Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

⁺ ALzo achte ons eęn [ieghelick] mensche als Christus dieners, end wtdeęlers ouer Godes verborghentheyden.

+ mat 24.d.45 2.Cor.6.a.4 Tit.1.b.7

2

Uoordan auer, [dit] zouckt men an den wtdeęleren, ^* dat dar iemand ghetrauw gheuonden werde.

* Luc.12.f.42

3

My auer is het eęn zeęr kleyn dingk dat ick van v ghericht werde, of van eęnem menschlicken daghe: ia ick richte oock my zeluen niet.

4

Want ick bin my zeluen niets bewust, ^* nochtans bin ick daerdoor niet gherechtuærdight: die my auer richt, is de Heęr.

* Exod.34.a.7 Iob.9.a.2. Psal.142.a.2

[p. 286r]

5

^* Daerom richtet niet voor der tijd, tot dat de Heęr komme, die oock zal an’t licht bringhen wat in der duysternisse verborghen is, end de raadslaghen der herten openbaren: end alsdan zal eęnem ieghelicken van Gode prijß ghewerden.

* Matt.7.a.1 Rom.2.a.1

6

Zulcks auer, broeders, heb ick door eęn ghelijckeniß op my zeluen end op Apollos ghetoghen om uwent willen: ⁺ op dat ghy an ons leęrndet, dat niemand hoogher ⁺ gheuoele dan [nu] gheschreuen is, op dat zick niet de eęne teghen den anderen om iemands willen opblaze.

+ B

+ [van. der dienaren ampt]

7

Want wie zondert dy wt? ^* wat hebst du auer dat du niet entfanghen hebst? Zo du het auer oock entfanghen hebst, wat rommst du dy, als haddest du het niet entfanghen?

* Iacob.1.c.17

8

Ghy zijt nu verzaadt, ghy zijt nu rijck gheworden, ghy hebbet zonder ons gheregneert: end of ghy doch regneerdet, op dat oock wy t’zamen mit v regneren mochten.

9

Want ick holde, God hebbe ons die de leste Apostels zijn, ⁺ anghewezen, als ^* die dem dood toegheeyghent zijn: want wy zijn eęn schauwhandel gheworden der wæreld, end den Enghelen, end den menschen.

+ Of. voorghestelt

* Psa.44.d.23 Rom.8.g.36 2.Cor.4.c.11

10

Wy zijn dwaze om Christus willen, ⁺ ghy auer zijt wijß in Christo: wy zwack, ghy auer stærck: ghy heęrlich, wy auer eęrlooß.

+ C

11

Tot op deze vre lijden wy hongher end

[p. 286v]

dorst, end zijn naeckt, end werden mit vuysten gheslaghen, end zijn landloopers.

12

^* End arbeyden end wercken mit onzen eyghenen handen: ^‡ Men scheldt ons, zo zeghenen wy: men veruolght ons, zo dulden’t wy:

* Act.18.a.3 end .20.g.34 1.Thes.2.b.9 2.Thes.3.b.8

‡ mat.5.g.44 Luc.23.e.33 Act.7.g.60

13

Men lastert ons, zo smeęken wy: wy zijn gheworden als veruloucksel dezer wæreld, end aller [menschen] wtuæghsel tot nu toe.

14

Niet schrijue ick zulcks dat ick ⁺ v beschame, mer vermane v als myne gheliefde kinders.

+ Gr. uwe schande verwijte,

15

Want of ghy schoon tien duyzend onderwijßmeęsters haddet in Christo, zo hebbet ghy doch niet vele vaders: ^{+ *} want ick heb v gheboren in Christo Iesu door het Euangelium.

+ D

* Gal.4.c.19 Philem.b.10 Iacob.1.c.18

16

^‡ Daerom vermane ick v, zijt myne nauolghers.

‡ 1.Cor.11.a.1 Philip.3.d.17 1.Thes.1.b.6 2.Thes.3.b.9

17

Hierom heb ick tot v ghezonden Timotheum, welcker is mijn gheliefde end ghetrauwe zoon in dem Heęre: die v indachtighmaken zal myner weghen, die dar zijn in Christo: ghelijckerwijß ick an allen enden in allen Ghemeynten leęre.

18

Dar hebben zick zommighe opgheblazen, als zolde ick niet tot v kommen.

19

Ick zal auer kortlick tot v kommen, ^* zo het de Heęr wil, end vernemen niet het word der opgheblazenen, mer de kracht.

* Act.18.f.21 Hebr.6.a.4 Iacob.4.d.15

20

^‡ Want het kœningkrijck Godes bestaet niet in worden, mer in kracht.

‡ 1.Cor.2.a.4 1.Thes.1.b.5 2.Pet.1.c.16

21

Wat willet ghy? zal ick mit eęner

[p. 287r]

roude tot v kommen, of mit liefde [end] zachtmoedighem gheęst?