Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xv.

1

ICk bin de ware wijnstock, end mijn Uader is eęn landbauwer.

2

^* Alle wijnranck die in my gheęn vrucht bringt, neemt hy hén: end alle wijnranck die dar vrucht bringt, reynight hy, op dat zy meęr vrucht bringhe.

* Mat.15.b.13

3

^* Nu zijt ghy reyn om des words willen dat ick tot v ghesproken heb.

* Ioan.13.b.10

4

Blijuet in my, end ick in v. Ghelijckerwijß de wijnranck gheęn vrucht bringhen kann van hœr zeluen, ten zy dat zy blijue in dem wijnstock, alzo oock ghy niet, ten zy dat ghy in my blijuet.

5

Ick bin de wijnstock, ghy de wijnrancken. Wie in my blijft, end ick in hem, deze bringt vele vrucht: want zonder my konnet ghy niets doen.

6

^* Zo iemand in my niet blijuet, die is hénwt gheworpen, ghelijck eęn wijnranck, end is verdorret: end men zamelt de zelue, end wærpt ze in’t vuer, end zy

* Ezec.15.a.2

[p. 187v]

branden.

7

Zo ghy in my blijuet, end myne worden in v blijuen, ^* zo wat ghy willet, zullet ghy begæren, ⁺ end het zal v ghewerden.

* Iere.29.c.12 Matt.7.a.7 end .21.b.22 Marc.11.c.24 Luc.11.b.9 Ioan.14.b.13 end .16.c.24 Iaco.1.a.5 1.Ioan.3.d.22 end .5.c.14

+ B

8

Hierin is mijn Uader heęrlich ghemaeckt, dat ghy vele vrucht voordbringhet, end myne leęrionghers werdet.

9

Ghelijckerwijß my de Uader lief ghehadt heeft, alzo heb ick v oock lief ghehadt,: blijuet in myner liefde.

10

^‡ Zo ghy myne gheboden holdet, zo zullet ghy blijuen in myner liefde: ghelijckerwijß ick mijns Uaders gheboden gheholden heb, end blijue in zyner liefde.

‡ Ioa.14.b.15 c.21.23 1.Ioan.5.a.3

11

Zulcks heb ick tot v ghesproken, op dat mijn vrœghd in v blijue, end uwe vrœghd veruult werde.

12

^* Dit is mijn ghebod, dat ghy malckanderen lief hebbet, ghelijckerwijß ick v lief ghehadt heb.

* Leui.19.d.18 Matt.22.d.38 Ioan.13.d.34 Ephe.5.a.2 1.Thes.4.b.9 1.Pet.4.b.8 1.Ioan.3.d.23 end .4.d.21

13

^‡ Niemand heeft grooter liefde dan deze, dat iemand zijn ziel zette vœr zyne vrienden.

‡ Ephes.5.a.2 1.Ioan.3.c.16

14

^* Ghy zijt myne vrienden, zo ghy doet alles wat ick v ghebiede.

* Mat.12.d.50 2.Cor.5.c.16 Gala.5.a.6 end .6.d.15 Colos.3.b.11

15

⁺Ick zeg v voordan niet, dat ghy dienstknechten zijt: want de dienstknecht weet niet wat zijn heęr doet. U auer heb ick ghezegt dat ghy vrienden zijt: ^‡ want alles wat ick heb van mynem Uader ghehoort, heb ick v kond ghedaen.

+ C

‡ Ioan.8.d.26

16

Ghy hebbet my niet wtuerkoren, ^* mer ick heb v wtuerkoren, end heb v

* Ephes.1.a.4

[p. 188r]

ghezett, ^* dat ghy hén gaet, end vrucht voordbringhet, end uwe vrucht blijue: op dat, zo wat ghy van dem Uader begæret in mynem name, hy het v gheue.

* Mat.28.d.19 Marc.16.c.15 Colos.1.a.6

17

Dit ghebiede ick v, op dat ghy malckanderen lief hebbet.

18

^* Zo v de wæreld haatt, zo wetet dat zy my eęr dan v ghehaatt heeft.

* 1.Ioan.3.b.13

19

^* Waret ghy van der wæreld, zo hadde ghewißlick de wæreld het hœre lief: dewijl ghy auer niet zijt van der wæreld, mer ick heb v van der wæreld wtuerkoren, daerom haatt v de wæreld.

* Ioan.17.c.14 Gal.1.b.10

20

Ghedencket des words dat ick v ghezegt heb: ^* Eęn dienstknecht is niet grooter dan zijn heęr. Hebben zy my veruolght, zo zullen zy oock v veruolghen: hebben zy mijn word gheholden, zo zullen zy oock het uwe holden.

* Matt.10.c.24 Luc.6.f.40 Ioan.13.b.16

21

^* Auer dit alles zullen zy v doen om mijns naems willen, om dat zy niet ghekennt hebben den, ⁺ die my ghezonden heeft.

* Ioan.16.a.3

+ D

22

^* Wenn ick niet kommen ware, end hadde hen ghesproken, zo hadden zy gheęn zonde: nu auer hebben zy gheęn voorwending vœr hœr zonde.

* Rom.4.c.15 end .5.d.20

23

Wie my haatt, die haatt oock mynen Uader.

24

^* Hadde ick niet de wercken ghedaen onder hen, die gheęn ander ghedaen heeft, zo hadden zy gheęn zonde: nu auer hebben zy ze oock ghezien, end hebben oock my end mynen Uader ghehaatt.

* Ioan.10.g.37

[p. 188v]

25

Doch [dit is] op dat veruult werde. de sprœck die in hœrer Wet gheschreuen is, ^* Zy hebben my zonder oorzake ghehaatt.

* Psal.35.c.19

26

^* Wanneęr auer de Trooster ghekommen zal zijn, ^‡ welcken ick v zenden zal van dem Uader de Gheęst der waerheyt, die van dem Uader wtgaet, die zal tuyghen van my.

* Ioa.14.d.26 end 16.a.7. Act.5.f.33

‡ luc.24.g.48

27

^* Ghy auer tuyghet oock, want ghy zijt van beghinne by my.

* Act.1.b.8