Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xvj

1

⁺ VAn der aelmoesenzamelinghe auer die den Heylighen gheschiedt, ghelijckerwijß ick den Ghemeynten in Galatia verordent heb, alzo doet oock ghy.

+ Rom.12.c.13

2

^* Op der Sabbaten eęnen legghe by zick eęn ieghelick onder v, end legghe op zo wat hy vermagh, op dat niet, wanneęr ick komme, dan de aelmoesenzamelinghen gheschiehen.

* Act.11.d.29 2.Cor.8.a.4 end .9.a.1

3

Wanneęr ick auer kommen zal zijn, welcke ghy door zendbrieuen bewillighen zullet, die zal ick zenden, dat zy hén bringhen uwe goeddadigheyt na Hierusalem.

4

Zo het auer deß wærd is, dat oock ick medereyze, zo zullen zy mit my reyzen.

5

^* Ick zal auer tot v kommen, wanneęr ick door Macedoniam reyze: (Want door Macedonien zal ick trecken.)

* 2.Cor.1.c.15

[p. 304v]

6

⁺By v auer zal ick misschien blijuen, of oock ouerwinteren: op dat ghy my beleydet, zo waer ick hén reyze.

+ B

7

Want ick will v nu niet zien in der oueruard: mer ick hope eęn tijd lang by v te blijuen, zo het de Heęr toelaett.

8

Ick zal auer te Epheso blijuen tot op den ⁺ Pingsten.

+ Gr. vijftighsten.

9

Want my is eęn groote end krachtighe dœr gheopent, end dar zijn vele wederstreuers.

10

Zo auer Timotheus kommet, zo ziet toe dat hy zonder vreęze by v zy: want hy werckt het werck des Heęren als oock ick.

11

Niemand dan verachte hem, beleydet hem auer in vrede, op dat hy tot my komme: want ick verwachte zyner mit den broederen.

12

⁺Uan ^* Apollos auer dem broeder, [wetet] dat ick hem zeęr veel vermaent hebbe dat hy tot v quame mit den broederen: end het was ganschlick zyne will niet, dat hy nu quame: hy zal auer kommen, wanneęr het hem gheleghen zal zijn.

+ C

* Act.18.f.24 1.Cor.1.b.11

13

Waket, bestaet in dem ghelooue, handelet mannlick, end zijt stærck.

14

Alle uwe dinghen latet in liefde gheschiehen.

15

Ick vermane v auer, broeders, ghy kennet het huyß ^* Stephana, dat het zy de eęrstlingk in Achaia, end dat zy zick zeluen verordent hebben ten dienste der Heylighen:

* 1.Cor.1.b.14

16

Op dat oock ghy alzulcken onderdanigh zijt, end allen den, die dar mede-

[p. 305r]

wercken end arbeyden.

17

⁺Ick verhœghe my auer ouer der toekommst Stephana end Fortunati end Achaicj: want dat my uwent haluen ghebrack, hebben zy veruult.

+ D

18

Want zy hebben verquickt mynen end uwen gheęst: bekennet dan die zulckerley zijn.

19

U groeten de Ghemeynten in Asia. U groeten zeęr in dem Heęre Aquilas end Priscilla zampt der Ghemeynte die in hœrem huyze is.

20

U groeten alle de broeders. ^* Groetet malckanderen mit eęnem heilighen kuß.

* Rom.16.c.15 2.Cor.13.d.12 1.Thes.5.d 26 1.Pet.5.d.14

21

De groeteniß mit myner hand, Pauli.

22

Zo iemand den Heęre Iesum Christum niet lief heeft, die zy eęn veruloucksel, Maran atha.

23

De ghenade des Heęren Iesu Christi zy mit v.

24

Mijn liefde zy mit v allen in Christo Iesu. Amen.

De eęrste an den Corintheren gheschreuen van Philippis [ghezonden] door Stephanam end Fortunatum end Achaicum end Timotheum.