Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

DAerna ouer viertien iaren ^* toogh ick wederom hénop na Ierusalem mit Barnaba, end nam Titum oock mede.

* Act.15.a.2

2

(^* Ick toogh auer hénop wt eęner openbaringhe, end leyde hen het Euangelium voor, dat ick predike onder den Heydenen, byzonder auer den, die het anzien hadden: op dat ick gheęnßinns te vergheefs liepe of gheloopen ware.)

* Act.19.d.21

3

^* Auer oock Titus ward niet ghedwonghen zick te besnijden laten, die mit my was, hoewel hy eęn Griecker was:

* Act.16.a.3 1.Cor.9.d.21

4

^* Om zommigher neueningheuoerder valscher broederen willen, die neueninkommen waren te bespyen onze vrijheyt die wy hebben in Cstristo Iesu, dat zy ons ter knechtschap brochten.

* Act.15.e.24

5

Welcken wy oock ia niet vœr eęn vre weecken door onderwærping: op dat de waerheyt des Euangeliums by v bestandigh bleue.

6

⁺Uan den auer die het anzien hadden (welckerley zy voortijden gheweeßt zijn, dat ligt my niet an: ^* God neemt

+ B

* Deut.10.d.17 2.Para.19.c.7 Iob.34.b.19 Sap.6.b.8 Eccli.35.c.12 Act.10.e.34 Rom.2.b.11 Ephes.6.b.9 Colos.3.d.25 1.Pet.1.c.17

[p. 322r]

het wterlick anzien des menschen niet an) my auer hebben die, die het anzien hadden, niet toeghelegt.

7

Mer daerenteghen doe zy zaghen dat my vertrauwt was het Euangelium an de Uoorhuyd, ghelijckerwijß Petro [het Euangelium] an de Besnijding,

8

(Want die mit Petro krachtdadigh is gheweeßt tot dem Apostelschap onder de Besnijding, ^‡ die is oock mit my krachtdadigh gheweeßt onder de Heydens:)

‡ Act.9.c.15 end .13.a.2 end .22.e.21 Gal.1.c.16 Ephe.3.b.8

9

End doe Iacobus end Cephas end Ioannes, die vœr pilaers anghezien waren, bekenden de ghenade die my ghegheuen was, gauen zy my end Barnaba de handen der ghemeynschap: dat wy onder de Heydens, zy auer onder de Besnijding [predickten]:

10

Alleęnlick dat wy der armen indachtigh waren ^* daer ick oock in vlijtigh gheweeßt bin te doen.

* Act.11.d.30 end .24.e.17 Rom.15.f.25 1.Cor.16.a.1 2.Cor.8.a.1 end .9.a.1

11

⁺Doe auer Petrus tot Antiochien quam wederstond ick hem onder ooghen, om dat ⁺ dar klaght ouer hem kommen was.

+ C

+ Of. hy straflick was.

12

Want eęr zommighe van Iacobo quamen, at hy mit den Heydenen: Doe zy auer quamen, enttoogh hy zick end zonderde zick [van hen] af, daerom dat hy die, die van der Besnijdenisse waren, vreęßde.

13

End mit hem beueynßden zick oock de anderen Iœden, alzo dat oock Barnabas te ghelijck afgheuoert ward, ⁺ tot hœrer beueynßtheyt.

+ Of, door hœr

14

Auer doe ick zagh dat zy niet rechtvoetigh wandelden na der waerheyt des Euangelij, zeyde ick tot Petro voor

[p. 322v]

allen: ^* Zo du, die du eęn Iœde bist, Heydenschlick leefst, end niet Iœdischlick, waerom dwingst du de Heydens Iœdischlick te leuen?

* Act.10.d.28

15

⁺ Hoewel wy van natueren Iœden, end niet zondaers wt den Heydenen zijn,

+ Of. Wy van natueren Iœden, end niet wt den Heydenen, zijn zondaers,

16

^+* Doch dewijl wy weten dat eęn mensch door de wercken der Wet niet gherechtuærdight werdt, dan door het ghelooue in Iesum Christum, zo hebben oock wy in Iesum Christum ghelooft: op dat wy gherechtuærdight wurden door het ghelooue in Christum, end niet door de wercken der Wet:

+ D

* Rom.3.d.28 Act.13.f.38 Rom.8.a.3 Hebr.7.c.18

17

^* Daerom dat gheęn vleęsch wt den wercken der Wet gerechtuærdight zal werden.

* Rom.3.c.20 Gal.3.b.11

18

Zo wy auer die dar zoucken in Christo gherechtuærdight te werden, oock zelue zondaers beuonden werden: is dan Christus eęn dienaer der zonde? Het zy verr.

19

Want zo ick wederom opbauwe dat ick afghebroken heb, zo maeck ick my zeluen tot eęnem ouertreder.

20

^* Want ick bin door de Wet der Wet ghestoruen, ^‡ op dat ick Gode leefde: Ick bin mit Christo ghecruycight.

* Rom.7.a.4

‡ Rom.14.b.7 2.Cor.5 c.15 1.Thes.5.b.10 Hebr.9.d.14 1.Pet.4.a.2

21

Ick leue auer, doch nu niet ick, mer Christus leeft in my. End wat ick nu leue im vleęsche, dat leue ick in dem ghelooue des Zoons Godes ^* die my lief ghehadt heeft, end zick zeluen vœr my hén ghegheuen.

* Gal.1.a.4 Ephe.5.a.2 Tit.2.d.14

22

Ick verwærpe niet de genade Godes ^* Want zo door de Wet de gherechtigheyt [kommt], zo is Christus te vergheefs ghestoruen.

* Hebr.7.b.11