Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iij

1

⁺ BEghinnen wy ons zeluen wederom te prijzen? behouuen wy, ghelijck zommighe, lofbrieuen tot v, of lofbrieuen van v?

+ 2.Cor.5.c.12 end .10.b.8

2

Ghy zijt onze brief, in onze herten gheschreuen, die bekennt end ghelezen werdt van allen menschen,

3

Dewijl ghy openbaer werdet dat ghy eęn brief Christi zijt van ons bedient, niet mit inckt ingheschreuen, mer mit dem Gheęst des leuendighen Godes, niet in ^* steęnene tafelen, ^‡ mer in vleęschlicke tafelen des herten.

* Exo.24.c.12 end .34.a.1

‡ Iere.31.f.33 Ezec.11.d.19 end .36.f.26 Hebr.8.c.10

4

Eęn zulck vertrauwen auer hebben wy door Christum tot Gode:

5

⁺Niet dat wy bequaem zijn van ons zeluen iet te dencken, als van ons zeluen, ^* mer onze ghenoughßaemheyt is wt Gode:

+ B

* Phili.2.b.13

6

Die ons oock ghemaeckt heeft bequame ^‡ dienaers te zijn des ^* nieuwen

‡ 2.cor.5.d.20

* Hebr.8.b.6

[p. 308r]

⁺ Testaments, niet der Letter, mer des Gheęstes. Want de Letter doodt, auer de Gheęst maeckt leuendigh.

+ Of, Uerbonds

7

Zo auer de bediening des doods, door de letters ^* in steęnen ingedruckt, in klaerheyt gheweeßt is, ^‡ alzo dat de kinders Israels niet konden anschauwen het anschijn Mosi, om der klaerheyt willen zynes anschijns welcke vernietight werdt:

* Exod.24.c.12 end .34.a.1 Deut.10.a.1

‡ Exo.34.d.30

8

Hoe zal niet meęr de bediening des Gheęstes in klaerheyt zijn?

9

⁺Want zo de bediening der verdommeniß, klaerheyt is: zo is de bediening der gerechtigheyt veel oueruloedigher in klaerheyt.

+ C

10

Want oock dat verklaert is, is niet verklaert in dezem deęle, om der ouertrefflicker klaerheyt willen.

11

Want zo dat in klaerheyt is, dat dar vernietight werdt, veel meęr zal dat in klaerheyt zijn, dat dar blijft.

12

Dewijl wy nu zulcke hope hebben, zo bruycken wy groote vrijmoedigheyt.

13

End niet ghelijckerwijß ^* Moses, [die] eęn decksel op zijn anghezicht leyde, op dat de kinders Israels niet anschauwden op ^* het ende deß, dat dar vernietight werdt.

* Exo.34.d.35

* Rom.10.a.4

14

^* Auer hœre verstanden zijn verblendt. ⁺ Want tot op den huydighen dagh blijft het zelue decksel onentdeckt ouer dem olden Testamente wanneęr zy het lezen: (welck in Christo vernietight werdt.)

* Esa.6.c.10 Ezech.12.a.2 Sap.2.d.21 Matt.13.b.11 Act.28.f.26 Rom.11.a.8

+ D

15

Auer tot op den huydighen dagh, wanneęr Moses ghelezen werdt, ligt het decksel op hœre herten.

[p. 308v]

16

^* Wanneęr zick auer [iemand] bekeęret tot dem Heęre, zo zal het decksel afghenomen werden.

* Matt.13.b.11 Rom.11.c.23 1.Cor.2.c.10

17

^‡ Want de Heęr is de Gheęst: waer auer de Gheęst des Heęren is, daer is vrijheyt.

‡ Ioa.4.d.24

18

^* Wy auer alle ⁺ stellen voor als in eęnem spieghel des Heęren klaerheyt mit onghedecktem anghezichte, end werden verandert in het zelue beeld, van klaerheyt tot klaerheyt als van ⁺ dem Heęre die dar eęn Gheęst is.

* 1.Cor.13.d.12 2.Cor.5.b.7

+ Of, zien spieghelwijß

+ Of. dem Gheęste des Heęren.