Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xv.

1

⁺ VUy auer die wy stærck zijn, zijn schuldich der onstærcken zwackheyden te draghen, end ons zeluen niet te behaghen.

+ Gal.6.a.1 1.Cor.9.d.22

2

Eęn ieghelick auer onder ons behaghe dem naesten in dem goede ter stichtinghe.

3

Want oock Christus heeft hem zeluen niet behaeght, mer, ghelijckerwijß gheschreuen is, ^* De smadelickheyden der, die dy smadigheyt andeden, zijn op my gheuallen.

* Psal.69.b.10

4

^* Want zo wat voorhén gheschreuen is, dat is ons ter leęre te voren geschreuen: op dat wy door lijdßaemheyt end vertroosting der Schriften hope hebben.

* Rom.4.d.23

5

⁺De God auer der lijdßaemheyt end der vertroosting gheue v ^* dat ghy eęnerley ghezinnt zijt onder malckanderen na Iesu Christo:

+ B

* Rom.12.c.16 1.Cor.1.b.9 Philip.2.a.2 end .3.d.16 1.Pet.3.b.8

6

Op dat ghy eęnmoedighlick mit eęnem monde prijzet God, end den Uader onzes Heęren Iesu Christi.

7

Daerom nemet malckanderen an, ghelijckerwijß oock Christus ons anghenomen heeft ten prijze Godes.

8

Ick zeg auer dat Iesus Christus zy eęn bediener gheweeßt der Besnijdeniß om der waerheyt Godes willen, te beuestighen de toezegghinghen den Uaderen [gheschiedt]:

9

Oock op dat de Heydens God prijzen om der barmhertigheyt willen: ghelijckerwijß gheschreuen is: ^* Hierom zal ick dy belijden onder den Heydenen, end

* 2.sa.22.d.50 Psal.18.d.50

[p. 279v]

zal dynem name zinghen.

10

⁺End wederom zegt hy: Uerhœghet v ghy Heydens mit zynem volcke.

+ C

11

End wederom: ^* Prijzet den Heęr alle Heydens, end louet hem alle volcken.

* Psal.116.a.1

12

End wederom zegt Esaias. ^* Dar zal zijn de wortel Iesse, end die dar opstaen zal te zijn eęn Uorst der Heydenen, op den zullen de Heydens hopen.

* Esa.11.c 10 Apoc.5.b.5 end .22.c.16

13

De God auer der hope veruulle v mit aller vrœghde end vrede in dem gheloouen: op dat ghy oueruloedigh zijt in der hope door kracht des heylighen Gheęstes.

14

Ick bin auer oock zelue wel ghewiß van v, myne broeders, dat oock ghy voll goedigheyt zijt, veruult mit aller wetenschap, end machtigh zijt oock ⁺ malckanderen te vermanen.

+ anders. anderen

15

⁺Ick heb v nochtans broeders, eęnsdeęls te koenlicker gheschreuen, dat ick v als indachtigh maeckte, om der ghenaden willen die my ghegheuen is van Gode,

+ D

16

Dat ick zal zijn eęn ghemeyn dienaer Iesu Christi tot den Heydenen, ⁺ heiliglick te bedienen het Euangelium Godes: op dat de offerande der Heydenen anghenaem werde, gheheylight door den heyligen Gheęst.

+ Gr. te sacrificeren

17

Daerom heb ick eęnen romm in Christo Iesu, in den dinghen die God belanghen:

18

Want ick dorste niet spreken eęnigh dingk, dat niet Christus door my ghewracht heeft, de Heydens ter ghehoorzaemheyt te bringhen, in worden end wercken,

19

Door kracht der teękenen, end zeldßamer wonderheyden, in kracht des Gheę-

[p. 280r]

stes Godes: alzo dat ick van Hierusalem an, ⁺ end ommhær tot an Illyricon het Euangelium Christi veruult hebbe:

+ E

20

End bin alzo eęrlieuigh gheweeßt het Euangelium te prediken, niet daer Christus ghenaemt was: op dat ick niet op eęnen vrémden grond bauwde:

21

Mer, ghelijckerwijß gheschreuen is, ^* Welcken van hem niet verkondight is, die zullen’t zien: end welcke het niet ghehoort hebben, zullen’t verstaen.

* Esa.52.d.15

22

Waeromm ick oock menighmael ^* verhindert bin tot v te kommen.

* Rom.1.b.13 1.thes.2.d.18

23

Nu ick auer gheęn plaetß meęr heb in dezen landen, ^* heb auer eęn verlanghen tot v te kommen van velen iaren hær: ⁺ wanneęr ick reyzen zal in Hispanien, zal ick tot v kommen.

* Rom.1.b.10 end .15.g.32 1.Thes.3.c.10 2.tim.1.d.10

+ F

24

Want ick hope dat ick daer doorreyzen, end v zien zal, end van v daerhén gheleydt werden, doch alzo dat ick uwer eęrst eęnsdeęls veruult zal zijn.

25

^* Nu auer reyze ick hén na Hierusalem, den Heylighen te dienen.

* Act.19.d.21 end .24.d.17

26

^‡ Want die van Macedonia end Achaia hebben vœr goed anghezien eęn mededeęling te doen den armen der Heylighen die te Hierusalem zijn.

‡ Act.11.d.29 1.Cor.16.a.2 2 Cor.8.a.4 end .9.a.1

27

Want het heeft hen goed ghedocht, end zy zijn oock hœre schuldenaers. ^* Want zo de Heydens hœrer gheęstlicker goederen deęlachtigh gheworden zijn, zo moeten zy hen oock in vleęschlicken goederen dienst bewijzen.

* 1.Cor.9.b.11 Gal.6.a.6

28

Wanneęr ick nu zulcks wtghericht, end hen deze vrucht verzeghelt zal hebben,

[p. 280v]

zo zal ick door v in Hispanien reyzen.

29

^* Ick weet auer wanneęr ick tot v kommen zal, dat ick mit voller zegheninghe des Euangelij Christi kommen zal

* Rom.1.b.11

30

Ick vermane v auer broeders, door onzen Heęre Iesum Christum, end door de liefde des Gheęstes, ^* dat ghy mit my kampet mit bidden vœr my tot Gode:

* 2.Cor.1.b.11

31

^* Op dat ick verlost werde van den onghezegghelicken in Iudéa, end dat mijn bediening die ick na Hierusalem heb te doen, anghenaem werde den Heylighen.

* 2.Thess.3.a.2

32

^* Op dat ick mit vrœghden tot v komme door den wille Godes, end my mit v t’zamen verquicke.

* Rom.1.b.10 end .15.e.23

33

De God auer des vredes zy mit v allen. Amen.