Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

DArf iemand onder v, zo hy eęnen handel heeft mit eęnem anderen, ⁺ te rechte gaen voor den ongherechtighen, end niet voor den Heylighen?

+ of. zick laten richten

2

^* Wetet ghy niet dat de Heylighen de wæreld richten zullen? end zo nu de wæreld van v ghericht werdt, zijt ghy onwærdigh der minsten rechthandelinghen?

* Sap.3.a.8 Matt.19.d.28 Apoc.3.d.21

3

Wetet ghy niet dat wy ouer enghels richten zullen? hoeveel meęr ouer dat, dat dem leefkost angaet?

4

Wanneęr ghy dan rechthandelinghen hebbet van dem, dat dem leefkost angaet, zo stellet daertoe zulcke, die de minst-

[p. 288r]

gheachtde zijn in der Ghemeynte.

5

U ter schande zeg ick [dit]. Is dar zo ganschlick ia niet eęn wijß onder v, die dar richten kann tusschen zynen broederen?

6

Mer eęn broeder gaet te rechte mit [zynem] broeder, ⁺ daertoe voor den ongheloouighen?

+ B

7

Zo is dan nu ia ganschlick eęn fæle onder v, dat ghy mit malckanderen ghedinghen hebbet. ^* Waerom latet ghy v niet lieuer veronghelijcken? waerom latet ghy v niet lieuer verkorten.

* Pro.20.c.22 Matt.5.f.39 Rom.12.d.17 1.Thes.5.c.15 1.Pet.3.b.9

8

Mer ghy veronghelijcket end verkortet, end zulcks an den broederen?

9

Of wetet ghy niet dat de ongherechtighen het kœningkrijk Godes niet zullen beæruen?

10

^* Latet v niet veruoeren: noch hoererers, noch afgodendienaers, noch echtbrekers, noch weęcklinghen, noch mannbugghers, noch dieuen, noch ghierighen, noch dronckaerds, noch lachteraers, noch roouers, zullen het kœningkrijck Godes beæruen.

* Gal.5.d.21 Ephe.5.b.5

11

^* End zulcke zijn uwer zommighe gheweeßt, auer ghy zijt afghewasschen, ghy zijt gheheylight, ghy zijt gherechtuærdight door den naem des Heęren Iesu, ⁺ end door den Gheęst onzes Godes.

* Ephe.2.a.2 Colos.3.a.7 Tit,3.a.3

+ C

12

^* My is alles verorloft, auer het is niet alles nutt: my is alles verorloft, auer ick zal my van niemanden ouerweldighen laten.

* 1.Cor.10.e.23 Eccli.37.d.29

13

De spijß dem buycke, end de buyck der spijze: auer God zal dezen end die

[p. 288v]

te niet maken. Het lijf auer niet der hoerery, mer dem Heęre, end de Heęr dem lijue.

14

^* God auer heeft oock den Heęr opgheweckt, oock zal hy ons opwecken door zijn moghentheyt.

* Rom.6.a.5 end .8.b.11 2.Cor.4.c.14

15

Wetet ghy niet dat uwe lijuen Christi lidmaten zijn? zal ick nu de lidmaten Christi nemen, end hoeren lidmaten daervan maken? Het zy verr.

16

⁺Of wetet ghy niet dat wie eęner hoeren anklijft, die is eęn lijf [mit hœr]? ^* Want zy zullen, zegt hy, tweę tot eęnem vleęsche zijn.

+ D

* Gen.2.d.24 Matt.19.a 5 Marc.10.a.8 Eph.5.g.31

17

Wie auer dem Heęre anklijft, die is eęn gheest [mit hem].

18

Uliehet de hoerery. Zo wat zonde eęn mensch doet, die is buyten dem lijue: wie auer hoerery bedrijft, die zondight an zynem eyghenen lijue.

19

^* Of wetet ghy niet dat uwe lijf eęn tempel des heylighen Gheęstes is die in v is, welcken ghy hebbet van Gode, end zijt niet uwes zelues?

* 1.Cor.3.c.16 2.Cor.6.d.16 Heb.3.b.8 1.Petr.2.a.5

20

^‡ Want ghy zijt duer ghekocht: daerom zo maket God heęrlich in uwem lijue, end in uwem gheęste, die dar Godes zijn.

‡ 1.Cor.7.d.23 Hebr.9.c.12 1.Pet.1.c.18