Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.v.

1

DAr gaet eęn ghemeyn gheschrey dat hoerery onder v zy, end eęn zulcke hoerery, daer oock de Heydens niet van weten te spreken, ^* dat iemand zijns vaders wijf hebbe.

* Leuit.18.a.8 Deu.27.d.20

2

End ghy zijt opgheblazen, end hebbet v niet deß te meęr bedrouft, op dat die dat stuck ghedaen heeft, wt d’midden van v hén ghenomen wurde.

3

^* Want ick, als die wel mit dem lijue daer niet bin, doch mit dem gheęst teghenwordigh, heb alrede als teghenwordigh besloten, dat die, die zulcks alzo bedreuen heeft, in dem name onzes Heęren Iesu Christi, in uwer verzamelinghe mit mynem gheęst, end mit der macht onzes Heęren Iesu Christi, ^{+ *} ouergheleuert werde dem Satan, ter verdærfnisse des vleęsches:

* Coloss.2.a.5

+ B

* 1.Tim.1.d.20

4

Op dat de gheęst zaligh werde in dem daghe des Heęren Iesu.

5

Uwe romm is niet goed. ^* Wetet ghy niet dat eęn weynigh heuels het gansche deęgh doorheuelt?

* Gal.5.b.9

6

Daerom væghet den olden heuel wt, op dat ghy eęn nieuw deęgh zijt, ghelijckerwijß ghy ongheheuelt zijt. ⁺ Want oock onze ^* Pascha Christus is vœr ons gheoffert.

+ C

* Esa.53.b.7 Ioan.1.d.29 1.Cor.15.a.3

7

Zo latet ons nu ^‡ feęst holden, niet ^* in oldem heuel, noch im hemel der booßheyt end ærgheyt, mer in ongheheuelden [brooden] der louterheyt end der

‡ Exod.12.a.3

* Deu.16.a.3

[p. 287v]

waerheyt.

8

Ick heb v gheschreuen in dem brief, ^* dat ghy niet vermengt zoldet werden mit den hoeréreren.

* Matt.18.c.17 2.Cor.6.c.14 Ephe.5.c.11 2.thes.3.d.14 Deut.7.a.2 Eccli.13.a.1

9

End niet ganschlick [meyne ick] mit den hoeréreren dezer wæreld, of ghierighen, of rooueren, of afgoden dienaren: ⁺ anders moestet ghy ghewißlick wt der wæreld gaen.

+ D

10

Nu auer heb ick v gheschreuen, dat ghy daermede niet vermengt werdet, [naemlick] zo dar iemand is, die zick laett eęnen broeder heeten, of eęn hoerérer is, of ghierigaerd, of afgoden dienaer, of lachteraer, of dronckaerd, of roouer, ^* dat ghy mit zulckem eęnen ia oock niet etet.

* Iere.16.b.8 Dani.1.b.8

11

Want wat gaet my an dat ick oock die buyten zijn, zolde richten? richtet ghy niet die binnen zijn?

12

God auer richt die buyten zijn. ^* Oock nemet van v zeluen hénwegh den boozen.

* Deut.13.b.5