Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.viij.

1

ZO is nu gheęn verdommsel den, die in Christo Iesu zijn, die niet na dem vleęsche wandelen, mer na dem Gheest.

2

Want de Wet des Gheęstes, ^* die dar leuendigh maeckt in Christo Iesu, ^* heeft my vrij ghemaeckt van der Wet der zonde end des doods.

* Gr. des leuens

* Ioan.8.e.36 Gal.5.a.1

3

^* Want dat der Wet onmoghelick was, ⁺ om dat zy zwack was door het vleęsch, dat [dede] God, end zand zynen eyghenen Zoon in ghelijckheyt des zondighen vleęsches: ^* end verdommde de zonde in dem vleęsche ⁺ van zonde:

* Act.13.f.38. Rom.3.d.28 Gal.2.c.16 Hebr.7.c.18

+ Of. waerin

* 2.Cor 5.d.21 Gal.3.b.13

+ zommighe. door

4

Op dat de gherechtigheyt der Wet in ons veruult wurde, die wy niet na dem vleęsche wandelen, mer na dem Gheęst.

5

Want ^* die na dem vleęsche zijn, die

* 1.Cor.2.d.14

[p. 269r]

zijn ghezinnt na dem, dat des vleęsches is: die auer na dem Gheęst zijn, na dem dat des Gheęstes is.

6

⁺Want de ghezinntheyt des vleęsches is de dood: de ghezinntheyt auer des Gheęstes, leuen end vrede:

+ B

7

Daerom dat de ghezinntheyt des vleęsches viandschap is teghen God: want zy werdt der Wet Godes niet onderworpen: want zy vermagh’s oock niet.

8

Die auer im vleęsche zijn, konnen Gode niet behaghen.

9

Ghy auer zijt niet im vleęsche, mer im Gheęst ⁺ zo anders Godes Gheęst in v woont. Zo auer iemand Christus Gheęst niet heeft, deze is niet zijn.

+ Of. ouermids

10

Zo auer Christus in v is, zo is het lijf wel dood om der zonde willen, de Gheęst auer is leuen, om der rechtuærdighmaking willen.

11

Zo nu de Gheęst deß, die Iesum van den dooden opgheweckt heeft, in v woont, ^* zo zal oock de zelue die Christum van den dooden opgheweckt heeft, ^{+ ‡} uwe stærflicke lijuen leuendigh maken om zijns Gheęstes willen die in v woont.

* Rom.6.a.5 1.Cor.6.c.14

+ C

‡ 2.Cor.5.a.4

12

Zo zijn wy nu broeders, schuldenaers, niet dem vleęsche, dat wy na dem vleęsche leuen.

13

Want zo ghy na dem vleęsche leuet, zo zullet ghy stæruen moeten: zo ghy auer door den Gheęst de wercken des lijfs doodet, zo zullet ghy leuen.

14

Want zo wie door den Gheęst Godes ghedreuen werden, deze zijn Godes

[p. 269v]

kinders.

15

^* Want ghy hebbet niet eęnen dienstknechtlicken gheęst entfanghen, dat ghy v weder vreęzen moestet: ^* mer ghy hebbet eęnen kindlicken gheest entfanghen, door welcken wy roupen, Abba, Uader.

* 2.Tim.1.b.7

* Gal.3.d.26 end .4.a.6 Esa.56.b.4

16

^‡ De zelue Gheęst ⁺ betuyght onzen gheęst dat wy Godes kinders zijn.

‡ 2.cor.1.d.22 end .5.a.5 Ephe.1.c.13 end .4.g.30

+ verzekert

17

⁺Zijn wy auer kinders, zo zijn wy oock ærfghenamen: ærfghenamen ia Godes, medeærfghenamen auer Christi: ^{+ ‡} nademmael wy medelijden, op dat wy oock mede heęrlich ghemaeckt werden.

+ D

+ Of, zo wy anders.

‡ 2.Ti 2.b.12

18

^* Want ick holde dat der teghenwordigher tijd lijden der heęrlicheyt niet wærd zy, die an ons zal ontdeckt werden.

