Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xiiij.

1

HEt gheschiedde auer te Iconien dat zy t’zamen hénin ghinghen in de Iœden Synagoogh, end spraken alzo dat oock eęn groote menighte der Iœden end der Griecken gheloouigh ward.

2

De ongheloouighe Iœden auer maeckten op, end verbitterden de zielen der Heydenen teghen de broeders.

3

Zo brachten zy nu [aldaer] eęn langhe tijd ouer, spraken vrijwt in dem Heęre, ^* welcker tuyghniß gaf dem worde zyner ghenaden, end liet teękens end zeldßame wonderheyden gheschiehen door hœre handen.

* Marc.16.d.20 Hebr.2.a.4 Act.19.b.11

4

De menighte auer der stad ward ghedeęlt, end zommighe waren mit den Iœden, zommighe auer mit den Apostelen

[p. 228r]

5

Doe zick auer eęn stormm verhief oock der Heydenen end der Iœden zampt hœren Ouersten, hen smadighe schamperheyt an te doen end te steęnighen:

6

Wurden zy deß ghewaer, end ^* vlohen in de steden [des lands] Lycaonie, na Lystren end Derben, end in het omligghende landbegrijp: end aldaer euangelizeerden zy.

* Matt.10.c.23 Act.8.a.1.

7

^+* End dar zat eęn mann te Lystren onmachtigh van voeten, end was krœpel van zyner moeder buyck an, welcker noyt ghewandelt had:

+ B

* Act.3.a.2

8

Deze hoorde Paulum spreken. Welcker als hy hem staerlick anzagh, end mærckte dat hy ghelooue hadde ghezond te werden,

9

Zeyde mit luyder stemmen: Sta recht op op dyne voeten. End hy ^* sprang op, end wandelde.

* Esa.35.c.6.

10

Doe auer de scharen zaghen wat Paulus ghedaen had, hieuen zy hœr stemm op end zeyden op Lycaonisch: ^* De Goden den menschen ghelijck gheworden, zijn tot ons hæraf kommen.

* Act.28.b.7

11

End hieten Barnabam, Iuppiter: Paulum auer, Mercurius, daerom dat hy het word voerde.

12

Iuppiters Priester auer die voor hœr stad was, bracht stieren end kranssen voor de poorten, end wolde offeren zampt den scharen.

13

⁺Doe auer de Apostels Barnabas end Paulus dit hoorden, schœrden zy hœre kleęders van eęn, end spronghen midden onder de schare, riepen,

+ C

14

End zeyden: Ghy mannen ^* waerom

* Act.10.d.26 Apoc.19.b.10 end .22,b.9

[p. 228v]

doet ghy zulcks? wy zijn oock menschen mit v ghelijcken beweghinghen onderworpen, end euangelizeren v, dat ghy v afkeęret van dezen ijdelheyden tot dem leuendighen Gode, ^* welcker ghemaeckt heeft hemel end ærde, end de zeę end alles wat daerin is.

* Gen.1.a.1 Psal.33.a.6 end .124.a.8 end .146.b.6 Act.17.e.24 Apoc.14.b.7

15

Die in voorledenen tijden ^‡ heeft laten alle Heydens wandelen hœre weghen:

‡ Psal.81.c.13

16

^* Hoewel hy hem zeluen niet onbetuyght ghelaten heeft mit goed doen, end heeft ons wt dem hemel reghen end vruchtbare tijden ghegheuen, end ⁺ onze herten veruult mit spijze end vrœghde.

* Rom.1.c.19

+ anders. uwe

17

End doe zy dit zeyden, konden zy nauw de scharen stillen dat zy hen niet offerden.

18

Dar quamen auer Iœden héntoe van Antiochien end Iconien, welcke ouerreedden de scharen, end ^* steęnighden Paulum, end sleypten hem ter stad hénwt, meynende hy ware dood.

* 2.Cor.11.f.25

19

Doe auer hem de leęrionghers omringden, stond hy op, end ghingk in de stad: end des anderen daghs toogh hy wt mit Barnaba na Derben.

20

⁺End na dem zy der zeluer stad gheeuangelizeert, end [aldaer] vele tot leęrionghers ghemaeckt hadden, keęrden zy weder na Lystren end Iconien end Antiochien,

+ D

21

Beuestighden de zielen der leęriongheren, ^* end vermaendenze dat zy in dem ghelooue volhærdden.

* Act.11.d.23 end .13.f.43

22

End ^‡ dat wy door vele verdruckinghen moeten in het kœningkrijck Go-

‡ luc.24.d.25 2.Tim.3.c.12

[p. 229r]

des ingaen.

23

Doe zy auer mit kœrstemmen ouer alle de Ghemeynten Olderlinghen verordent hadden, baden zy mit vasten, end beualen ze dem Heęre, in welcken zy ghelooft hadden.

24

End reyßden door Pisidiam, end quamen in Phamphyliam.

25

End doe zy het word te Pergen ghesproken hadden, quamen zy hénaf na [de stad] Attalien.

26

End van daer scheepten zy hénaf ^* na Antiochien, van waer zy der ghenade Godes ouerghegheuen waren tot dem wercke dat zy volbrachten.

* Act.13.a.1

27

Doe zy auer daer quamen, verzamelden zy de Ghemeynte, end vertelden alles wat God mit hen ghedaen hadde, end dat hy den Heydenen hadde de dœre des gheloofs opghedaen.

28

Zy hadden auer aldaer hœren wandel niet eęn kleyne tijd by den leęriongheren.