Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 305r]

De ander zendbrief Pauli tot den Corintheren.

Cap.1.

[p. 305v]

1

PAulus eęn Apostel Iesu Christi door den wille Godes, end de broeder Timotheus: der Ghemeynte Godes die te Corinthen is, zampt allen Heylighen die in ganschem Achaia zijn:

2

^* Ghenade zy v end vrede van Gode onzem Uader end dem Heęre Iesu Christo.

* Rom.1.a.7 1.Cor.1.a.3 Ephe.1.a.2 1.Pet.1.a.2

3

^‡ Ghelooft zy God end de Uader onzes Heęren Iesu Christi, die dar is eęn Uader der barmhertigheyden end eęn God alles troosts.

‡ Ephe.1.a.3 1.Pet.1.a.3

4

^* Die ons troost in aller onzer verdruckinghe, op dat wy troosten moghen die in eęnigherley verdruckinghe zijn, door den troost waermede wy zelue van Gode ghetroost werden.

* 2.Cor.6.b.6

5

^* Want ghelijckerwijß het lijden Christi ouer ons oueruloedigh is: alzo is oock oueruloedigh onze troost door Christum.

* Psal.94.d.19

6

Want het zy dat wy verdruckt werden, dat [gheschiedt] v tot troost end ter zaligheyt die dar krachtlick werckt in lijdßaemheit des zeluen lijdens, ⁺ welck oock wy lijden: het zy dat wy getroost werden, [dat geschiedt] v tot troost end zaligheyt.

+ B

7

End onze hope is vast vœr v, dewijl wy weten dat ghelijckerwijß ghy des lijdens deęlachtigh zijt, alzo [zullet] oock des troosts [deęlachtigh] zijn.

8

^* Want wy willen niet, broeders, dat v onbekennt zy van onzer verdruckinghe die ons in Asia wederuaren is: dat wy bouen maten zeęr bezwaert waren, [end] bouen macht, alzo dat wy oock des leuens mißhoopten.

* Act.19.d.23

[p. 306r]

9

Ia hadden oock zelue in ons zeluen de andword des doods entfanghen: ^* op dat wy niet op ons zeluen vertrauwden, mer op God die de dooden opweckt:

* Iere.17.a.5

10

Die ons van zulckerley dood verlost heeft, end [noch] verlost, op welcken wy hopen dat hy ons oock voordan verlossen zal:

11

^* Oock door uwe medehulpe in dem ghebede vœr ons: ^‡ op dat ouer ons vœr de gaue van velen persoonen an ons bewezen door vele danck gheschiehe. ⁺

* Rom.15.g.30 Phil.1.c.19

‡ 2.Cor.5.d.15

+ C

12

Want onze romm is deze, [naemlick] het ghetuyghniß onzer consciency, dat wy in eęnuoldigheyt end Godlicke louterheyt, niet in vleęschlicker wijßheyt, mer in der ghenade Godes onzen wandel ghehadt hebben in der wæreld, allermeęst auer by v.

13

Want wy schrijuen v niets anders, dan dat ghy lezet, of oock bekennet: ick hope auer, ghy zullet [ons] oock tot op het ende bekennen:

14

Ghelijckerwijß ghy ons oock eęnsdeęls bekennt hebbet. Want wy zijn uwe romm ^* ghelijckerwijß oock ghy de onze, op den dagh des Heęren Iesu.

* Phili.2.c.16 1.Thes.2.d.19

15

^‡ End op zulck vertrauwen dachte ick eęrst tot v te kommen, op dat ghy andermael eęn weldaad entfinghet,

‡ 1.Cor.16.a.5

16

End ick door v na Macedoniam reyßde, end wederom van Macedonia tot v quame, end van v beleydt wurde in Iudeam.

17

Heb ick auer eęnigher lichtuærdigheyt ghebruyckt doe ick zulcks bedacht? Of dat ick bedencke, bedencke ick

[p. 306v]

het vleęschlicker wijze, op dat by my zy het Ia ia, ⁺ end het Neęn neęn?

+ D

18

God auer is trauw, ^* dat onze word tot v niet gheweeßt zy Ia end Neęn.

* Matt.5.f.37 Iaco.5.c.12

19

Want de Zoon Godes Iesus Christus, die onder v door ons ghepredickt is, door my end Syluanum end Timotheum, was niet Ia end Neęn: mer Ia was in hem.

20

Want alle Godes toezegghinghen zijn het Ia in hem, end het Amen in hem, Gode ten prijze door ons.

21

God is het auer die ons beuestight zampt v in Christum, end die ons ghezalft heeft,

22

^* Die oock ons verzeghelt, end in onze herten het onderpand des Gheęstes ghegheuen heeft.

* Rom.8.c.16 2.Cor.5.a.5 Ephe.1.c.13 end .4.g.30

23

^‡ Ick roupe auer God an tot eęnem tuyghe op mijn ziel, dat ick uwer te verschoonen, tot Corinthen noch niet kommen bin:

‡ Rom.1.b.9 end .9.a.1 2.Cor.11.g.31 Gal.1.d.20 Phili.1.b.8 1.Thes.2.a.5 1.Tim.5.d.21 2.Tim.4.a.1

24

^* Niet dat wy ouer v heęrschen des gheloouen haluen, mer wy zijn medehulpers uwer vrœghden: want ghy bestaet im ghelooue.

* 1.Pet.5.a.3