Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.x.

1

ICk auer Paulus zelue vermane v door de zachtmoedigheyt end goedertierenheyt Christi, die ick na dem anzien onder v wel nederigh bin, im afwezen auer bin ick koen teghen v.

2

Ick bid auer dat my niet noodigh zy teghenwordigh koen te zijn mit dem vertrauwen, door welck ick gheacht werde stolt gheweeßt te zijn ouer zommighe die ons achten, als wandelden wy na dem vleęsche.

3

Want hoewel wy im vleęsche wandelen, zo strijden wy doch niet na vleęschelicker wijze.

4

^* Want de wapens onzes krijghs zijn

* Ephe.6.c.13

[p. 315v]

niet vleęschlick mer krachtigh voor Gode, te verstooren de vastigheyden, waermede wy verstooren de anslaghen,

5

⁺End alle hoogheyt die zick verheft teghen de kenniß Godes, end nemen gheuanghen alle vernuft onder de ghehoorzaemheyt Christi.

+ B

6

End zijn toebereydt te wreken allerley onghehoorzaemheyt, wanneęr uwe ghehoorzaemheyt veruult zal zijn.

7

Ziet ghy an wat na dem anschijn is? Uerlaett zick iemand dat hy Christi zy, die bedencke zulcks wederomm by zick zeluen, dat ghelijckerwijß hy Christi is, alzo zijn wy oock Christi.

8

Want of ick oock my wat oueruloedigher rommde van onzer macht, ^* die ons de Heęr ghegheuen heeft te stichten end niet v te verdæruen, zo zal ick niet te schanden kommen:

* 2.Cor.13.d.10

9

⁺Op dat ick niet schijne v als door brieuen te verschricken:

+ C

10

(Want de brieuen, zegt hy, zijn wel zwaer end stærck, de teghenwordigheyt auer des lijfs, zwack, end de rede verachtlick.)

11

Wie zulcke is, die bedencke dit, dat welckerley wy zijn mit worden door brieuen im afwezen, zulckerley zijn wy oock mit der daad teghenwordigh.

12

^* Want wy doruen ons zeluen niet mederekenen, noch verghelijcken mit zommighen die zick zeluen prijzen: auer deze, dewijl zy zick onder zick zeluen

* 2.Cor.3.a.1 end .5.c.12

[p. 316r]

meten, end zick zeluen onder zick zeluen verghelijcken, zijn zonder verstand.

13

Wy auer zullen ons niet onmatelick rommen, ^* mer na der mate der reghel, ⁺ mit welcker ons God wtghedeęlt heeft de mate oock tot v te bereycken.

* Ephe.4.b.7

+ D

14

Want wy strecken ons niet onmatelick wt, als hadden wy niet ghereyckt tot an v: want wy zijn oock tot an v toeghekommen mit dem Euangelio Christi:

15

End rommen ons niet onmatelick in vrémdem arbeyd: auer wy hebben hope, wanneęr uwe ghelooue zynen waßdomm hebben zal, dat wy na onzer reghel in v grootghemaeckt zullen werden ter oueruloedigheyt:

16

End euangelizeren in den landen die voorder ouer v ligghen, end ons niet rommen in dem, dat mit vrémder reghele bereydt is.

17

^* Wie zick auer rommt, die romme zick des Heęren.

* Iere.9.g.23 1.Cor.1.d.30 Esa.65.c.16

18

^‡ Want die is niet beprouft, die zick zeluen prijßt, mer den de Heęr prijßt.

‡ Pro.27.a.2