat ghy v besnijden latet, op dat zy zick van uwem vleęsche rommen moghen.

14

⁺Het zy auer verr van my dat ick my romme, dan in dem cruyce onzes Heęren Iesu Christi: door welcke my de wæreld ghecruycight is, end ick der wæreld.

+ D

15

^* Want in Christo Iesu gheldt noch Besnijding noch Uoorhuyd iet, mer eęn nieuw ⁺ schepsel.

* Mat.12.d.50 Ioan.15.b.14 2 Cor.5.c.16 Gal.5.a.6 Coloss.3.b.11

+ Of, creatuer

[p. 328r]

16

⁺ End zo vele na dezer reghele wandelen, ouer die zy vrede, end barmhertigheyt, end ouer den Israel Godes.

+ Psal.125.a.5

17

Uoordan doe my niemand meęr moylickheyt an: ^* want ick draghe de mærckteękens Iesu Christi in mynem lijue.

* 2.Cor.4.c.10

18

De ghenade onzes Heęren Iesu Christi zy mit uwem gheęst, broeders. Amen.

An den Galateren gheschreuen van Romen.