Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 282r]

De eerste zendbrief Pauli tot den Corintheren.

Cap.j.

1

PAulus gheropen tot eęnem Apostel Iesu Christi, door den wille Godes, end Sosthenes de broeder,

2

Der Ghemeynte Godes die te Corinthen is, ^* den gheheilighden in Christo Iesu, ^‡ den gheropenen Heylighen, ^* zampt allen den, die dar anroupen den naem onzes Heęren Iesu Christi, in aller hœrer end oock onzer plaetse:

* Ioan.17.c.19 Act.15.b.9 1.Thes.4.b.7

‡ Rom.1 a 7 Ephes.1.a.1

* 2.Tim.d.22

3

^‡ Ghenade zy v end vrede van Gode onzem Uader, end dem Heęre Iesu Christo

‡ Rom.1.a.7 2.Cor.1.a.2 Ephe.1.a.2 1.Pet.1.a.2

4

Ick dancke mynem Gode altijd uwent haluen vœr de ghenade Godes die v gegheuen is in Christo Iesu:

5

^* Dat ghy zijt door hem in allem stucke rijck gheworden in allerley worde end allerley kennenschap: (Ghelijckerwijß het ghetuygheniß van Christo in v beuestight is,)

* Colo.1.b.9

6

Alzo dat v niet entbreeckt in eęni-

[p. 282v]

gher gaue, ^* end wachtet nu op de ontdecking onzes Heęren Iesu Christi:

* Philip.3.d.20 Tit.2.d.13

7

^‡ Die v oock zal beuestighen tot an het ende, dat ghy onstraflick zijt, op den dagh onzes Heęren Iesu Christi.

‡ 1.thes.3.d.13 end .5.d.23

8

^+* God is ghetrauw door welcken ghy gheropen zijt ter ghemeynschap zijns Zoons Iesu Christi onzes Heęren.

+ B

* 1.Thes.5.d.25 1.Cor.10.c.12

9

Ick vermane v auer, broeders, door den naem onzes Heęren Iesu Christi, dat ghy alle t’zamen eęnerley rede voeret, end dat dar gheęne spaltinghen onder v zijn: ^* mer dat ghy zijt t’zamenghehecht in eęnem ghemoede end in eęnem gheuoelen.

* Rom.12.c.16 end .15.b.5 Philip.2.a.2 end .3.d.16 1.Petr.3.b.8

10

Want my is te kennen ghegheuen, myne broeders, door zommighe wt Chloes [huyßghezinde] van v, dat dar twistinghen zijn onder v.

11

Ick zeg auer daervan, dat onder v eęn ieghelick zegt, ^* Ick bin Pauli, End ick ^‡ Apollo, Ick Cephe, Ick auer Christi.

* 1.Cor.3.a.4

‡ Act.18.f.24 1.Cor.16.b.12

12

Is Christus in stucken ghedeęlt? Is doch Paulus vœr v ghecruycight? of zijt ghy in Paulus name ghedoopt?

13

Ick dancke Gode dat ick niemand onder v ghedoopt heb, dan ^* Crispum end ^‡ Gaium: op dat niemand zegghe, ick hadde in mynem name ghedoopt.

* Act.18.b.8

‡ rom.16.d.22

14

Ick heb auer oock ghedoopt ^* Stephana huyßghezinde: daerna weet ick niet of ick iemand anders ghedoopt hebbe. ⁺

* 1.Cor.16.c.15 17

+ C

15

Want Christus heeft my niet wtghezonden te doopen, mer te euangelizeren: ^* niet mit wijßheyt in worden, op dat het cruys Christi niet verijdelt werde.

* 1.Cor.2.a.1.4 2.Pet.1.c.16

[p. 283r]

16

Want het word van dem cruyce is wel eęn dwaaßheyt den die verloren werden, ons auer die dar ⁺ beholden werden is het ^* eęn kracht Godes.

+ Of, zaligh

* Rom.1.b.16

17

Want dar is gheschreuen: ^‡ Ick zal ommbringhen de wijßheyt der wijzen, end het verstand der verstandighen zal ick verwærpen.

‡ Esa.29.e.14 Iob.5.b.12

18

^* Waer is’er eęn wijze? waer is’er eęn Schriftgheleęrder? waer is’er eęn ⁺ beuragher dezer wæreld? Heeft niet God de wijßheyt dezer wæreld dwaaß ghemaeckt?

* Esa.33.c.18

+ Of, disputerer

19

^* Want dewijl de wæreld door de wijßheyt God in Godes wijßheyt niet bekennde, zo behaeghde het Gode door de dwaaze prediking zaligh te maken die dar gheloouen.

* Matt.11.d.25 Luc.10.d.21

20

Nademmatl oock ^* de Iœden teęken begæren, end de Griecken na wijßheyt vraghen.

* Matt.12.c.38 end .16.a.1 Ioan.4.g.48

21

Wy auer prediken den ghecruycighden Christum, ^* den Iœden wel eęn ærgherniß, den Griecken auer eęn dwaaßheyt:

* Ioan.6.f.60 g.66.

22

⁺Den auer die gheropen zijn, oock Iœden end Griecken [prediken wy] Christum Godes moghentheyt end ^* Godes wijßheyt.

+ D

* Col.2.a.3

23

Want de dwaaßheyt Godes is wijzer dan de menschen zijn: end de zwackheyt Godes, is stærcker dan de menschen zijn.

24

Want ghy ziet uwe berouping, broeders, dat ^* niet vele wijzen na dem vleęsche, mit vele machtighen, niet vele ede-

* Ioa.7.g.48 end 12.f.42 Iaco.2.a.5

[p. 283v]

len [gheropen zijn]:

25

Mer wat dwaaß is voor der wæreld, dat heeft God wtuerkoren, op dat hy de wijzen beschaemt maeckte.

26

End wat zwack is voor der wæreld dat heeft God wtuerkoren, op dat hy wat stærck is, beschaemt maeckte:

27

End het onedele voor der wæreld end het verachtde heeft God wtuerkoren, end dat dar niet is, dat hy te niet maeckte wat dar is:

28

Op dat zick voor hem gheęn vleęsch romme.

29

Wt dem zeluen auer zijt ghy in Christo Iesu, die ons gheworden is van Gode ter wijßheyt, end ^* ter gherechtigheyt, end ^‡ ter heylighmakinghe, end ter verlossinghe.

* Ierem.23.a.5

‡ Ioan.17.c.19

30

Op dat ghelijckerwijß gheschreuen is: ^* Wie zick berommt, zick beromme in dem Heęre.

* Ierem.9.g.23 2.Cor.10.c.17 Esa.65.c.16