Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xviij.

1

DAerna auer vertoogh Paulus van Athenen, end quam tot Corinthen.

2

End vand eęnen Iœde mit name ^* Aquilas, wt Ponto gheboortigh, die onlangs kommen was wt Italien, end Priscilla zijn wijf (daerom dat Claudius gheboden had allen Iœden wt Romen te vertrecken,) end ghingk tot hen.

* Rom.16.a.3 2.tim.4.d.19

3

End dewijl hy des zeluen handwercks was, bleef hy by hen, end arbeydde: (zy waren auer huttemakers des handwercks haluen.)

4

Hy had auer onderreding in der Synagoghe op alle Sabbath, end ouerreedde oock Iœden end Griecken.

5

^+* Doe auer Silas end Timotheus wt Macedonien quamen, ward Paulus ghedronghen door den Gheęst, den Iœden te betuyghen Iesum, dat hy de ⁺ Ghezalfde was.

+ B

* Act.17.d.15

+ Christus.

6

Doe zy auer wederspraken end lasterden, ⁺ schudtde hy de kleęders wt, end zeyde tot hen: Uwe bloed zy ouer uwe hoofd: Ick zal van nu an reyn hén

+ Matt.10.b.14 Act.13.g.51

[p. 236v]

gaen tot den Heydenen.

7

End van daer ghescheyden, quam hy in eęn huyß eęns mit name Iustus, die Godureęzigh was: end des zeluen huyß was allernaest an der Synagoghen.

8

^+* Crispus auer de Ouersynagooghmeęster gheloofde in den Heęre mit zynem ganschen huyßgheßinne: end vele der Corintheren die daer toehoorden, gheloofden end wurden ghedoopt.

+ C

* 1.Cor.1.b.13

9

^* De Heęr auer zeyde door eęn ghezicht in der nacht tot Paulo: Ureęß dy niet, mer spreeck end zwijgh niet.

* Act.23.c.11

10

Want ick bin mit dy, end niemand zal zick onderstaen dy te mißhandelen: want ick heb eęn groot volck in dezer stad.

11

End hy zat [te Corinthen] eęn iaar end zeß maanden, end leęrde ze het word Godes.

12

⁺Doe auer Gallio stadholder was in Achaia, stonden de Iœden eęnmoedighlick teghen Paulum op, end brachten hem voor den richtstoul,

+ D

13

End zeyden: Deze mensch ouerreedt de menschen Gode te dienen teghen de Wet.

14

Doe nu auer Paulus wolde den mond opdoen, zeyde Gallio tot den Iœden: ^* Wenn het eęnighe veronghelijcking of ærgh stuck ware, O Iœden, ten rechten zolde ick v dulden:

* Act.25.c.11

15

Zo auer de vraagh is van worden end namen end uwer Wet, daer zullet ghy zelue toe zien: want ick will daerouer gheęn richter zijn.

[p. 237r]

16

End dreef ze van dem richtstoul hénaf.

17

⁺Doe grepen alle de Griecken Sosthenem den Ouersynagooghmeęster, end sloughen hem voor dem richtstoul, end Gallio namm zick deß niet an.

+ E

18

Paulus auer na dem hy nu [daer] vele daghen bleuen was, maeckte zijn afscheyd mit den broederen, end scheepte in Syrien (end mit hem Priscilla end Aquilas,) end ^* beschoor het hoofd te Cenchréen: want hy had eęn ghelofte [ghedaen].

* Num.6.c.18 Act.21.d.23

19

End quam tot Ephesen an, end liet deze aldaer. Hy auer ghingk hén in de Synagoogh, end had onderreding mit den Iœden.

20

Als zy auer hem baden dat hy langhere tijd by hen bleue, bewillighde hy’t niet:

21

Mer maeckte eęn afscheyd mit hen, end zeyde: Ick moet ganschlick het toekomstigh feęst te Hierusalem holden: auer ^* wilt God, ⁺ zo zal ick weder tot v keęren. End scheydde van Epheso.

* 1.Cor.4.d.19 Heb.6.a.4 Iaco.4.d.15

+ F

22

End doe hy hénaf quam tot Cesarien, ghingk hy hénop end groettde de Ghemeynte, end toogh hénaf na Antiochien.

23

End vertoufde [daer] eęn tijd lang, end reyßde wt: end doorwandelde ordentlick het Galatisch landbegrijp end Phrygiam, end verstærckte alle de leęrionghers.

24

Dar quam auer tot Epheso eęn Iœde mit name ^* Apollos, van Alexandrien gheboortigh, eęn welsprekigh mann, end machtigh in den Schriften.

* 1.Cor.1.b.11

25

Deze was onderricht in dem weghe

[p. 237v]

des Heęren, end vuerigh im gheęste, sprack end leęrde nærstlick wat des Heęren was, ⁺ end wist alleęnlick van dem Doope Ioannis.

+ G

26

End deze begann vrijwt te spreken in der Synagoghe. Doe hem ^* Aquilas end Priscilla hoorden, namen zy hem mede, end leyden hem den wegh Godes noch nærstlicker wt.

* Rom.16.a.3

27

Doe hy auer wolde in Achaiam reyzen, wurden de broeders daertoe vermaent, end schreuen den leęriongheren, dat zy hem opnamen.

28

End als hy daer kommen was, ^* halp hy veel den, die door ghenade ghelooft hadden: want hy ouerwann de Iœden krachtlick in d’openbare, end beweeß door de Schriften dat Iesus de ⁺ Ghezalfde ware.

* 1.Cor.3.b.6

+ Christus