Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vj.

1

TEn dien daghen auer doe zick de leęrionghers vermeęreden, quamm dar eęn murring der Grecisten te-

[p. 210r]

ghen de Hebréers, om dat hœre weduwen in der daghlickscher bedieninghe [der armen] ⁺ verzuymt wurden.

+ Gr. berzien

2

De twælf auer riepen de menighte der leęriongheren, end zeyden: ^* Het is niet billick dat wy het word Godes nalaten, end de disschen bedienen.

* Exod.18.c.19

3

^* Ouerziet dan broeders, onder v zeuen betuyghde mannen, voll heylighen Gheęstes end wijßheyt, welcke wy bestellen zullen tot dezer noodlast.

* Act 1.d.21 end .16.a.2 Deut.1.c.13 1.Timo.3.b.7

4

Wy auer zullen anholden in dem ghebede end in der bedieninghe des words.

5

⁺End deze rede beuiel der ganscher Ghemeynte wel: end zy verkoren Stephanum, eęnen mann voll gheloofs end heylighen Gheęstes, end ^* Philppum, end Prochorum, end Nicanor, end Timon, end Parmenam, end ^* Nicolaum den ⁺ Iœdeghenoot van Antiochia.

+ B

* Act.21.b.8

* Apoc.2.b.6

+ Gr. Ankommelingk

6

^* Deze stelden zy voor de Apostels, end baden, end ^‡ leyden de handen op ze.

* Act.1.d.23

‡ 1.Tim.4.d 14. end .5.d.22 2.Tim.1.b.6

7

End het word Godes wieß, end het ghetall der leęriongheren vermeęrede zick zeęr te Hierusalem, ia oock eęn groote schaar der Priesteren gaf dem ghelooue ghehoor.

8

Stephanus auer voll gheloofs end kracht, ⁺ dede zeldßame wonderheyden end groote teękens onder dem volcke.

+ C

9

Dar stonden auer zommighe op wt der Synagoghe, die dar heett [der] Libertinen, end Cyreneren end Alexandrinen, end der, die van Cilicia end Asia waren, end beuraeghden zick mit Stephano.

[p. 210v]

10

^* End zy konden niet wederstaen der wijßheyt end dem Gheęste, door welcken hy sprack.

* Exod.4.c.12 Esa.54.g.17 Luc.22.c.14

11

^‡ Doe maeckten zy mannen op die dar zegghen zolden: Wy hebben hem lasterlicke worden hooren spreken teghen Mosen end God.

‡ Mat.26.f.58

12

End zy beroerden het volck end de Olderlinghen end de Schriftgheleęrden: ⁺ end oueruielen hem, end grepen hem hénwegh, end brachten hem voor den Raad:

+ D

13

End stelden valsche tuyghen voor, die dar zegghen zolden: Deze mensch holdt niet op te spreken lasterlicke worden teghen deze heylighe plaetß end de Wet.

14

Want wy hebben hem hooren zegghen, dat deze Iesus de Nazarener deze plaetß verdæruen zal, end veranderen de zeden die ons Moses ouerghegeuen heeft.

15

End zy zaghen hem staerlick an alle die in dem Raad zaten, end zaghen zijn anghezicht, als eęns Enghels anghezicht.