Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xij.

1

HEt rommen is my ghewißlick niet nuttigh: want ick zal kommen tot den ghezichten end ontdeckinghen des Heęren.

2

^* Ick kenn alzulck eęnen mensch in Christo ouer viertien iaren (of het in dem lijue was, weet ick niet, of het buyten dem lijue was, weet ick niet: God weet het,) die hénop ghegrepen ward tot in den derden hemel.

* Act.9.a.3 1.Cor.15.a.8

3

End ick weet dat alzulck eęn mensch, (of het in dem lijue of buyten dem lijue was, weet ick niet: God weet het,) hénop ghegrepen ward in het Paradijß:

4

⁺End hoorde onwtsprekelicke worden, welcke gheęnem mensche toeghelaten zijn te spreken.

+ B

5

Uan alzulck eęnem zal ick my rommen, van my zeluen auer zal ick niet rommen, dan alleęn myner zwackheyden.

[p. 318v]

6

End of ick oock rommen wolde, zo zal ick niet onwijß zijn: want ick zal de waerheyt zegghen: ick entholde my auer deß, op dat niemand bouen dem van my holde, dat hy an my ziet, of dat hy van my hoort.

7

End op dat ick my door de ouertrefflickheyt der ontdeckinghen niet verhieue, ⁺ zo is my in dem vleęsche eęn prickel ghegheuen, ⁺ eęn enghel Satan, ^* dat hy my mit vuysten sla: op dat ick my niet verhieue.

+ C

+ dat is, eęn wederstreuigh enghel

* Iob.2.b.6

8

Hiervœr heb ick den Heęre drymael ghebeden, dat hy van my afweke.

9

End hy heeft my ghezegt: Mijn ghenade is dy ghenoughßaem: want mijn kracht werdt in zwackheyt volbracht. Daerom zal ick my alleßinns zeęr gærne rommen myner zwackheyden, op dat de kracht Christi in my wone.

10

Daerom heb ick eęn welgheuallen in zwackheyden, in smadigheyden, in noodwendigheyden, in veruolghinghen, in benauwinghen om Christus willen. ⁺ Want wanneęr ick zwack bin, dan bin ick stærck.

+ D

11

Ick bin onwijß gheworden mit rommen: ghy hebbet my daertoe ghedwonghen: want ick moest van v gheprezen werden: ^* nademmael ick nærghent in minder bin gheweeßt, dan de ouertrefflicke Apostels zijn, hoewel ick niets bin.

* 1 Cor.15.b.10

12

^* Ghewißlick eęnes Apostels teękens zijn onder v ghewracht mit aller lijdßaemheyt, mit teękenen end zeldßamen wonderheyden end krachtighen daden.

* 1.Cor.9.a.2

13

⁺Want wat is’er daer ghy minder inn

+ E

[p. 319r]

zijt gheweeßt, dan de andere Ghemeynten: ^* behaluen dat ick zelue v niet bezwaert heb? vergheuet my deze veronghelijcking.

* 1.Cor.9.b.12 2.Cor.11.b.9

14

Zie, ick bin bereyd ten derdemael tot v te kommen, end zal v niet bezwaren: ^* Want ick zoucke niet het uwe, mer v. Want het moeten niet de kinders den olderen schatten oplegghen, mer de olders den kinderen.

* Act.20.g.33

15

Ick zal [my] auer gansch gærne hén gheuen, end hén ghegheuen werden vœr uwe zielen: hoewel ick v oueruloedighlick lief heb, end doch weynigh ghelieft werde.

16

⁺Auer het zy [alzo], ick heb v niet bezwaert, mer dewijl ick behendigh was, heb ick v mit bedrogh gheuanghen.

+ F

17

Heb ick doch v iet afghedronghen door der iemand die ick tot v wtghezonden heb?

18

Ick heb Titum vermaent, end heb mit hem wtghezonden eęnem broeder: heeft v doch Titus iet afghedronghen? hebben wy niet in eęnem Gheęst ghewandelt? [hebben wy] niet in eęnerley voetstappen [ghewandelt]?

19

Meynet ghy wederom, wy verandworden ons an v? wy spreken in Christo voor Gode, auer dit alles gheliefden, [gheschiedt] v ter stichtinghe.

20

⁺Want ick vreęze wanneęr ick komme, dat ick v niet vinde zulckerley als ick wil, end dat ick van v vonden werde zulckerley als ghy niet willet: ^* dat dar niet eęnighßinns zijn twistinghen, ijue-

+ G

* Gal.5.c.15

[p. 319v]

ringhen, verbolghentheyden, kijuinghen, achterreden, oorblazinghen, opgheblazentheyden, oproeringhen:

21

Dat ick niet wederom komme, end my mijn God vernedere by v, end dat ick der vele zal beweęnen, die te voren ghezondight, end gheęn ghemoedbetering ghedaen hebben vœr de onreynigheyt, end hoerery, end ⁺ dærtelheyt die zy bedreuen hebben.

+ of. gheylheyt