Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.v.

1

⁺ ZO bestaet nu in der vrijheyt waermede ons Christus beurijdt heeft, end latet v niet wederom in het ^* dienstknechtlicke iock verstricken.

+ Ioan.8.d.32 Rom.6.d.18 1.Pet.2.c.16

* Esa.9.a.4

2

^‡ Zie, ick Paulus zeg v, zo ghy v besnijden latet, zo zal v Christus niet nuttigh zijn.

‡ Act.15.a.1

3

Ick betuyghe auer andermael eęnem ieghelicken mensche die zick besnijden laett, dat hy de gansche Wet schuldigh is te doen.

4

Ghy zijt vernietight van Christo, die ghy door de Wet gherechtuærdight werden willet: ghy zijt van der ghenade gheuallen.

5

Want wy verwachten im Gheęst der hope der rechtuærdighmaking door het ghelooue.

6

^* Want in Christo Iesu gheldt noch Besnijding, noch Uoorhuyd iet, mer het ghelooue dat door de liefde dadigh is.

* Matt.12.d.50 Ioan.15.b.14 2.Cor.5.c.16 Gala.6.d.15 Col.3.b.11

7

Ghy liepet wel, ^‡ wie heeft v verhindert der waerheyt niet ghehoorzaem te zijn?

‡ Gal.3.a.1

8

⁺De ouerreding is niet van dem, die v roupt.

+ B

9

^* Eęn weynigh heuels verheuelt het gansche deęgh.

* 1.Cor.5.b.5

10

Ick voorzie my tot v in dem Heęre, dat ghy niet anders gheuoelen zullet: wie v auer beroert, die zal het gherichte dra-

[p. 326v]

ghen, hy zy wie hy will.

11

End ick, broeders, zo ick de Besnijding noch predike, waerom lijde ick noch veruolghing? zo is dan de ærgherniß des cruyces vernietight.

12

Och of zy oock afghesneden wurden die v verstooren.

13

Want ghy zijt ter vrijheyt gheropen, broeders: ^* alleęnlick [ziet toe] dat ghy de vrijheyt niet latet dem vleęsche eęn ⁺ oorzaeck werden: mer door de liefde diene eęn dem anderen.

* 1.Cor.8.c.9

+ of. toeuall

14

^* Want de gansche Wet werdt in eęnem worde veruult, naemlick in dezem: ^{+ ‡} Du zalt dynen naesten liefhebben als dy zeluen.

* Rom.13.c.8

+ C

‡ Leu.19.d.17 Matt.22.d.38 Marc.12.c.31 Rom.13.c.9 Iaco.2.b.8

15

^* Zo ghy auer malckanderen bijtet end vereetet, ziet toe dat ghy van malckanderen niet verteert werdet.

* 2.co.12.g.20

16

Ick zeg auer, ^* wandelet im Gheęst, end ghy zullet de lust des vleęsches niet volbringhen.

* Rom.13.d.14 1.Petr.2.b.11

17

^* Want het vleęsch ghelust teghen den Gheęst, end den Gheęst teghen het vleęsch: Deze streuen teghen malckanderen, ^* alzo dat ghy niet alles doet, wat ghy willet.

* Rom.7.d.23

* Rom.7.c.15

18

Werdet ghy auer door den Gheęst geleydt, zo zijt ghy niet onder der Wet.

19

^* Openbaer zijn auer de wercken des vleęsches: als dar zijn, echtbrekery, hoerery, onreynigheyt, onkuysche wellust.

* 1.Cor.3.a.3 Iaco.3.d.16

20

Afgodery, ⁺ verghifting, viandschap, kijuing, ijuer, verbolghentheyt, twisting, tweęspalting, secten,

+ of. toouery

21

⁺Nijdigheyt, doodslagh, droncken-

+ D

[p. 327r]

schap, brassery, end der ghelijcke dinghen: ^* van welcken ick v voorzegt heb, ghelijckerwijß ick oock noch voorzeg, dat die zulcks doen, Godes kœningkrijck niet beæruen zullen.

* 1.Cor.6.b.10 Ephe.5.b.5 Colos.3.a.6 Apoc.22.c.15

22

^‡ De vrucht auer des Gheęstes, is, liefde, vrœghde, vrede, langmoedigheyt, goedertierenheyt, goedigheyt, ghelooue,

‡ Ephe.5.b.9

23

Zachtmoedigheyt, matigheyt. ^* Teghen zulcke is gheęn Wet.

* 1.Tim.1.b.9

24

^* Die auer Christi zijn, die hebben het vleęsch ghecruycight zampt den beweghinghen end lusten.

* Rom.13.d.14 1.Petr.2.b.11

25

Zo wy im Gheęst leuen, zo latet ons oock im Gheęst wandelen.

26

Latet ons niet ijdeleęrzouckigh zijn, malckanderen te tærghen, malckanderen te benijden.