Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 320r]

De zendbrief Pauli tot den Galatheren.

[p. 320v]

Cap.j.

1

PAulus eęn Apostel (niet van menschen noch door mensch, ^* mer door Iesum Christum end God den Uader die hem opgheweckt heeft van den dooden,)

* Tit.1.a.3

2

End alle broeders die by my zijn, den Ghemeynten in Galatia:

3

^* Ghenade zy v, end vrede van Gode dem Uader, end onzem Heęre Iesu Christo,

* Rom.1.a.7 1.Cor.1.a..3 Ephes.1.a.2 1.Petr.1.a.2

4

^‡ Die zick zeluen vœr onze zonden ghegheuen heeft, op dat hy ons verloste van der teghenwordigher boozer eęwen na dem wille Godes end onzes Uaders,

‡ mat.20.d.28 Gal.2.d.21 Ephes.5.a.2 Tit.2.d.14 Heb.9.d.14

5

Welckem zy prijß van eęwigheyden tot eęwigheyden. Amen.

6

My verwondert dat ghy v zo haestlick latet afwenden van Christo die v gheropen heeft door ghenade, op eęn ander Euangelium.

7

⁺Welck anders niet is, dan dat dar zommighe zijn ^* die v beroeren, end willen het Euangelium Christi verdrayen.

+ B

* Act.15.a.1.

8

^* Auer zo oock wy, of eęn Enghel vam hemel v euangelizeerde, behaluen dat wy v gheeuangelizeert hebben, die zy eęn veruloucksel.

* 2.Cor.11.a.4

9

Ghelijck wy te voren ghezegt hebben, zo zeg ick oock nu andermael, Zo v iemand euangelizeert behaluen dat ghy entfanghen hebbet, die zy eęn veruloucksel.

10

Want ⁺ predike ick nu menschen of God? ^* of zouck ick den menschen te behaghen? ^‡ Want wenn ick den menschen

+ Gr. rade

* 1.thes.2.a.4

‡ Ioan.15.c.19 Iacob.4.a.4

[p. 321r]

noch behaegde, zo ware ick gheęn dienstknecht Christi.

11

^* Ick doe v auer kond, broeders, dat het Euangelium, dat door my gheeuangelizeert is, niet menschlick is.

* 1.Cor,15.a.1

12

^+* Want ick heb’t oock van gheęnem mensche entfanghen noch gheleęrnt, mer door de ontdecking Iesu Christi.

+ C

* Ephe.3.a.3

13

^* Want ghy hebbet ghehoort mynen wandel voortijden im Iœdendomm: dat ick bouen maten veruolghde de Ghemeynte Godes, end verwoestde ze.

* Act.8.a.3 end .9.a.1 end .22.a.4 end .26.b.9 Philip.3.a.6 1.Tim.1.c.13

14

End namm toe im Iœdendomm bouen vele myner tijdghenooten in mynem gheslæchte, end ijuerde bouen mate omm myne vaderlicke inzettinghen.

15

^* Doe het auer Gode wel gheuiel die my van myner moeder lijue heeft wtghezondert, end gheropen door zijn ghenade, dat hy zynen Zoon ⁺ door my ontdeckte:

* Act.9.c.15 end .13.a.2

+ of. in

16

^* Op dat ick hem euangelizeerde onder den Heydenen, ter stond beried ick my ^‡ niet mit vleęsche end bloede:

* Act.9.c.15 end .13.a.2 end .22.e.21 Gala.2.b.8 Ephe.3.b.8

‡ Mat.16.c.17

17

⁺Keęrde oock niet weder na Hierusalem tot den, die voor my Apostels waren: mer ghingk hén in Arabien, end keęrde wederom na Damascon.

+ D

18

Daerna ouer dry iaren quam ick na Hierusalem mit Petro te onderreden: end bleef by hem vijftien daghen.

19

Der anderen Apostelen auer zagh ick gheęnen, dan Iacobum des Heęren broeder.

20

Wat ick v auer schrijue, zie, ^* voor Gode, ick lieghe niet.

* Rom.1.a.9 end .9.a.1 2.Cor.1.d.23 end .11.g.29 1.Thes.2.a.5 1.Tim.5.d.21 2.Tim.4.a.1

[p. 321v]

21

Daerna quam ick in den landen Syria end Cilicia.

22

Ick Was auer onbekennt na dem anghezichte den Ghemeynten in Iudéa, die in Christo waren:

23

Zy hadden auer alleęnlick ghehoort: Die ons voortijden veruolghde, die euangelizeert nu het ghelooue, welck hy voortijden verwoestde.

24

End prezen God in my.