Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xxiiij.

1

NA vijf daghen auer quam de ^* Ouerpriester Ananias hénaf mit den Olderlinghen end dem Redenær Tertullo: welcke verschenen voor dem landuooghd teghen Paulum.

* Act.23.a.2

2

Doe hy auer gheropen was, begann hem Tertullus te verklaghen, end zeyde:

3

Dat wy grooten vrede door dy bekommen, end vele oprechte weldaden dezem volcke wederuaren door dijn voorzichtigheyt, gheweldighe Feste, dat nemen wy oock ⁺ alleßinns end allenthaluen an, mit aller danckbaerheyt.

+ anders. altijd.

4

⁺Op dat ick dy auer niet te lang opholde, bidd ick dy, du woldest ons kortlick hooren na dyner redelickheyt.

+ B

5

Want wy hebben dezen mann vonden zeęr pestilentiooß, end die oproer verweckt allen Iœden die op dem ganschen ærdbodem zijn, end eęnen oppersten vœrstander der secten der Nazareneren,

6

^* Die oock onderstaen heeft den tem-

* Act.21.e.26

[p. 249r]

pel te ontheylighen: welcken wy oock grepen, end wolden hem na onzer Wet richten.

7

Auer Lisias de Duyzendhoofdmann voorquam dat, end entleydde hem mit grootem gheweld wt onzen handen.

8

End hiet zyne verklaghers tot dy kommen: ⁺ van welckem du zelue magst na onderzouckinghe dit alles bekennen, ⁺ waervan wy hem verklaghen.

+ van welcken

+ C

9

De Iœden auer deden oock daertoe, end zeyden, het ware alzo.

10

Paulus auer, doe hem de Landuooghd wenckte te spreken, andwordde: Dewijl ick weet dat du in dezem volcke nu vele iaren eęn richter bist, verandworde ick my zeluen deß te vrijmoedigher:

11

Nademmael du bekennen magst dat het niet meęr dan twælf daghen zijn, dat ick hénop toogh na Hierusalem an te bidden.

12

⁺End zy hebben my oock niet gheuonden in dem tempel mit iemanden onderreding hebben, of oproer im volcke maken, noch in den Synagogen, noch in der stad.

+ D

13

Zy konnen oock niet bybringhen dat, welckes zy my verklaghen.

14

^* Dit belijde ick auer dy, dat ick na dem wegh den zy secte heeten, alzo diene dem Gode der Uaderen, dat ick ghelooue allem wat dar gheschreuen is in der Wett, end in den Propheten:

* Act.25.b.8 end .28.d.17

15

End heb hope tot Gode, op welcke oock deze zelue wachten, [naemlick] dat dar toekomstigh zy eęn opstanding der dooden, oock der gherechtighen end ongherechtighen.

16

^* In dem zeluen auer oeffene ick my,

* Act.23.a.1

[p. 249v]

te hebben eęn onanstootighe consciency altijd voor Gode end voor den menschen.

17

⁺Auer na velen iaren ghingk ick toe ^* aelmoessen te bringhen mynem volcke, end offeringhen.

+ E

* Act.11.d.29 Rom.15.f.25

18

^‡ Waerouer zy my vonden ghereynight in dem tempel, niet mit eęnigher schare noch mit eęnighem rumoor.

‡ Act.21.e.26

19

Dar waren auer zommighe Iœden wt Asia, welcke zolden hier zijn voor dy, end my verklaghen, zo zy wat teghen my hadden:

20

Of latet deze zelue zegghen, of zy eęnighe ongherechtigheyt an my beuonden hebben, dewijl ick hier sta voor dem Raad,

21

Dan alleęn om dezes eęnighen ⁺ words willen dat ick gheropen heb, doe ick onder hen stond: ^{+ *} Ouer der opstandinghe der dooden werde ick huyden van v gericht

+ Gr. stemme

+ F

* Act.23.b.6 end .28.e.20

22

Doe auer Felix zulcks hoorde, verzand hy ze, dewijl hy ghewißlick wiste wat van dezem weghe ware, end zeyde: Wanneęr Lisias de Duyzendhoofdmann hæraf kommen zal zijn, zo zal ick uwer zaken kenniß nemen.

23

End beual dem Honderdhoofdmann Paulum te bewaren, end hem laten verlichting hebben: ^* end dat men niemanden der zyner weerden hem te dienen, of tot hem te gaen.

* Act.27.a.3 end .28.d.16

24

Na zommighen daghen auer quam Felix mit zynem wijue Drusilla, welcke eęn Iœdinne was, end entbood Paulum, end hoorde hem van dem ghelooue in Christum

25

Dewijl hy auer onderreding had van gherechtigheyt end matigheyt, end van dem toekomstighen gherichte, ward

[p. 250r]

Felix beureęst, end andwordde: Op dit mael ga hén: wanneęr ick auer gheleghenheyt bekomme, zal ick dy hær doen roupen.

26

Hy hoopte auer oock daerbeneuen dat hem van Paulo zolde gheld ghegeuen werden, op dat hy hem entsloughe, daerom hy hem oock menighmael entbood, end besprack zick mit hem.

27

Doe auer tweę iaren nu omm waren, kreegh Felix eęnen nakommelingk Portium Festum. ^* End dewijl Felix wolde den Iœden gunst bewijzen, liet hy Paulum daerna ghebonden.

* Act.25.d.14