Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vij.

1

DEwijl wy nu zulcke toezegghing hebben, gheliefden, zo latet ons van aller besmettinghe des vleęsches end des gheęstes ons zeluen reynighen, end vollendighen de heylighmaking in der vreęzen Godes.

[p. 312r]

2

Uatet ons: wy hebben niemand veronghelijckt, wy hebben niemand verdoruen, wy hebben niemanden iet afghedronghen.

3

Zulcks zeg ick niet v te verdommen: Want ick heb te voren ghezegt, dat ghy in onzem herten zijt, mede te stæruen end mede te leuen.

4

Ick heb groote vrijmoedigheyt tot v, ick romme veel van v: ick bin veruult mit trooste, ^* ick oueruloeye zeęr in vrœghde in aller onzer verdruckinghe.

* Matt.5.b.12 Act.5.g.42 Philip.2.c.17 Coloss.1.d.24

5

Want doe wy in Macedoniam quamen, had onze vleęsch gheęn rust, ^‡ mer allenthaluen wurden wy verdruckt: ⁺ wtwendighlick strijd, inwendighlick vreęß.

‡ Act.16.d.19.e.23

+ B

6

^* Auer God die de nederighen troost, die troostde ons door de toekomst Titi.

* 2.Cor.1.a.4

7

Niet alleęnlick auer door zijn toekomst, mer oock door den troost, waermede hy ghetroost was an v: als hy ons vertelde uwe verlanghen, uwe gheweęn, uwen ijuer vœr my, alzo dat ick my noch meęr verurœghde.

8

Want hoewel ick v door den brief verdrouft heb, dat rauwt my niet, hoewel het my rauwde: want ick zie, dat die brief, hoewel vœr eęn kleyn wijle, v bedrouft heeft.

9

Nu verblijde ick my, niet daervan dat ghy bedrouft gheworden, mer dat ghy zijt bedrouft gheworden ter ghemoedbeteringhe: ⁺ want ghy zijt Godlick bedrouft gheworden, alzo dat ghy van ons nærghent in beschadight zijt.

+ C

[p. 312v]

10

^* Want de Godlicke droufniß werckt eęnen onberauwlicken ⁺ rauw ter zaligheyt: ^‡ auer de droufniß der wæreld werckt den dood.

* 1.Petr.1.c.19

+ ghemoedbetering

‡ Eccl.30.d.24

11

Want zie, dit zelue dat ghy Godlick zijt bedrouft gheworden, wat nærstigheyt heeft het an v ghewracht, ia verandwording, ia veronwærding, ia vreęß, ia verlanghen, ia ijuer, ia wrake? ghy hebbet v zeluen bewezen in allen stucken dat ghy reyn zijt an der daad.

12

Daerom hoewel ick v gheschreuen heb, zo is het doch niet gheweeßt om deß willen die de veronghelijcking ghedaen heeft, noch om deß willen die veronghelijckt is, mer om deß willen dat ⁺ uwe benærsting die ghy vœr ons hebbet, by v openbaer wurde voor Gode.

+ anders. onze benærsting die wy vœr v hebben. etc.

13

Deßhaluen zijn wy ghetroost gheworden, dat ghy ghetroost zijt: noch oueruloedelicker auer hebben wy ons verurœght ouer de vrœghde Titi, om dat zyne gheęst verquickt is van v allen.

14

End zo ick eęnighes dings voor hem van v gherommt heb, bin ick niet te schanden gheworden: mer ghelijck wy alles tot v in waerheyt hebben ghesproken, alzo is oock onze romm die wy by Tito ghehadt hebben, waar gheworden.

15

End zyne innerlickheyden zijn oueruloedelick tot v gheneyght, wanneęr hy ouerdenckt uwer allen ghehoorzaemheyt, hoe ghy hem mit vreęze end beuinghe hebbet opghenomen.

16

Ick verurœghe my dat ick my in allen stucken op v verlaten magh.