Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

VUat zullen wy dan zegghen ^* van onzem Uader Abraham, dat hy gheuonden hebbe na dem vleęsche?

* Esa.51.a.2

2

Want is Abraham wt wercken gherechtuærdight, zo heeft hy wel romm, auer niet by Gode.

3

Want wat zegt de Schrift? ^* Abraham auer heeft Gode ghelooft, end het is hem ter gherechtigheyt toegherekent.

* Gene.15.a.6 Gala.3.a.6 Iaco.2.d.23

4

Dem werckenden auer werdt niet de loon wt ghenaden toegherekent, mer wt schuld.

5

Dem auer die niet werckt, ghelooft

[p. 263v]

auer in den, die den Godloozen rechtuærdigh maeckt, dem werdt zijn ghelooue gherekent ter gherechtigheyt.

6

Ghelijckerwijß oock Dauid zegt dat de gheluckzalighmaking zy des menschen, welckem God toerekent de gherechtigheit zonder wercken, [dar hy spreeckt:]

7

^* Gheluckzaligh zijn zy welcken de Wetbrekeryen quijtghelaten zijn, end welcken de zonden bedeckt zijn.

* Psal.32.a.1

8

⁺Gheluckzaligh is de mann welckem de Heęr gheęn zonde toegherekent zal hebben.

+ B

9

Nu deze gheluckzalighmaking [bestreckt zy zick] ouer de Besnijding, of oock ouer de Uoorhuyd? Want wy zegghen dat Abrahe zy het ghelooue ter gherechtigheyt toegherekent.

10

Hoe is het [hem] dan toegherekent? de wijle hy was in der Besnijdinghe, of in der Uoorhuyd? niet in der Besnijdinghe, mer in der Uoorhuyd.

11

^* End het teęken der Besnijding entfing hy tot eęnem zeghel der gherechtigheyt des gheloofs, welck was in der Uoorhuyd: op dat hy wurde eęn vader aller die dar gheloouen door de Uoorhuyd, op dat oock den zeluen de gherechtigheyt toegherekent wurde:

* Gen.17.b.11

12

End eęn vader der Besnijding niet alleęnlick der, die van der Besnijdinghe zijn, mer oock der, die dar bewandelen de voetstappen des gheloofs onzes vaders Abrahams, welck dar was in der Uoorhuyd.

13

⁺Want de toezegghing is niet [ghe-

+ C

[p. 264r]

schiedt] Abrahe of zynem zade, dat hy eęn ærfghenaem der wæreld zijn zolde, door de Wet, mer door de gherechtigheyt des gheloofs.

14

^* Want zo die, die der Wet zijn, ærfghenamen zijn, zo is het ghelooue verijdelt, end de toezegghing is krachtlooß gemaeckt

* Gal.3.c.18

15

Want de Wet werckt toorn: ^* want ⁺ weß gheęn Wet is, deß is oock gheęn ouertreding.

* Ioan.15.d.22 Rom.5.d.20 end .7.b.8 Gal.3.c.19

+ Zommighe ouerzetters hebben, waer gheęn Wet is, daer etc.

16

Derhaluen is het door het ghelooue, op dat het zy wt ghenaden, end dat de toezegghing vast bestonde allem den zade: niet dem alleęnlick dat wt der Wet is, mer oock dem, dat des ghelooues Abrahe is, ^* welcker is onzer aller vader,

* Esa.51.a.2

17

(Ghelijckerwijß gheschreuen is: ^* Ick heb dy gezett tot eęnem vader veler ⁺ volcken:) ⁺ voor Gode, dem hy gheloofde: die dar leuendigh maeckt de dooden, end roupt dat niet is, als ware het.

* Gene.17.a.4

+ of, natioenen

+ of, na d’exempel Godes

18

End hy gheloofde bouen hope op hope, op dat hy wurde eęn vader veler volcken: na dem dat [tot hem] ghezegt was: ^{+ *} Alzo zal dijn zaad zijn.

+ D

* Gene.15.a.5 Hebr.11.c.12

19

End hy bleef onghezwackt im ghelooue, end anmærckte niet zijn eyghen lijf, welck alrede verstoruen was, dewijl hy schier honderdiarigh was, noch de verstoruenheyt des lijfs Sare.

20

^* End an der toezegghinge Godes ⁺ dede hy gheęn onderzouck door ongeloouigheyt, mer ward bekrachtight door’t ghelooue, end gaf Gode prijß.

* Eccle.44.d.20

+ of, twijfelde hy niet

21

⁺ End ward te vollen verghewissight dat wat hy toeghezegt hadde,

+ Psal.115.a.3

[p. 264v]

^* oock machtigh ware te doen.

* Psal.115.a.3

22

Daerom is het hem oock ter gherechtigheyt toegherekent.

23

^* Dat het hem auer [ter gherechtigheyt] toegherekent is, dat is niet gheschreuen alleęnlick om zynent willen:

* Rom.15.a.5

24

Mer oock om onzent willen, welcken het toegherekent zal werden, die wy gheloouen in den, die onzen Heęre Iesum opgheweckt heeft van den dooden:

25

Welcker is om onzer ⁺ mißdaden willen ouergheleuert, end is om onzer rechtuærdighmaking willen opgheweckt.

+ Gr. mißuallen