Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

ENd oock wy die wy ^* medehelpers zijn, vermanen v, ^‡ dat ghy de ghenade Godes niet te vergheefs ent-

* 1.Cor.3.b.9

‡ Hebr.12.d.15

[p. 311r]

fanghen hebbet.

2

(Want hy zegt, ^* In anghenamer tijd heb ick dy verhoort, end im daghe der zaligheyt bin ick dy te hulpe kommen.) Zie, nu is het eęn anghename tijd, zie, nu is het eęn dagh der zaligheyt.

* Esa.49.c.8

3

^* Wy gheuen nærghent in eęnighen anstoot, op dat de bediening niet strafbaer werde:

* 2.Mac.6.d.18 Rom.14.c.13 1.Cor.10.g.32

4

Mer bewijzen ons zeluen in allem prijßlick ^* als dienaers Godes, ^‡ in grooter lijdßaemheyt, in verdruckinghen, in noodwendigheyden, in beangstinghen.

* 1.Cor.4.a.1

‡ 2.Cor.11.f.23

5

⁺In slaghen, in gheuangnissen, in ⁺ oproeren, in arbeyden, in waken, in vasten,

+ B

+ Of verloopinghen,

6

In reynigheyt, in kennenschap, in langmoedigheyt, in goedertierenheyt, in dem heylighen Gheęst, in ongheueynßder liefde:

7

Im worde der waerheyt, in kracht Godes, door wapens der gherechtigheyt ter rechter end ter lincker hand.

8

Door heęrlicheyt end oneęrlickheyt, door quaad gherucht end goed gerucht: als verleyders, end [nochtans] waerachtigh:

9

Als onbekennde, end [nochtans] bekennd: ^* als stæruenden, end zie, wy leuen: als ghetuchtighden end niet ghedoodt.

* Esa.26.d.19

10

⁺Als trœrighen, nochtans altijd vroylick: als armen, die nochtans vele rijck maken: als die niets hebben, end [nochtans] alles bezitten.

+ C

11

O ghy Corinthers, onze mond heeft zick tot v opghedaen, onze hert heeft zick wtghespreydt.

[p. 311v]

12

Ghy zijt niet nauw in ons, mer ghy zijt nauw in uwen innerlickheyden.

13

Om ghelijcke verghelding auer, (ick zeg’t v als mynen kinderen,) werdet oock ghy wtghebreydt.

14

^* Werdet niet iockghezelligh mit ongheloouighen. ^‡ Want wat mededeęl heeft gherechtigheyt mit ⁺ Wetbrekerye? of wat ghemeynschap heeft licht mit duysternisse?

* Deut.7.a.2 1.Cor.5.c.8

‡ Eccli.13.c.19

+ of, Wetloozigheyt

15

⁺Wat ouereęnkomming heeft Christus mit Belial? of wat deęl heeft eęn gheloouighe mit eęnem ongheloouighen?

+ D

16

Wat t’zamenuoughing heeft Godes tempel mit afgoden? ^* Want ghy zijt eęn tempel des leuendighen Godes, ghelijckerwijß God ghezegt heeft, ^‡ Ick zal in hen wonen, end ze bewandelen: end ick zal hœr God zijn, end zy zullen mijn volck zijn.

* 1.Cor.3.c.16 end .6.d.19 Hebr.3.b.6 1.Petr.2.a.5

‡ Ex.29.g.45 Leui.26.b.11 Eze.37.g.26

17

Daerom ^* gaet wt midden van hen, end zonderet v af, zegt de Heęr: end roeret niet dat onreyn is, end ick zal v annemen.

* Esa.52.c.11 Apoc.18.b.4

18

^* End ick zal v tot eęnem Uader zijn, end ghy zullet my tot zoonen end dochteren zijn, zegt de almachtighe Heęr.

* Iere.31.a.1