Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xvj.

1

ICk beuele v auer onze zuster Phebe welcke is eęn dienærsse der Ghemeinten die in Cenchréa is:

2

Dat ghy ze annemet in dem Heęre, als het den Heylighen betaemt: end hœr bystaet in wat handelinghe zy uwer behouuet: want zy heeft oock velen bystand ghedaen, end oock my zeluen.

3

Groetet ^* Priscillam end Aquilam myne medearbeyders in Christo Iesu: (die vœr mijn ziel hœren halß onderzett hebben: welcken niet ick alleęn dancke, mer oock alle Ghemeynten onder den Heydenen,) end de Ghemeynte die in hœrem huyze is.

* Act.18.a.2 g.26

4

Groetet Epenetum mynen ghelief-

[p. 281r]

den, die de eęrstlingk is onder den van Achaia in Christo.

5

Groetet Mariam, welcke veęl ghearbeydt heeft an ons.

6

⁺Groetet Andronicum end Iuniam myne maghen end medegheuanghenen, welcke zijn vermaert onder den Apostelen, welcke oock voor my gheweeßt zijn in Christo.

+ B

7

Groetet Ampliam mynen gheliefden in dem Heęre.

8

Groetet Urbanum onzen medearbeyder in Christo, end Stachyn mynen gheliefden.

9

Groetet Apellen den beproufden in Christo. Groetet die dar zijn van Aristobulus ghezinde.

10

Groetet Herodionem mynen bloeduriend. Groetet die dar zijn van Narcissus ghezinde, welcke in dem Heęre zijn.

11

Groetet Tryphenam end Tryphosam, welcke [vrauwen] arbeyden in dem Heęre. Groetet Persiden de gheliefde, welcke veel ghearbeydt heeft in dem Heęre.

12

Groetet Rufum den wtuerkorenen in dem Heęre, end zijn moeder end de myne.

13

Groetet Asyncriton, Phlegontem, Hermann, Patroban, Hermen, end de broeders die by hen zijn.

14

Groetet Philologum end Iuliam, Nerea end zijn zuster, end Olympam, ⁺ end alle Heylighen die by hen zijn.

+ C

15

^* Groetet malckanderen mit eęnem heylighen kusse. De Ghemeynten Chri-

* 1.cor.16.d.20 2.Cor.13.d.12 1.Thes.5.d.26 1.Pet.5.d.14

[p. 281v]

sti groeten v.

16

^* Ick bid v auer, broeders, dat ghy eęn opzien hebbet op die, die dar tweęspaltinghen end ærghernissen anrichten teghen de leęr die ghy gheleęrnt hebbet: ^‡ end wijcket van den zeluen.

* Colo.2.b.8 Tit.3.c.9 2.Ioan.d.10

‡ Matt.18.a.8 2.Thes.3.b.6 2.Tim.3.b.5 Phil.3.d.18

17

Want zulcke dienen niet onzem Heęre Iesu Christo, mer hśrem eyghenen buyck: end door zuetspreken end zeghenen verleyden zy de herten der onnoozelen:

18

Want uwe ghehoorzaemheyt heeft zick tot allen verbreydt. Derhaluen verhœghe ick my ouer v. ^* Ick wil auer dat ghy wijß zijt op het goede, eęnuoldigh auer op het quade.

* Matt.10.b 16

19

De God auer des vredes zal vernielen den Satan onder uwe voeten kortlick. ⁺ De ghenade onzes Heęren Iesu Christi zy mit v.

+ D

20

U groeten ^* Timotheus mijn medearbeyder, end ^‡ Lucius end ^* Iason, end ^‡ Sosipater myne bloedurienden.

* Act.16.a.1 Philip.2.c.19 1.Thes.3.a.2

‡ Act.13.a.1

* Act.17.a.5

‡ Act.20.a.4

21

Ick Tertius groete v, die ick dezen brief gheschreuen heb in dem Heęre.

22

U groett ^* Gaius mijn end der ganscher Ghemeynten wærd. U groett ^‡ Erastus der stad schaffnær, end Quartus de broeder.

* 1.Cor.1.b.13

‡ 2.tim.4.d 20

23

De ghenade onzes Heren Iesu Christi zy mit v allen. Amen.

24

^* Dem auer die v beuestighen kann na luyde mynes Euangelij end der prediking van Iesu Christo, ^‡ na der ontdeckinghe der verborghenheyt, welcke van eęwighen tijden hær verzweghen is,

* Ephe.3.d.20

‡ Ephes.1.b.9 end .3.b.9 Colo.1.d.26 2.Tim.1.c.10 Tit.1.a.2 1.Pet.1.d.20

25

(Nu auer gheopenbaert oock door de Prophetische, Schriften wt beuele des

[p. 282r]

eęwighen Godes, end kond ghemaeckt ter ghehoorzaemheyt des gheloofs onder allen ⁺ Heydenen:)

+ of. volcken

26

Dem zeluen Gode [zeg ick] die alleęn wijß is, zy prijß door Iesum Christum in eęwigheyden. Amen.

An den Romeynen gheschreuen van Corinthen [ghezonden] door Pheben de dienærsse der Ghemeynten van Cenchrea.