Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij

1

DAerom, o mensch, bist du onentschuldighlick, wie du oock bist die du richtest: ^* want waerin du eęnen anderen richtest, verdommst du dy zeluen: nademmael du euen het zelue doest, dat du richtest.

* Matt.7.a.1 1.Corin.4.a.5 2.Sa.12.b.5

2

Auer wy weten dat Godes gherichte is na der waerheyt ouer die, die zulcks doen.

3

Meynst du auer, o mensch, die du richtest die zulcks doen, end doest het zelue, dat du het gherichte Godes entuliehen zalt?

4

Of verachtest du den rijckdomm zyner goedertierenheyt, end lijdßaemheyt

[p. 260v]

^* end langmoedigheyt, ^‡ end wetest niet dat dy Godes goedertierenheyt ter ghemoedbeteringhe leydt?

* 2.Petr.3.d.15

‡ Esa.30.c.15

5

Du auer na dyner hardigheyt end onboetuærdighen herte ^* zamelest dy zeluen eęnen schatt des toorns op den dagh des toorns end der ontdecking des rechtuærdighen gherichtes Godes,

* Iacob.5.a.3

6

^* Welcker verghelden zal eęnem ieghelicken na zynen wercken:

* Psal.26.d.13 Iere.17.b.10 end .32.c.19 Matt.16.d.27 Rom.14.c.12 1.Cor.3.b.8 2.Cor.5.b.10 Gal.6.a.5 Apoc.2.f.23 end .22.c.12

7

Naemlick den, die mit vollhærdinghe in goedem wercke zoucken prijß end eęr end onuerdærflickheyt, ⁺ het eęwigh leuen:

+ B

8

^‡ Den auer die twistachtigh zijn, end der waerheyt niet horcken, horcken auer der ongherechtigheyt [is kommstigh] verbolghenheyt end toornn.

‡ 2.Thes.1.c.8

9

Uerdrucking end banghigheyt ouer alle ziel des menschen die dar quaad werckt, des Iœden eęstlick end oock des Griecken:

10

Prijß auer end eęr end vrede eęnem ieghelicken die dar goed werckt, dem Iœde eęrstlick end oock dem Griecke.

11

^* Want dar is gheęn anneming des wterlicken anziens voor Gode.

* Deu.10.d.17 2.Pa.19.c.7 Iob.34.b.19 Sap.6.b.8 Eccl.35.c.12 Act.10 e.34 Gal.2.b.6 Ephes.6.b.9 Colo.3.d.25 1.Pet.1.c.17

12

Want alle die zonder Wet ghezondight hebben, die zullen oock zonder Wet vergaen: end alle die an eęner Wet ghezondight hebben, zullen door eęn Wet ghericht werden.

13

^‡ Want voor Gode zijn niet gherechtigh de hoorers der Wet, mer de daders der Wet zullen gherechtuærdight werden,

‡ Matt.7.c.21 Iaco.1.d.22 Ioan.3.a.7

[p. 261r]

14

(Want na dem de Heydens die dar gheęn Wet hebben, van natuere doen der Wet inhold, deze hoewel zy gheęn Wet hebben, zijn zick zeluen eęn Wet:

15

Welcke bewijzen, der Wet werck zy schriftlick in hœren herten, nademmael ze hœr consciency betuyght, ⁺ end hœre ghedachtenissen zick onder den anderen verklaghen, of oock verentschuldighen,)

+ C

16

^* Op den dagh wanneęr God de verborghenheyden der menschen door Iesum Christum richten zal, na luyde mynes Euangelij.

* Matt.25.c.31

17

Zie, du werdst toeghenaemt eęn Iœde, ^* end verlaetst dy op de Wet, end berommst dy Godes,

* Rom.9.a.4

18

End du wetest den wille [Godes], end dewijl du wt der Wet onderricht bist, prijzest du wat trefflick is,

19

End laetst dy duncken dy zeluen te zijn eęn leyder der blinden, eęn licht der, die in duysternisse zijn,

20

Eęn onderwijzer der onwijzen, eęn leęrmeęster der kindischen, die dar hebbe eęn ghestalteniß der wetenschap end der waerheyt in der Wet.

21

Die du dan eęnen anderen leęrst, leęrst du dy zeluen niet? die du predikest, men zal niet stelen, steelst du?

22

⁺Die du zegst, men zal niet echtbreken, breeckst du de echt? die du eęnen gruwel hebst voor den afgoden, doest du Godsroof?

+ D

23

Die du dy der Wet berommst, onteęrst du God door de ouertreding der Wet?

[p. 261v]

24

Want uwerthaluen werdt Godes naem ghelastert onder den Heydenen: ^* ghelijckerwijß gheschreuen is.

* Esa.52.b.5 Ezec.36.d.20

25

De Besnijding is wel nutt, zo du de Wet holdest: bist du auer eęn ouertreder der Wet, zo is dijn Besnijding eęn Uoorhuyd gheworden.

26

Zo nu de Uoorhuyd de gherechtigheyden der Wet bewaret, zal niet zijn voorhuyd vœr eęn besnijding gherekent werden?

27

End zal niet dat van natuere voorhuyd is, zo het de Wet volbringt, dy richten, die du door de letter end besnijding eęn ouertreder der Wet bist?

28

^* Want het is niet eęn Iœde, die’t in d’openbare is: noch het is niet eęn Besnijding, die in d’openbare in dem vleęsche is:

* Ioan.8.e.39 Rom.9.b.7.

29

Mer het is eęn Iœde, die’t in’t heymelicke is: ^* end het is eęn Besnijding, die des herten is, im Gheęst, niet in der letter: welcker lof is, niet wt menschen, mer wt Gode.

* Deut.10.d.16 Ier.4.a.4 Philip.3.a.3 Col.2.b.11