* Mat.5.b.12 2.Cor.4.d.17 1.Ioan.3.a.2

19

^‡ Want de zorghfuldighe verbeyding des schepsels wacht op de ontdecking der kinderen Godes.

‡ 2.Cor.5.a.2

20

Want het schepsel is der ijdelheyt onderworpen niet willens: mer om deß willen die het onderworpen heeft op hope.

21

Want oock het schepsel zelue zal beurijdt werden van dem dienste der verdærflickheyt, tot der heęrlicher vrijheyt der kinderen Godes.

22

Want wy weten dat alle schepsel te ghelijck verzucht end in banghigheyt is tot op deze tijd.

23

Niet alleęnlick auer [die], mer oock die wy zelue de voorurucht des Gheęstes hebben, wy zelue zuchten oock in ons zeluen, ⁺ end wachten op de kindschap, ^* de verlossing onzes lijfs.

+ E

* Luc.21.f.28

[p. 270r]

24

Want wy zijn zaligh gheworden door de hope. Hope auer die ghezien werdt, is gheęn hope: Want hoe zolde iemand hopen dat hy ziet?

25

Zo wy auer dat hopen dat wy niet zien, zo verwachten wy deß door lijdßaemheyt.

26

Deßghelijcken auer kommt oock de Gheęst onzen zwackheyden te hulpen: want ^* wy weten niet wat wy bidden zolden gelijck het behoort, mer de Gheęst zelue doet eęn vœrbidding vœr ons mit onwtsprekelickem zuchten.

* Mat.20.c.22 Iacob.4.a.3

27

Die auer de herten onderzouckt, die weet wat des Gheęstes gheßinntheyt zy: want hy doet eęn vœrbidding vœr den Heylighen na Gode.

28

Wy weten auer dat den, die God lief hebben, alle dingk ten besten behulpßaem is, [naemlick] den, die na dem voorzett gheropen zijn.

29

⁺Want die hy te voren ghekent heeft die heeft hy oock te voren verordent, dat zy ghelijckformigh zijn zolden dem beelde zijns Zoons: op dat de zelue de eęrstgheborene zy onder velen broederen.

+ F

30

Die hy auer te voren verordent heeft, deze heeft hy oock gheropen: end die hy gheropen heeft, deze heeft hy oock gherechtuærdight: die hy auer gherechtuærdight heeft, deze heeft hy oock heęrlich ghemaeckt.

31

Wat zullen wy dan hiertoe zegghen? ^* Is God vœr ons, wie zal teghen ons zijn?

* Num.14.b.8

[p. 270v]

32

^* Die zynen eęnighen Zoon niet heeft ghespaert, mer heeft hem vœr ons allen ouerghegheuen, hoe zal hy ons oock mit hem niet alles schencken?

* Gene.22.c.12 Esa.53.b.15 Ioan.3.b.16

33

Wie zal teghen de wtuerkorene Godes verklaghing doen? ^* God is [hier] die dar rechtuærdight.

* Esa.50.c.8

34

Wie zal de verdommer zijn? Christus is [hier] die ghestoruen is, ia veel meęr, die oock opgheweckt is: ⁺ die oock is ter rechter hand Godes, end doet oock eęn vœrbidding vœr ons.

+ G

35

Wie zal ons scheyden van der liefde ⁺ Christi? Uerdrucking, of benauwing, of veruolghing, of honghernood, of naectheyt, of gheuaerlickheyt, of zwærd?

+ anders. Godes?

36

(Ghelijckerwijß gheschreuen is: ^* Om dynent willen werden wy daghlicks ghedoodt, wy werden gherekent als slachtschapen.)

* psal.44.d.23 1 Cor.4.b.9 2.Cor.4.c.11.

37

Auer in dem allem ouerwinnen wy door den, die ons lief ghehadt heeft.

38

Want ick bin ghewiß dat noch dood, noch leuen, noch Enghels, noch Ouerheyden, noch Machten, noch het teghenwordighe, noch het toekomstighe,

39

Noch hoogheyt noch diepte, noch eęnigh ander schepsel, ons zal konnen afscheyden van der liefde Godes, welcke is in Christo Iesu onzem Heęre.