Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xiiij.

1

DEn zwacken auer in dem ghelooue, nemet op niet tot ⁺ verwærringhen der onderredinghen.

+ Of. twistighen onderscheydinghen.

2

De eęne ghelooft dat men allerley dinghen eten magh: die auer zwack is, eett moeßkruyden.

3

^* Wie dar eett die verachte den niet, die niet eett: end die niet eett, die richte den niet die dar eett: want God heeft hem anghenomen.

* Coloss.2.c.16

4

^* Wie bist du die du eęnen vrémden huyßknecht richtest? hy staet of valt zynem eyghenen Heęre. Hy zal auer bestendigh blijuen: want God is machtigh hem in stande te holden.

* Iacob.4.c.12

5

^* De eęne richt ia den eenen dagh

* Gal.4.b.10 Col.2.c.16

[p. 278r]

neuen den anderen dagh: de ander auer richt eęnen ieghelicken dagh [ghelijck]. Eęn ieghelick zy in zynem eyghenen ghemoede te vollen verghewissight.

6

Wie den dagh onderscheydt, die onderscheydt en dem Heęre: end wie den dagh niet onderscheydt, die onderscheydt en dem Heęre niet. ⁺ Wie dar eett die eett dem Heęre: ^* want hy danckt Gode. End wie niet eett, die eet dem Heęre niet: end hy danckt God.

+ B

* 1.Cor.10.g.30 1.Tim.4.a.3

7

^* Want onzer gheęn leeft hem zeluen, end niemand stærft hem zeluen.

* 2.Cor.5.c.15 Gal.2.d.20 1.Thess.5.b.10 1.Petr.4.a.2

8

Want leuen wy, zo leuen wy dem Heęre: stæruen wy, zo stæruen wy dem Heęre. Daerom, wy leuen of stæruen, zo zijn wy des Heęren.

9

Want hiertoe is Christus oock ghestoruen end opghestaen, end weder leuendigh gheworden, op dat hy oock ouer de dooden end de leuendighen Heęr zy.

10

Du auer wat richtest du dynen broeder? of oock du, wat verachtest du dynen broeder? ^* Want wy zullen alle voor den richtstoul Christi ghestelt werden.

* Matt.25.c.31 2.Cor.5.b.10

11

Want dar is gheschreuen, ^‡ Ick leue, zegt de Heęr, want my zal zick alle knije buyghen, ⁺ end alle tong zal God belijden.

‡ Esa.45.d.23 Philip.2.b.10

+ C

12

^* Zo zal nu eęn ieghelick van ons vœr zick zeluen Gode rekenschap gheuen.

* Psal.62.d.13 Iere.17.b.10 end .32.c.19 Matt.16.d.27 Rom.2.a.6 1.Cor.3.b.8 2.Cor.5.b.10 Gal.6.a.5 Apoc.2.f.23 end .22.c.12

13

Daerom latet ons niet meęr malckanderen richten: mer dit richtet veel meęr, naemlick, dat ^‡ ghy dem broeder gheęn anstoot of verhindering legghet.

‡ 2.mac.6.d.18 1.Cor 10.g.32 2.Cor.6.a.3

14

Ick weet end bin ghewiß in dem heęre

[p. 278v]

Iesu, ^* dat dar niets ghemeyn is van zick zeluen, dan dem die dar acht iets ghemeyn te zijn, dem zeluen is het ghemeyn.

* Matt.15.b.11 Act.10.c.15 1.Cor.8.a.4 1.tim.4.b.4

15

Zo auer dijn broeder om der spijzen willen bedrouft werdt, zo wandelst du nu niet na der liefde. ^* Uerdærf den niet mit dyner spijze, vœr welcken Christus ghestoruen is.

* 1.Cor.8.d.11

16

Daerom zo laet uwe goed niet ghelastert werden:

17

^* Want het kœningkrijck Godes is niet spijß end dranck, mer gherechtigheyt end vrede, end vrœghde in dem heylighen Gheęst.

* 1.Cor.8.c.8

18

⁺Want wie hierin Christo dient, die is Gode anghenaem, end den menschen welgheualligh.

+ D

19

Daerom latet ons den dinghen nastreuen, die ten vrede dienen, end die ter stichtinghe dienen onder malckanderen.

20

Uerdærf niet om der spijzen willen Godes werck. ^* Alle dingk is wel reyn, auer het is quaad dem mensche, die door anstoot eett.

* Tit.1.d.15

21

^* Het is goed dat du gheęn vleęsch etest, noch wijn drinckest, noch iet [doest] waerdoor dijn broeder zick anstoott, of gheærghert of ghezwackt werdt.

* 1.Cor.8.d.13

22

Hebst du ghelooue? zo hebbe het by dy zeluen voor Gode. Gheluckzaligh is hy, die zick zeluen niet richt in dem, dat hy bewillight.

23

Wie auer twijfelmoedigh is, zo hy eett, die is verordeęlt: want hy eett niet wt ghelooue.

24

^* Zo wat auer niet wt ghelooue is,

* Tit.1.d.15

[p. 279r]

dat is zonde.